| e-texts navigator |
| Wylie |
147a1 རྣམས་ཀྱི་ངེས་པར་མཛོད། །འདིར་ནི་ནན་ཏན་དྲག་ཤུལ་གྱིས། །མི་ཟད་འབར་བའི་ཡེ་ཤེས་ལས། །དུར་ཁྲོད་བདག་པོ་རབ་འཇིགས་པའི། །ཆེ་མཆོག་འབར་བའི་ཕྱག་རྒྱར་མཛོད་ཅེས་ངེས་པ་དམ་པར་བཅད་དོ། །
147a2 སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་བཀའ་བགྲོས་དམ་པ་བཅད་པའི་ལེའུ་ཞེས་བྱ་སྟེ་ཉི་ཤུ་ལྔ་པའོ།། །། ལང་ཀའི་བདག་པོ་དེའི་ཚེ་དེའི་དུས་ན་ཁོ་བོ་འཁོར་དེ་ཉིད་དུ་འདུས་པར་གྱུར་པ་ཞིག་གིས་ཤེས
147a3 བཞིན་དུ་གང་ཡོངས་སུ་སད་པའི་ཕྱིར་ཡང་འཁོར་དེར་འཁོད་པར་གྱུར་པའི་བྱང་ཆུབ་སེམས་དཔའ་བསྐུལ་བའི་གོ་ཆ་བློ་གྲོས་ཐབས་ལྡན་ཞེས་བྱ་བ་ཞིག་ལ་ཡོངས་སུ་དྲིས་པ། ཀྱེ་སེམས་དཔའ་ཆེན་པོ་ཡི་དགས་ཆེན་པོ
147a4 འདི་རྒྱུ་ནི་གང་ལས་བྱུང་། རྐྱེན་ནི་ཅི་ལས་བྱུང་། འབྲས་བུ་ནི་ཅིར་སྨིན། རིགས་ནི་གར་གཏོགས། ལས་སྐལ་གྱི་སྤྱོད་པ་ནི་ཅི་སྤྱོད། མ་བཏུལ་ན་ཅི་གནོད། བཏུལ་ན་ཅི་ཞིག་དགོས། དེ་སྐད་དྲིས་པ་ལས། བསྐུལ་བའི་གོ་ཆ་ཆེན་པོ
147a5 དེས་སྨྲས་པ། སེམས་དཔའ་ཆེན་པོ་གསང་བ་པའི་བདག་པོ་ཡི་དགས་ཆེན་པོ་འདི་གང་ལེགས་པའི་རྒྱུ་རྐྱེན་ལས་ནི་མ་བྱུང་། ཉེས་པ་འབའ་ཞིག་གི་རྒྱུ་རྐྱེན་ལས་བྱུང་སྟེ། རྒྱུ་ནི་མུན་པའི་རི་བོ་ལས་བྱུང་ངོ་། །རྐྱེན་ནི་བཀའ
147a6 བསྒོ་ལོག་པའི་དཀའ་ཐུབ་དྲག་པོ་ལས་བྱུང་ངོ་། །འབྲས་བུ་ནི་སྡུག་བསྔལ་གྱི་རི་བོར་སྨིན་ནོ། །རིགས་ནི་རྨང་རིགས་འཁོར་བ་གདོལ་བ་འབྱུང་པོ་ཡི་དགས་སུ་གཏོགས་སོ། །ལས་སྐལ་གྱི་སྤྱོད་པ་ནི་འཁོར་བའི་དངོས་པོ་བཞི
147a7 ལ་འཇོལ་ཉག་ཏུ་སྤྱོད་དོ། །འདི་མ་བཏུལ་ན་ལུས་ཅན་གྱི་བྱང་ཆུབ་སྙིང་པོ་རིང་དུ་ནུབ་པའི་སྐྱོན་དུ་འགྱུར་རོ། །བཏུལ་ན་ནི་ཀུན་གྱི་སྙིང་པོ་འོད་ཀྱི་དཀྱིལ་འཁོར་མངོན་དུ་ཉེ་བར་འཆར་བར་འགྱུར་རོ་ཞེས་སྨྲས་པ་དང་། ཁོ་བོས་དེ་ལ་འདི
147a8 སྐད་ཅེས་སྨྲས་སོ། །ེ་མའོ་སེམས་དཔའ་ཆེན་པོ་འོ་ན་དུས་འདི་ནི་ལས་ལ་བབ་པའོ། །ལས་འདི་ལས་ཀྱི་མཆོག་གོ། །གསང་བ་འདི་ནི་གསང་བའི་ཡང་གསང་བ་དམ་པའོ། །ཐུལ་ཀུན་དུ་རབ་ཏུ་ཐུལ། དུས་ལ་བབ་པའི་སྐབས་ཆེན་འདིར། །
iiif viewer powered by OpenSeadragon
