| e-texts navigator |
| Wylie |
147b1 ལས་ལ་བབ་པའི་སེམས་ཅན་འདི། །སྟོངས་ལ་བབ་པའི་ཐུགས་རྗེ་ཡིས། །འདུ་ཤེས་བསྒྱུར་བ་ཐུགས་རྗེའི་མཆོག་།སྟོང་གསུམ་མ་ལུས་བཏོན་པ་བས། །འབུམ་གྱི་ཆར་ཡང་མི་ཕོད་དོ་ཞེས་ཉེ་བར་བསྐུལ་ལོ། །དེ་ནས
147b2 དེ་བཞིན་གཤེགས་པ་ཐམས་ཅད་ཀྱིས་དན་བག་གནས་གྱུར་པ་སྐྱེས་བུ་དམ་པ་རྡོ་རྗེ་འཛིན་དུ་སྣང་བ་ཉིད་ལ་ཡོངས་སུ་བསྒོ་བ་མཛད་པ། རྒྱལ་བ་ཀུན་གྱི་གསང་མཛོད་པ། །ཐུགས་ཀྱི་བདག་པོ་རྡོ་རྗེ་འཛིན། །དྲག་པོ
147b3 བརྟུལ་ཞུགས་ཆེན་པོ་ཅན། །དཔའ་བོ་འཇིག་རྟེན་གསུམ་ལས་རྒྱལ། །སྔོན་གྱི་གོ་ཆ་ཆེན་པོའི་མཐུས། །སངས་རྒྱས་སངས་རྒྱས་ཐམས་ཅད་ཀྱིས། །གདུལ་དཀའ་དྲག་པོ་འདུལ་མཛད་པ། །བདུད་ཀྱི་བདུད་དེ
147b4 བདུད་རྣམས་འཇོམས། །སེམས་དཔའ་སྔོན་པོ་འབར་བའི་སྐུ། །འཇིགས་སུ་རུང་བའི་དཔའ་བྱད་ཅན། །གཏུམ་རྔམ་འཁྲུག་པའི་ངོ་བོ་ཡིས། །དུར་ཁྲོད་བདག་པོ་རབ་ཏུ་ཆོམ་ཞེས་ཡོངས་སུ་བསྐུལ་བས། སྐྱེས
147b5 བུ་རྡོ་རྗེ་འཛིན་པ་དེ། །ལྷ་དང་བཅས་པའི་འཇིག་རྟེན་འདི། །འབྱུང་པོའི་རྒྱལ་པོས་དབང་དུ་བྱས། །ཤིན་དུ་གཏུམ་རྔམ་འཁྲུག་པ་དེས། །ལྷ་མི་འཇིག་རྟེན་བརླག་མ་ཁད། །བཞིན་དང་མདངས་ཀྱང་མི་གསལ་བར། །ཀུན་དུ
147b6 མོག་མོག་པོར་གྱུར་ནས། །དུས་མ་ཡིན་པའི་མུན་པ་ཡང་། །མུན་ནག་སྨག་ཏུ་གྱུར་པས་འཐིབས། །ཚ་དང་གྲང་དང་ནད་དམ་རིམས། །མི་ངས་སྣ་ཚོགས་ཀུན་དུ་རྒྱས། །རླུང་མར་འབྲུག་དང་སེར་བ་དང་། །རྣག་ཁྲག་རྡོ་དང་མཚོན
147b7 ཆའི་ཆར། །དུས་མ་ཡིན་པར་ཀུན་དུ་འབྱུང་། །སྐྱེ་དམན་འཚོ་བ་འང་ལོག་པར་གྱུར། །གདུག་པ་སྣ་ཚོགས་སེམས་ཅན་གྱིས། །ཤིན་དུ་ཉམས་ཐག་གདུངས་འགྱུར་བའི། །མགོན་མེད་པ་ཡི་འཇིག་རྟེན་ཏེ། །མཁྱེན་ཏེ་ཐུགས
147b8 རྗེས་གདུང་བ་ནི། །རབ་ཏུ་རྔམ་པའི་བརྟུལ་ཞུགས་ཀྱིས། །རྡོ་རྗེ་ཆོས་ཀྱི་རྟ་གདོང་ལ། །རྡོ་རྗེ་ཚིག་ཏུ་འདི་སྐད་དུ། །ངག་གི་དབང་ཕྱུག་རྡོ་རྗེའི་གདོང་། །ལང་ཀའི་ཡུལ་གྱི་གྲོང་རྡལ་གྱི། །དབུས་ཀྱི་རི་བོ་མ་ལ་ཡ། །རྐོ་རྐ་ཐང་མར་རྒྱ
iiif viewer powered by OpenSeadragon
