| e-texts navigator |
| Wylie |
152b1 མེད་རྙེད་དུ། །ལུས་བླངས་ལས་ནི་ཅི་སྤྱད་དྲན། །སྣམ་དུ་བཏོན་ཏེ་ཞབས་དྲུང་འཁོད། །རབ་དགའ་བཏུད་ནས་གནོད་ཚུལ་དུ། །གང་དེར་ཤིན་དུ་ངུས་ནས་སྨྲེས། །ེ་མ་ཨེ་མའོ་ཨེ་མ་ཡང་། །དཔའ་བོ་ལྷ་རྗེ་ཐུགས་རྗེ་ཆུང་། །ཤིན་དུ་བདེ་བའི་གནས་གཅིག
152b2 ནས། །སྣམ་དུ་བཏོན་པ་ཐུགས་རྗེ་ཆུང་། །ད་ཡང་ཅི་མཛད་མྱུར་དུ་མཛོད། །མྱུར་དུ་བསྒྲལ་ན་ཡུན་བདེའོ། །འབངས་སུ་མཆིའོ་བདག་ལུས་འབུལ། །འབངས་ལ་ནན་ཏན་མ་ཆུང་ཞིག་།དེང་ནས་སླན་ཆད་བཀའ་བཞིན་དུ། །བཀའ་ཡི་ལུང་བཞིན
152b3 རྗེས་སུ་སྒྲུབ། །གལ་ཏེ་བཀའ་བཞིན་མ་བགྱིས་སམ། །དམ་པའི་ལུང་ལས་འགལ་གྱུར་ན། །བདག་ཅག་རྣམས་ཀྱི་མགོ་ལུས་སྙིང་། །རུལ་མྱགས་སྐམས་ནས་ཚིག་པར་འགྱུར། །མ་སྲིང་བུ་མོ་ཆུང་མ་རྣམས། །འབངས་སུ་འབུལ་ལོ་ཚིས་མ་ཆུང་། །
152b4 དབུས་སུ་མཆི་སྐལ་མི་ལྡན་གྱིས། །འབར་བའི་དཀྱིལ་འཁོར་མཐའ་ལ་ཞོག་། ཕུད་ལ་འཚལ་སྐལ་མི་ལྡན་གྱིས། །ལྷག་མ་ཞལ་ཆབ་བྲོན་ལ་སྩོལ། །ཉེ་གནས་གདུང་བའི་མ་སྲིང་རྣམས། །དེ་ནས་རྒྱལ་བའི་འབངས་ཡིན་གྱིས། །ཁྱེད་ནི་ཅི་བགྱི་བཀའ
152b5 ཡི་ལས་མཁན་ཏེ། །བཀའ་ཡི་ལས་བྱུང་རྟག་པར་མྱུར་དུ་སྒྲུབས། །བདག་ཀྱང་དེང་སྔོན་ལམ་ལོག་ལས་སྤྱད་པས། །དཔག་ཏུ་མེད་པའི་འཁོར་བའི་སྡུག་བསྔལ་བརྒྱུད། །ད་ནི་ཐུགས་རྗེ་ལས་འཕྲོ་གཉིས་ཕྲད་པས། །བདེ་བ་ཅན་གྱི་ཞིང་དུ་མྱུར་འགྲོ
152b6 ཡིས། །རྗེས་སུ་བསྟན་པའི་བཀའ་ལ་ཉམས་ས་རེ། །ཇི་ལྟར་མ་བྱམས་བུ་ལ་གདུང་བ་བཞིན། །དམ་ཚིག་ཅན་ལ་དུང་དུང་གདུང་བར་བགྱིས། །གང་དུ་སྲིང་བྱམས་མིང་ལ་གདུང་བ་བཞིན། །ཡལ་གམ་ཅན་ལ་ལྷང་ལྷང་བརྩེ་བར་གྱིས། །མཛའ་མོ
152b7 གྲོགས་ལ་ཇི་ལྟར་གདུང་ཚུལ་བཞིན། །རྣལ་འབྱོར་ཅན་ལ་ཀྲིལ་ཀྲིལ་རྩེར་བར་གྱིས། །ཇི་ལྟར་གཡོག་བྱམས་དཔོན་ལ་སྙིང་བརྩེ་བཞིན། །དམ་པ་རྣམས་ལ་ངེས་པར་ཉེ་བར་གྱིས་ཞེས་འཁོར་ཉེ་གནས་རྣམས་ལ་གདམས་ངག་བོར་ནས་དཔའ་བོ་ཆེན་པོ་ལ་སྐྱབས
152b8 སུ་དོང་སྟེ་བཀའ་ཆེ་བ་ཡོངས་སུ་བསྲུང་བའི་ཕྱིར་རང་རྟགས་སྲོག་གི་སྙིང་པོ་ཕུལ་ཏེ་མནའ་དོར་རོ། །རུ་ལུ་རུ་ལུ་བྷྱོ་ཞེས་རང་གི་སྲོག་ལ་ཚད་བཞག་གོ་། དེ་ནས་བཅོམ་ལྡན་འདས་ཀྱིས་ཡོངས་སུ་གནང་བ་ནི་འདི་ལྟ་སྟེ། ཨུ0f00་རུ་ལུ་རུ་ལུ་ཧཱུ~ཾ་བྷྱོ་ཧཱུ~ཾ་ཞེས་བྱིན་གྱིས་བརླབས་ཏེ་བསྲེགས་སྦྱངས་བཏུལ་ནས་དགོངས་ཁྲལ་ཆུང་བར་བཞུགས
iiif viewer powered by OpenSeadragon
