| e-texts navigator |
| Wylie |
155a1 བཀྲེས་པས་ཉེན་པའི་འགྲོ་བ་ལ། །ཤ་རུས་ཁྲག་ཙམ་བཏང་བས་ཀྱང་། །ཟག་མེད་རྣམ་ཐར་བདེ་ཐོབ་ན། །ཟབ་མོའི་དོན་ལྟ་སྨོས་ཅི་དགོས། །རང་ལུས་གཏོང་བར་མ་ཕོད་ཅིང་། །ཆགས་པའི་མཐའ་ལ་མངོན་ཞེན་པས། །
155a2 ཁམས་གསུམ་འཁོར་བའི་ཁ་བརྒྱུད་ཅིང་། །ཟུག་རྔུའི་ནད་ཀྱིས་གཟིར་བ་ཡིན། །སྲིད་པའི་བཙོན་རར་ཆུད་པ་འདི། །མཁའ་ལ་མདུད་བས་ཉེས་པར་ངེས། །མུན་པའི་ཀློང་དུ་འཁྱམས་པ་འདི། །ཁྱད་པར་རྨོངས་པས་ཉེས་པར་ངེས། །
155a3 ཐར་མེད་འདམ་དུ་བྱིང་བ་འདི། །འདོད་སྲེད་འདུན་པས་ཉེས་པར་ངེས། །བློ་ངན་ཚ་བས་གདུངས་པ་འདི། །ཚ་བའི་ལས་ཀྱིས་ཉེས་པར་ངེས། །སྡུག་བསྔལ་རི་བོས་ནོན་པ་འདི། །ང་རྒྱལ་བརྩེགས་པས་ཉེས་པར་ངེས། །འཁོར་བའི་རླུང་སྒོར
155a4 ལྷུང་བ་འདི། །ལས་ཀྱི་རླུང་གིས་ཉེས་པར་ངེས། །རང་གིས་མནར་བའི་རུ་ཏྲ་ཁྱོད། །ཡེ་ནས་རྒྱལ་བའི་སྲས་ཡིན་ན། །སྲིད་པའི་འཁོར་ལོར་ཅི་སྟེ་འཁོར། །དེས་ན་རང་གི་ལས་ཡིན་ཏེ། །སེམས་ཉིད་ནམ་མཁའ་ལྟ་བུ་ལ། །གཟུགས་སྣང་གློ
155a5 བུར་སྤྲིན་གྱིས་བསྒྲིབས། །གཟུགས་སྣང་རྟོག་པ་རྣམ་སྦྱང་ཕྱིར། །ཤེས་རབ་བསྐལ་བའི་རླུང་གིས་གཏོར། །དང་པོ་བསྐའ་མགོ་ལོག་པས་ཉེས། །དེ་ནས་མངོན་པའི་རི་བོ་བརྩེགས། །དེ་ནས་ཡིད་བཞིན་ནོར་བུ་བསྲེགས། །ཐ་མར་དངོས་པོ་བཞི
155a6 སྤྱད་པས། །རྣལ་འབྱོར་ཐེག་པ་ཆེན་པོའི་དོན། །མ་རྟོགས་པ་དང་ལོག་པར་རྟོགས། །ཕྱོགས་རྟོགས་ཡང་དག་ཉིད་མ་རྟོགས། །ཇི་བཞིན་མ་སྤྱད་འཕྲ་མེན་གྱིས། །ངན་འགྲོའི་ལས་ལམ་རྒྱུན་བཏགས་པས། །སྲིད་པ་ལོག་པའི་འབྲས་བུར་སྨིན། །
155a7 ཨེ་མའོ་ལས་ངན་སྙིང་རེ་རྗེ། །ང་ནི་བཀའ་ཡཱི་ལས་མཁན་ཏེ། །བཀའ་ཡི་ལས་ཀྱི་ངེས་བྱུང་བས། །ངན་འགྲོ་གནས་སུ་འཁྱམས་པ་འདི། །འཁོར་བའི་གནས་ནས་འདོན་པའི་ཕྱིར། །ལས་ངན་ལས་རྒྱུན་གཅད་པར་བྱ། །དངོས་པོར་སྨིན
155a8 པའི་སྡིག་པ་འདི། །རྡོ་རྗེ་ནམ་མཁའི་མཚོན་གྱིས་བསད། །ཤར་ཕྱོགས་ལམ་སྒོའི་འཇིག་རྟེན་ན། །ཡང་དག་ཐར་ལམ་གཅོད་བྱེད་པ། །འབྱུང་པོ་གཏུམ་པོ་གདོལ་བ་ཅན། །ཁྱོད་ནི་ད་བཞིན་ཉིད་ལ་སྒྲིབ། །ཡང་དག་ངེས་པའི་བློ་གྲོས་ཀྱིས། །
iiif viewer powered by OpenSeadragon
