| e-texts navigator |
| Wylie |
149b1 ཕལ་ཆེར་ལས་ལ་གྲམ་སྐབས་སུ། །དཔའ་ཆེན་རྡོ་རྗེ་འཛིན་པ་དེའི། །དེ་ཉིད་ཡང་དག་དངོས་མིན་པའི། །གཞོན་ནུ་སྣམ་ནས་བཏོན་པའི་སྲས། །རྡོ་རྗེ་གཞོན་ནུ་སྨེ་བ་བརྩེགས། །མཐིང་གནག་ཁྲོ་གཉེར་རལ་པ་ཅན། །
149b2 འབར་བ་ཆེན་པོའི་གར་དགུར་མཛད། །དུར་ཁྲོད་བདག་པོ་ཇི་བཞིན་དུ། །དབུ་དང་ཕྱག་ཞབས་དེར་མཛད་དེ། །བདུད་རྩི་ལྔ་ཡི་སྦྱོར་བ་ཡིས། །བཤུང་བ་ལྔ་ནི་བདུད་རྩིར་བསྒྱུར། །ཐམས་ཅད་སྟོང་ཉིད་བདུད་རྩིར་སྦྱངས། །
149b3 ཉེ་གནས་ལ་སོགས་འཁོར་མོ་རྣམས། །སྤྱོད་ལ་མ་ཆགས་ཡེ་ཤེས་དང་། །བྱས་ལ་མི་སོགས་ཕྲིན་ལས་ཀྱིས། །འཐུན་འཇུག་ཁྲིད་པའི་སྦྱོར་ཐབས་ཀྱིས། །དབང་བསྡུས་དང་སྦྱངས་སྤྲུལ་པ་ནི། །སེམས་དཔའ་ཡེ
149b4 ཤེས་སྤྲུལ་པའི་ཚོགས། །ཀོའུ་ཙོའུ་ལ་སོགས་མ་ཚོགས་དང་། །སེང་སྟག་ལ་སོགས་ཡུལ་དུ་སྣང་། །འདོད་པའི་དབང་མོ་བརྐམ་པ་དེས། །ཆགས་པའི་དབང་གིས་གང་མཐོང་བ། །སྤྱིར་ནི་རང་གི་ཁྱོ་བདག་ལྟ། །ལྷག་པའི
149b5 གཟི་ཆེན་འབར་བར་མཐོང་། །སྙམ་པའི་དབང་གི་ཐེ་ཚོམ་སྐྱེས། །ེ་མའོ་བདག་གི་བདག་པོ་བས། །ཤིན་དུ་འོད་འབར་གཟི་བྱིན་ཆེ། །འདི་ཇི་ལྟ་བར་སྤྲུལ་པ་ཞིག་།སྙམ་དུ་ཡིད་གཉིས་རྟོག་པ་ལས། །ཐབས་མཆོག་རྡོ་རྗེ
149b6 གཞོན་ནུ་དེས། །སྲིན་སྐད་ཐང་གསུམ་ཕྱུང་བ་ལས། །ཐེ་ཚོམ་རྟོག་པ་ཆད་པར་འགྱུར། །ཆགས་པའི་དབང་གིས་སངས་རྒྱས་ཀྱི། །སྐུ་ལ་ངེས་པར་འཁྲིལ་བ་ནི། །ཙན་དན་སྦྲུལ་གྱི་སྡོང་པོ་ལ། །ཚད་པས་བདས་པའི་སྦྲུལ
149b7 འཁྲིལ་པས། །མི་རྟོག་ཚད་མའི་གདུང་སེལ་ལྟར། །གང་ལ་ཆགས་པ་མི་མངའ་བའི། །གང་གི་གདུང་བ་རྣམ་པར་སེལ། །དེ་ནས་སྨེ་བ་བརྩེགས་པ་དེས། །ཐམས་ཅད་ཅི་དགའ་འབྱུང་བ་ཡི། །ཡིད་བཞིན་ནོར་བུའི་སྙིང་པོ
149b8 དེ། །ཉེ་བའི་རིག་པ་འདི་བརྗོད་པས། །བྱ་བ་ཐམས་ཅད་བྱེད་པའི་མཆོག་།ུ0f00་བྷུར་ཀུཾ། ཨི་ཙི། ཀི་ཕི། ཨུ་ཙྪུསྨ་ཀྲོ་ཏ་ཧཱུ~ཾ་ཕཊ། ཡང་དག་དངོས་མིན་ཆོ་འཕྲུལ་འདིས། །སྣང་མཛད་ཆེན་པོའི་ཆོ་འཕྲུལ་བསྡུས། །གང་དུ་དང་པོར་སྤྲུལ་པ
iiif viewer powered by OpenSeadragon
