| e-texts navigator |
| Wylie |
146b1 འདོད་ཆགས་ཁྲག་མཚོ་བསྐམ་བ་དང་། །ཆགས་པས་ཆགས་པ་གཅད་པའི་ཕྱིར། །འདོད་ཆགས་རྣམ་དག་ཡེ་ཤེས་ལས། །འདོད་ཆགས་གར་གྱི་ཕྱག་རྒྱར་མཛོད་ཅེས་ངེས་པ་དམ་པར་བཅད་དོ། །དེ་ནས་དེ་བཞིན་གཤེགས
146b2 པ་ཐམས་ཅད་ཀྱིས་བཀས་བཅད་པའི་མདོ་གསུངས་པ། ཤིན་དུ་དངོས་པོར་ཞེན་པ་ལ། །བཀག་པས་ཕན་པར་མི་འགྱུར་ཏེ། །ཤེས་རབ་ཐབས་ཀྱི་ངོ་བོ་ལས། །ཐམས་ཅད་འཐུན་འཇུག་སྤྱོད་པར་མཛོད། །འཐུན་འཇུག་ཚུལ
146b3 ཅན་འཐུན་པས་ཀྱང་། །ཁམས་གསུམ་ལོག་པར་བྱེད་ནུས་ན། །ཐུགས་རྗེ་གར་གྱི་མཛད་སྤྱོད་ཀྱིས། །འཇིག་རྟེན་བློ་ལོག་སྨོས་ཅི་དགོས། །དེ་ལ་སོགས་པ་མཐའ་ཡས་སྙེད། །འཇིག་རྟེན་འཇིག་རྟེན་མཐའ་ཡས་ཀུན། །འདུལ་བའི
146b4 ཐབས་ནི་སྣ་ཚོགས་ཀྱིས། །དྲངས་ཏེ་ཡང་དག་གསང་བར་སྤྱོར། །ཁྲོ་ལ་བྱམས་དང་ཁྲོ་ཚུལ་མཛོད། །ཞི་ལ་ཞི་བ་སློང་སྦྱོང་ཉིད། །དྲག་ཤུལ་ཅན་ལ་དྲག་པོ་ཉིད། །གཡེམ་ལ་གཡེམ་དང་གཉེན་པོར་མཛོད། །ཆགས་ལ་ཆགས
146b5 དང་རྣམ་སྤོང་ཉིད། །གཡེང་ལ་སེམས་སྡུད་གཡེང་བ་ཉིད། །རྨོངས་ལ་ཁྱབ་པར་མཉམ་པ་ཉིད། །རི་ལ་ཏིང་འཛིན་རི་བོ་ཉིད། །ཕྲག་དོག་ཅན་ལ་ཕྲག་དོག་ཚུལ། །དེ་ལ་སོགས་པ་མཐའ་ཡས་སྙེད། །ཀུན་གཞི་མཉམ་དང་མི་མཉམ
146b6 པའི། །ནམ་མཁའ་དབྱིངས་ཀྱི་མཐའ་ཀླས་པར། །ཁྱད་པར་འདོད་པའི་ལུས་ཅན་གྱི། །ཀུན་གཞི་ཀུན་གྱི་དབྱིངས་ན་དཔའ། །རྡོ་རྗེ་སྙིང་པོ་རབ་ཏུ་གནས། །སེམས་ཅན་སངས་རྒྱས་ཀུན་གྱི་དབྱིངས། །རྡོ་རྗེ་སེམས་དཔའ་དེ་བཞིན་ཉིད། །ཡེ
146b7 ནས་ཡིན་པར་ངེས་པ་ན། །མཐའ་ཐུག་མེད་པའི་སེམས་ཅན་རྣམས། །ཇི་ལྟར་དགའ་བ་འདོད་པ་བཞིན། །མ་བཀག་མ་བཅོས་ཇི་བཞིན་པར། །ངེས་པ་ཉིད་དུ་གྱུར་པ་ཡི། །ཐབས་མཆོག་དཔག་གིས་མི་ལང་བའི། །མཛད་སྤྱོད་གར
146b8 ཐབས་སྤྲིན་ཕུང་གིས། །ཇི་ལྟར་སྤྱད་ཀྱང་དེ་ཉིད་ལས། །མ་གཡོས་མི་གོས་དབྱིངས་ན་དཔའ། །ཉིད་དུ་ངེས་པའི་ངོ་བོ་ལས། །མཐའ་ཡས་དཔག་ཏུ་མེད་པ་ཡི། །སྒོ་ནས་ཐམས་ཅད་མ་བཀག་པར། །ཅི་དགའ་ཉིད་དུ་བདེ་དྲངས་ཏེ། །དམ་པ
iiif viewer powered by OpenSeadragon
