| e-texts navigator |
| Wylie |
149a1 ཚོགས། །ལྕེ་སྤྱང་སྟག་སེང་ལ་སོགས་པའི། །གདུག་པ་ཅན་གྱི་འཁོར་གྱིས་བསྐོར། །ལྷ་ཡི་སྡེ་དཔོན་ཀ་རུ་ནི། །བུ་མོ་ཆུང་མ་མ་སྲིང་དང་། །འཇིག་རྟེན་དབང་ཕྱུག་ལྷ་ཆེན་གྱི། །མ་སྲིང་ཆུང་མ་བུ་མོ་རྣམས། །ཕྲོགས་ནས
149a2 དབང་དུ་བྱས་པ་ཡི། །སླས་དང་བྱི་མོ་བྲན་མོའི་ཚོགས། །བཅུ་གཉིས་དང་ནི་རྒྱས་ལ་སོགས། །མ་མོ་འཕྲ་མེན་གནོད་སྦྱིན་མོ། །སྲིན་མོ་ཤ་ཟ་ཁྲག་འཕྲོག་མ། །བདུད་ཀྱི་མིང་འཛིན་བླ་རྐུན་མ། །བློན་མོ་དམག་དཔོན་སྡེ་དཔོན་མ། །
149a3 རུད་དཔོན་ཕོ་ཉ་མངག་པར་བཅས། །རང་རང་སྟན་དང་ལག་ཆར་བཅས། །ཅི་བགྱི་བཀའ་ཉན་བཀའ་སྡོད་འཁོར། །སྦོད་གཏོང་རྔམ་པའི་ཚུལ་དུ་འཁོད། །སྲིན་པོའི་བུ་མོ་དྲི་ཟ་བརྒྱད། །སྟག་སེང་ཝ་སྤྱང་བཞད་ཚོགས་དང་། །དུར་བྱ
149a4 བྱ་རོག་འུག་པའི་ཚོགས། །བསྟོད་ཅིང་རྔམ་པའི་ཚུལ་དུ་འཁོད། །སྲིན་པོའི་ཉེ་གནས་ཆེན་མོ་བརྒྱད། །ཀོའུ་རི་ཙོ+ོ་རི་པྲ་མོ་ཧ། །བེཏྟ་ལི་དང་པུཀྐ་སི། །གྷས་མ་རི་དང་སྨ་ཤ་ནི། །ཙཎ་ཌ་ལི་ལ་སོགས་པ་ཡི། །གཏུམ་ཞིང་རྔམ
149a5 པའི་མ་ཚོགས་མ། །ཤིན་དུ་འཇིགས་པའི་གཟུགས་སུ་འཁོད། །དུར་ཁྲོད་ས་ཡི་སྒོ་སྲུངས་བཞི། །བརྩོན་མོ་གདོང་མོ་གར་ལོག་མོ། །དེ་བཞིན་འཇུག་མོ་ཆེན་མོ་བཞི། །གསང་སྒོ་འཛིན་ཅིང་བཀའ་སྒོ་སྲུང་། །དུར་ཁྲོད
149a6 བདག་མོ་གྲུ་འདེགས་མ། །བརྐམ་པ་ཤིན་དུ་བརྐམ་མ་དང་། །ར་རོ་མོ་དང་ཁྲག་འཐུང་མ། །ཆགས་པས་མྱོས་པའི་མདངས་ཀྱིས་འཁོད། །བམ་རི་ཐོད་པ་བརྩེགས་པའི་དབུས། །གནམ་ལྕགས་འབར་བའི་གཟེར་ཆེན་གྱིས། །
149a7 བརྟན་པར་བཏབ་པའི་ནད་བདག་མོ། །ཉེ་གནས་ཀྲོ་དྷི་ཤྭ་རི་མ། །ཐོད་སྐྱོགས་ཁྲག་གིས་བཀང་བ་དང་། །འབྲུ་མར་རྫས་ལྔ་ཆང་སྦྱར་བ། །རྟག་པར་རང་གི་ལོངས་སྤྱོད་འཛིན། །ཆགས་པས་མྱོས་ཤིང་བརྐམ་པས་ན། །འདོད
149a8 པའི་དབང་མོ་བརྐམ་པར་གྲགས། །རུ་ཏྲའི་ཕྲུ་མ་གྲོང་རྡལ་དེ། །འབར་བ་ཆེན་པོའི་གར་དགུ་ཡིས། །བཅོམ་ལྡན་དབང་དུ་མཛད་པའི་ཕྱིར། །སྡེ་དཔོན་བཏུལ་བའི་འཁོར་འདུས་པ། །འཇིག་རྟེན་དབང་ཕྱུག་མཐུ་ཆེན་རྣམས། །
iiif viewer powered by OpenSeadragon
