| e-texts navigator |
| Wylie |
148a1 མཚོའི་ངོ་། །དྲག་ཤུལ་ཡོད་པའི་རྩེ་ལ་དོང་། །རྡོ་རྗེ་ཐབས་ཀྱིས་བལྟ་བའི་ཡུལ། །དུར་ཁྲོད་བདག་པོ་ཚོགས་དང་བཅས། །མི་ངམས་སྐྱབས་ལིངས་ཆེན་པོ་ལ། །ཁམས་གསུམ་རྡོ་རྗེ་བྱ་སྤྲིན་ཐོང་། །ཅིས་ཀྱང་མི
148a2 བསྐྱོད་མི་འཁྲུགས་པའི། །སེམས་དཔའ་སངས་རྒྱས་ཀུན་གྱི་དངོས། །རྡོ་རྗེ་སེམས་དཔའ་དེ་བཞིན་ཉིད། །རྡོ་རྗེ་སྙིང་པོ་སྲིད་གསུམ་མགོན། །སྟོང་པ་ཆེན་པོའི་ནམ་མཁའ་ལ། །འབར་བ་ཆེན་པོ་གར་དགུར་མཛོད། །ཐུགས
148a3 རྗེ་ས་ལ་གཤེགས་ནས་ཀྱང་། །འཐུན་འཇུག་བྱིས་པའི་སྤྱོད་པ་མཛོད། །མེད་ལ་ཀུན་འབྱུང་སྟོང་ཉིད་ལས། །ཇི་བཞིན་པ་ཡི་རྒྱལ་བ་དང་། །སྟུག་པོ་བཀོད་པའི་ཞིང་ཁམས་ན། །རྣམ་དག་ལམ་གཤེགས་རྒྱལ་བ་རྣམས། །
148a4 བདག་ནི་བཀའ་ཡི་ལས་མཁན་ཏེ། །བཀའ་ཡི་ལས་ཀྱི་དུས་བྱུང་བས། །སངས་རྒྱས་ཀུན་གྱིས་གདུལ་དཀའ་བ། །དེ་དག་མ་ལུས་བདག་གིས་བཏུལ། །མ་གྲོལ་བ་ཡང་བདག་གིས་དགྲོལ། །གང་མ་བསྒྲལ་བ་བདག་གིས
148a5 བསྒྲལ། །དབུགས་མ་ཕྱུང་བ་དབུགས་ཕྱུང་སྟེ། །ཡང་དག་ཉིད་ལ་དགོད་པར་བགྱི། །དགོངས་པ་གསང་བ་ཀུན་འདུས་ལ། །རྨད་འབྱུང་གསང་བའི་དཀྱིལ་འཁོར་གྱིས། །མཐའ་ཐུག་མེད་པའི་སེམས་ཅན་རྣམས། །སྙིང་པོ་བསྐུལ
148a6 བའི་བྱིན་བརླབས་མཛོད་ཅེས་རྡོ་རྗེ་འཛིན་པ་དེས་དྲག་ཏུ་བསྐུལ་བ་ལས། ཆོས་ཀྱི་དབྱིངས་ཀྱི་ཕོ་བྲང་ནས་དེ་བཞིན་གཤེགས་པ་ཐམས་ཅད་ཡེ་ཤེས་ཆེན་པོའི་མེ་དུས་མཐའི་བསྐལ་པའི་མེ་ལྟར་འབར་བའི་ཐུགས་རྗེའི་སྤྲིན་ཕུང་ནམ
148a7 མཁའི་མཐའ་ཀླས་པར་འཐིབས་ནས་འབར་བ་ཆེན་པོའི་གར་དགུར་མངོན་སྤྱོད་དུ་མཛད་ནས་རྡོ་རྗེ་རྟའི་ཚོགས་ལ་བཀས་བསྒོ་བ་སོང་ཀུན་དུ་རབ་ཏུ་སོང་། རྟ་ཡི་རྡོ་རྗེ་སྟབས་དགུ་ཡིས། །འཇིག་རྟེན་བློ་དགུའི་འདོད་པ་སྟོན། །འཇིག་རྟེན
148a8 ནག་པོ་གཏུམ་པོའི་ཚོགས། །དུར་ཁྲོད་སྐྱབས་ལིངས་སྤྱོད་པ་ལ། །རྡོ་རྗེ་རྟོག་པའི་བྱ་སྒྲོན་གྱིས། །འཁོར་བ་མ་བསྒྲལ་བར་དུ་འདི། །དམ་བཅས་གོ་ཆ་གྱོན་པ་ཡི། །སྙིང་རྗེ་ཆེན་པོའི་རྟོག་འཇུག་གི། འཁོར་བའི་སོ་མཐའ་ཆོད་པར
iiif viewer powered by OpenSeadragon
