| e-texts navigator |
| Wylie |
158b1 ཆུ་བོ་བཞི་ཡིས་ཁྱོད་རེ་འཚོག་། ལོག་པར་ལྟ་བས་ཁྱོད་རེ་འཁོར། །ལོག་པར་ལྟ་བས་ཁྱོད་རེ་འཚོག་།ཇི་ལྟར་ཁྱོད་ནི་ཐམས་ཅད་དུ། །ཡེ་ནས་རྒྱལ་བའི་སྲས་ཡིན་ན། །གྲོང་ཁྱེར་གསུམ་དུ་ཅི་སྟེ་འཁོར། །རང་རང་རྣམ་རྟོག་ལས་ཁོ་ན
158b2 འོ། །ལས་ཀྱི་རྒྱ་མཚོ་དབའ་རླབས་དང་། །བདག་ཏུ་འཛིན་པའི་མདུད་པ་དང་། །ཁོང་ནས་འབར་བའི་མེ་ཆེན་དང་། །ཀུན་ནས་འཐིབས་པའི་མུན་ནག་དང་། །དངོས་པོ་རྟོག་པའི་གཅོང་རྙིང་དང་། །རྣམ་པར་གཡེང་བའི་ཆུ་བོ་དང་། །ཁོང་ནས་འཁྱིལ
158b3 བའི་དུག་རྩ་རྣམས། །རང་བྱུང་རྡོ་རྗེས་མ་བྱས་ན། །གཞན་ལ་རེ་གསོལ་གདུང་སྨྲེས་པ། །ཆུ་འདོད་སྨིག་རྒྱུ་སྙེག་པ་འདྲ། །གང་འདིར་ཉིད་བདེར་མ་སྦྱར་ན། །གཞན་གྱིས་བདེ་བར་ག་ལ་འགྱུར། །ཡེ་ནས་བདེ་བར་གནས་བཞིན་དུ་ད་གདོད
158b4 གང་དུ་བདེ་ཚོལ་བ། །བཙལ་བས་རྙེད་པར་ཡོང་མི་འགྱུར། །སྡུག་བསྔལ་ཉིད་ལ་མངོན་པར་རྒྱུ། །འོ་མ་དག་ལས་མར་བྱུང་བ། །དེ་ཉིད་ཡེ་ནས་མར་མེད་པ། །ཐབས་མཆོག་དཔག་མེད་རྒྱལ་བས་ཀྱང་། །བསྲུབས་པ་མ་གཏོགས་དེ་མི་རྙེད། །དེ
158b5 བཞིན་རང་གི་དེ་ཉིད་ལས། །བཙལ་ཀྱང་རྒྱལ་བས་མི་བརྙེས་ན། །ཁྱེད་ཅི་གཞན་ལས་བདེ་འདོད་དམ། །མི་ཤེས་བློ་ཆུང་སྙིང་རེ་རྗེ་ཞེས་བཀའ་སྩལ་པ་དང་། ལང་ཀའི་བདག་པོ་དབང་ཕྱུག་ཆེན་པོ་ལ་སོགས་པ་འདུས་པ་ཕལ་པོ་ཆེའི་ཚོགས
158b6 ཀྱིས་གསོལ་པ། ཀྱེ་སྐྱེས་བུ་ཆེན་པོ་བདག་ཅག་རྣམས་རང་རང་གི་དེ་ཁོ་ན་ཉིད་བལྟ་བར་འཚལ་ན། དེ་ཇི་ལྟར་ཡོངས་སུ་བལྟ་བར་བགྱི་ཞེས་གསོལ་པ་ལས་སྐྱེས་བུ་ཆེན་པོ་དེས་བཀའ་སྩལ་པ། ཀྱེ་འདུས་པའི་ཚོགས་རྒྱལ་བའི
158b7 སྲས་རྣམས་རང་རང་གི་དེ་ཁོ་ན་ཉིད་མཐོང་བར་འདོད་ན་དཀྱིལ་འཁོར་ཆེན་པོ་གསུམ་གྱི་སྒོ་འབའ་ཞིག་ཏུ་འཇུག་པར་བྱའོ། །དེ་ཡང་རྩ་བ་བྱང་ཆུབ་ཀྱི་སེམས་ཀྱི་དཀྱིལ་འཁོར་འབའ་ཞིག་གི་སྒོར་འཇུག་པར་བྱའོ། །དེ་ཅིའི་ཕྱིར་ཞེ
158b8 ན། དཀྱིལ་འཁོར་ཆེན་པོ་གསུམ་དང་རང་རང་གི་དེ་ཁོ་ན་ཉིད་སོ་སོ་མ་ཡིན་ཐ་མི་དད་དོ། །དེ་ཡང་རྩ་བ་བྱང་ཆུབ་སེམས་ཀྱི་དཀྱིལ་འཁོར་དུ་འདུས་པའི་ཕྱིར་རོ། །དེ་སྐད་ཅེས་བཀའ་སྩལ་པ་ལས། འདུས་པ་ཆེན་པོའི་ཚོགས་ཀྱིས
iiif viewer powered by OpenSeadragon
