| e-texts navigator |
| Wylie |
152a1 རང་གི་རུ་ཏྲ་ལྔ་ཡི་ས་བོན་མངོན་དུ་ཕྱུང་བས། རུ་ལུ་རུ་ལུ་བྷྱོ་ཞེས་བརྗོད། །མགོ་གསུམ་ལག་དྲུག་རྐང་བཞི་པ། །ཁྲོས་པའི་ཚུལ་དུ་གྱུར་པ་ལས། །རྗེ་བཙན་རྡོ་རྗེ་སྲིན་པོ་དེས། །ཁོ་ན་ཉིད་དུ་དེར་མཛད་དེ། །བྱིན་བརླབས་ཡི་གེ་མི
152a2 ཕྱེད་པའི། །དབང་དུ་འཁོར་བའི་ས་བོན་ལྔ། །བྱས་ནས་ངག་གི་སྤྲུལ་པ་ཕྲོགས། །ཁོ་ན་ངག་གི་དབང་པོ་ཉམས། །དེ་ནས་དུར་ཁྲོད་བདག་པོ་དེས། །ར་ལ་ར་ལ་བྷྱོ་བརྗོད་པས། །མགོ་དགུ་བཅཝ་བརྒྱད་ལག་ཏུ་གྱུར། །གང་དེར་རྗེ་བཙན་དམ་པ་དེས། །
152a3 ངག་གི་སྤྲུལ་པ་ངེས་པར་བཅད། །ཡང་དེར་དུར་ཁྲོད་བདག་པོ་དེས། །ཧུ་ལུ་ཧུ་ལུ་བྷྱོ་བརྗོད་པས། །མགོ་བརྒྱད་བཅུ་དྲུག་ལག་ཏུ་གྱུར། །དཔལ་ཆེན་རྗེ་བཙན་སྲིན་པོ་དེས། ཁོ་ན་ཅི་འདྲ་དེར་མཛད་དེ། །དེར་ཡང་དག་གི་བརྗོད་པ་བཅད། །
152a4 གང་དེར་དུར་ཁྲོད་བདག་པོ་དེས། །ཧ་ལ་ཧ་ལ་བྷྱོ་བརྗོད་པས། །ཉི་ཤུ་རྩ་གཅིག་མགོ་བོ་ལ། །བཞི་བཅུ་རྩ་གཉིས་ལག་ཏུ་གྱུར། །ཡང་ན་རྡོ་རྗེ་སྲིན་པོ་དེས། །དེ་ཅི་ཁོ་ནར་དེར་མཛད་ནས། །གང་འདིར་སྨྲ་བའི་དབང་པོ་བཅད། །ཡང་དེར་ཁོ་ནར
152a5 དེ་ཉིད་ཀྱིས། །ར་ལི་ར་ལི་བྷྱོ་བརྗོད་པས། །ལུས་ནི་ཚད་མེད་ཆེན་པོ་ལ། །ནད་ཀྱི་བསྐལ་བ་ཚུབ་མར་གཏོང་། །གདུག་པའི་མཚོན་ཆ་ལུས་ལས་འགྱོད། །རྗེ་བཙན་རྡོ་རྗེ་སྲིན་པོ་དེས། །ཁོ་ན་དེ་འདྲར་ཉིད་མཛད་དེ། །ངག་ཕྲོགས་དག་གི་སྤྲུལ
152a6 པ་ཆད། །དཔེར་ན་སྐྱེས་བུ་གང་ལ་ཞིག་།ལྕེ་བཅད་ཁྲག་གིས་བོར་བ་བཞིན། །ཤིན་དུ་མྱོས་ཏེ་འགྱེལ་བར་གྱུར། །ཀུན་གྱི་མངའ་བདག་ཆེན་པོ་དེས། །ས་མ་ཡ་ཧཱུ~ཾ་གསུང་བསྒྲགས་པས། །སྔོན་བྱུང་དུས་ན་འབྲེལ་བ་ཡིས། །སྲོག་གི
152a7 དབང་པོས་མ་བཟོད་དེ། །གང་དེར་མདུན་གྱིས་ཕྱོགས་པ་དང་། །རྩེ་གསུམ་ཁ་ཊྭཱཾ་འབར་བ་ཡིས། །རུ་ཏྲའི་རི་བོ་བཅོམ་དབང་གི། ཕྱག་རྒྱས་རོལ་ཏེ་ཕྱལ་དུ་སྦྱངས། །ཉེ་གནས་དབང་གིས་མཚམས་སྦྱར་བའི། །རང་གི་དམ་པ་ལ
152a8 སོགས་པའི། །མཐའ་ཐུག་མེད་པའི་སངས་རྒྱས་དང་། །དཔག་ཏུ་མེད་པའི་བྱང་ཆུབ་སེམས། །སྟུག་པོ་བཀོད་པའི་མཐོང་བའི་མཐུས། །ཐོག་མ་མེད་པའི་དུས་མཐའ་ནས། །ཞེན་པའི་མུན་ནག་སངས་གྱུར་ཏེ། །སྐྱེ་བ་དུས་མཐའ
iiif viewer powered by OpenSeadragon
