| e-texts navigator |
| Wylie |
155b1 ཁུངས་བཅད་རྩད་བཅད་བདག་ལས་བྱུང་། །བདག་འཛིན་བདག་གི་རྟོག་པ་ཡི། །ཕྱིན་ཅི་ལོག་སྟོབས་བརྩོན་འགྲུས་ཀྱིས། །གནས་ངན་ལེན་པའི་དེད་དཔོན་བྱེད། །དེ་ཉིད་བདག་རྟོག་ཡིན་པས་ན། །བདག་མེད་ནམ་མཁའི་སྟོབས་ཀྱིས
155b2 གཞོམ། །དབང་སྒྱུར་གནོན་པའི་ཐབས་ཆེན་དང་། །གཅོད་པ་མངོན་པའི་མཐུ་ཅན་དང་། །གཟིར་བའི་བྱིན་གྱིས་བརླབས་ཅན་གྱིས། །དུས་གསུམ་བགེགས་ཀྱི་བདག་པོ་ནོན། ཨ་ན་ཡ། མཧཱ་ཤཱུ་ནྱ་ཏཱ། ཨ་ཀོ་ཏ་ཡ་ནཱ~ཾ། སརྦ་པཱ་པ~ཾ་མ་ཏང་ཁ་རུ་ཏྲ
155b3 ནི། །སརྦ་པཱ་པ~ཾ་ཁ་ཊྲཱ~ཾ་ཀ་རུ་ཏྲ་ན~ཾ། ཐམས་ཅད་སྟོང་ཉིད་མ་སྐྱེས་པས། །བསད་པས་བསད་པ་མེད་པའི་ཕྱིར། །སྒྱུ་མ་སྦྱོང་བའི་ཆོ་འཕྲུལ་འདི། །སྙིང་རྗེ་ཆེན་པོའི་དམ་ཚིག་གོ། །ངེས་པར་བསད་པའི་དམ་ཚིག་འདི། །དོན་སྟོན་བསད་པ་མ
155b4 ཡིན་ཏེ། །རྣམ་ཤེས་གཟུགས་བྲལ་རྡོ་རྗེར་བྱ། །དེ་ཉིད་སླར་ཕབ་དམ་ཚིག་མཆོག་།རྣམ་ཤེས་ཧཱུ~ཾ་གིས་བསྡུས་ནས་ནི། །ཁོ་ན་དེ་ཉིད་གཟུགས་ལ་དབབ། །སྔོན་དུ་གནས་པའི་ཚུལ་བཞིན་དུ། །མ་ཉམས་བདེ་བ་ཆེན་པོར་སྦྱངས། །རོ་ལངས་རྡོ་རྗེ
155b5 དམ་ཚིག་འདི། །རྒྱལ་བ་ཀུན་གྱི་ཐུགས་དམ་སྟེ། །རྡོ་རྗེ་མཚོན་གྱིས་གང་བསད་པ། །སྲོག་ནི་ལོག་རྟོག་རྡོ་རྗེར་ཤི། ནམས་ཀྱང་ལྡང་བའི་དུས་མེད་པས། །སླར་སྐྱེ་བ་དག་ག་ལ་ཡོད། །རྣམ་ཤེས་གཟུགས་དང་མ་བྲལ་ན། །འཁོར་བའི་གནས
155b6 ལས་རྣམ་ཐར་འཕགས། །འཆི་མེད་རྡོ་རྗེ་བྱང་ཆུབ་སེམས། །སྟོང་ཉིད་ཡེ་ཤེས་བདུད་རྩིའི་ཆུ། །དུག་ཆེན་འཐུངས་པ་ཀུན་གྱི་གསོས། །ཤི་བ་ཀུན་སློང་སྨན་པའི་མཆོག་།ལང་ཀའི་བདག་པོ་དེ་སྐད་ཅེས་བཀའ་སྩལ་པས། རུ་ཏྲ་ནག་པོ་རྒྱུད
155b7 ཡོངས་སུ་བྱང་སྟེ་ལྷག་པའི་དོན་ངོས་པར་མཐོང་ངོ་། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྒྱུད་ཡོངས་སུ་སྦྱངས་པའི་ལེའུ་སྟེ་ཉི་ཤུ་དགུ་པའོ།། །། དེ་ནས་དེ་ཉིད་དུ་ངེས་པར་ཕྱོགས་པའི་ཕྱིར་ཞབས་ཀྱི་འཁོར་ལོ་སྤྱི
155b8 བོས་བཏེག་པའི་འདུན་པས་འདུན་ནས། འདི་སྐད་དུ་ཐམས་ཅད་དུ་བརྒྱུད་པ་རྣམ་པར་གྲགས་པ་སངས་རྒྱས་ཀུན་གྱི་དགོངས་པ་བསྐུལ་བ་ཞེས་བྱ་བའི་གླུ་འདིས་རྣམ་པར་བསྐུལ་ལོ། །ོཾ་ཆོས་ཀུན་རང་བཞིན་དག་པས་ན། །བདག་ཀྱང་རང
iiif viewer powered by OpenSeadragon
