| e-texts navigator |
| Wylie |
150b1 པོ་ཡིས། །དྲག་པོ་དྲག་མོ་ལ་སོགས་བརྒྱལ། །དེ་ལས་སླར་ལོག་མཐོང་སྣང་བ། །འཇིགས་བྱེད་ཆེན་པོ་འབར་བ་ལ། །སྔོ་གནག་རྔམ་པའི་རལ་པ་ཅན། །དབུ་དགུ་ཕྱག་ནི་བཅཝ་བརྒྱད་པ། །རྡོ་རྗེ་གཤོག་པས་བར་སྣང་ཁེབས། །བ་སྤུ་ལྕགས་ཀྱུ
150b2 བསྲེགས་འདྲ་བའི། །སྡོམ་དང་སྡིག་དང་སྨིགས་དང་སྦྲུལ། །འཇིགས་པའི་གཟུགས་ཀྱིས་ས་གཞི་ཁེབས། །ཐོད་སྐྱོགས་སྟི་ར་རྒྱུ་ཞགས་དང་། །ཉི་ཟླ་ཁྱུང་དང་འུག་པ་ཁྲ། །རྡོ་རྗེ་མདུང་རྩེ་གསུམ་པ་དང་། །ཟ་མ་ཏོག་དང་རྡུལ་ཡབ་རྔ། །རི་རབ
150b3 སྤྱི་སྐོར་སྟོང་གསུམ་འཕེན། །ཀླུ་དབང་འབུམ་གྱིས་བརྒྱན་ཅིང་ཀླུབས། །དུས་མཐའི་བསྐལ་པ་མེ་ལྟར་འབར། །ཁྲོ་གཉེར་སྡང་མིག་འབར་བ་ཡི། །ཉི་ཤུ་རྩ་བདུན་སྤྱན་རས་གཟིགས། །ཞབས་བརྒྱད་འབར་བས་ལྷ་བརྒྱད་གནོན། །རྡོ་རྗེ
150b4 སྲིན་པོ་ཁྲོ་བོར་གྱུར། །ལྷ་དང་བདུད་ལས་རྣམ་པར་གྲགས། །དེ་ནས་ཡི་དགས་དྲག་པོ་དེ། །ཁོ་ནའི་སེམས་རྟོག་རྟས་ནས་ཀྱང་། །ང་རྒྱལ་དྲག་པོའི་གཏུམ་སྐད་ཀྱིས། །འཁོར་གྱི་དབང་ཕྱུག་རྣམ་པར་བསྐུལ། །རུ་ཏྲ་མ་ཏྲ་མ་ར་ཏྲ། །འདུ་འདུ
150b5 དབང་ཕྱུག་ཆེན་པོའི་ཚོགས། །ཀུན་དུ་རབ་ཏུ་དམ་ལ་འདུ། །གྲམ་གྲམ་དབང་ཕྱུག་ཆེན་པོའི་ཚོགས། །ཀུན་དུ་རབ་ཏུ་ལས་ལ་གྲམ། །ཐུད་ཐུད་དབང་ཕྱུག་ཆེན་པོའི་ཚོགས། །ཀུན་དུ་རབ་ཏུ་འདི་ལ་ཐུད། །དབང་ཕྱུག་ང་ཡི་ཕྲུ་མ
150b6 ལ། །གང་འདིར་གདུག་པ་ཆེན་པོ་འདི། །ཁྱེད་ཀྱིས་བརླག་པའི་དུས་ལ་བབ། །གང་འདིར་བྱ་མི་བྱ་རྟོག་ན། །ཁྱེད་ནི་ཤིན་དུ་རླག་མ་ཁད། །མཛའ་བོ་གང་ལ་བྱ་མི་བྱ་བ་ཡི། །ཡོངས་སུ་རྟོག་པ་དེ་དག་མེད་ཀྱང་བླ། །དེ་འདྲའི་མཛའ་བོ་སྒྱུ་མ
150b7 ཡིན་པས་ན། །དེ་ལ་མཛའ་ཞེས་སུ་ཞིག་ཟེར། །རྒོལ་བ་གང་ལ་བྱ་མི་བྱ་བ་ཡི། །ཡོངས་སུ་རྟོག་པ་དེ་དག་མེད་ཀྱང་བླ། །དེ་འདྲའི་རྒོལ་བ་སྒྱུ་མ་ཡིན་པས་ན། །དེ་ལ་དཔའ་ཞེས་སུ་ཞིག་ཟེར། །དམ་ཚིག་གང་སྲུང་མི་སྲུང་བའི། །ཡོངས་སུ་རྟོག
150b8 པ་དེ་དག་མེད་ཀྱང་བླ། །དེ་འདྲའི་དམ་ཚིག་སྒྱུ་མ་ཡིན་པས་ན། །དེ་ལ་དམ་པ་སུ་ཞིག་འདོགས། །ཐམས་ཅད་བྱ་མི་བྱ་བ་ཡི། །ཡོངས་སུ་རྟོག་པ་དེ་དག་མེད་ཀྱང་བླ། །དེ་འདྲའི་སྤྱོད་པ་སྒྱུ་མ་ཡིན་པས་ན། །དེ་ལ་བྱེད་ཅེས་སུ་ཞིག་ཟེར། །གང་ལ་གང
iiif viewer powered by OpenSeadragon
