| e-texts navigator |
| Wylie |
146a1 བསལ་བའི་ཕྱིར། །ཐེག་ཆེན་གསང་བའི་ལོངས་སྤྱོད་ལས། །ནམ་མཁའ་མཛོད་ཀྱི་ཕྱག་རྒྱར་མཛོད་ཅེས་ངེས་པ་དམ་པར་བཅད་དོ། །དེ་ནས་དེ་བཞིན་གཤེགས་པ་གཞོན་ནུའི་གདུང་དང་སྡེའི་ཚོགས་ཀྱིས་བཀའ
146a2 བཅད་པའི་མདོ་གསུངས་པ། །ཤིན་དུ་ལེ་ལོ་གཡེང་བ་ལ། །བསྐུལ་བས་བརྩོན་བར་མི་འགྱུར་ཏེ། །བྱ་བཙལ་མེད་པའི་ཆོས་ཉིད་ལས། །ཐམས་ཅད་བྱ་བ་མེད་པར་མཛོད། །མི་གཡོའི་ཚུལ་ཅན་གནས་པས་ཀྱང་། །དམ
146a3 པའི་ལས་ལམ་གཅོད་བྱེད་ན། །བྱ་བྲལ་མི་གཡོ་བདེ་ཆེན་པོས། །འཇིག་རྟེན་གཡེང་བ་སྨོས་ཅི་དགོས། །མི་ཁོམ་ལམ་རྒྱུད་བཅད་པ་དང་། །ལེ་ལོ་གཡེང་བའི་དགྲ་གཞོམ་ཕྱིར། །བཏང་སྙོམས་རྣལ་འབྱོར་ཆེན་པོ་ལས། །
146a4 བྱ་མེད་གནས་པར་ཕྱག་རྒྱར་མཛོད་ཅེས་ངེས་པ་དམ་པར་བཅད་དོ། །དེ་ནས་དེ་བཞིན་གཤེགས་པ་གླང་པོའི་གདུང་དང་སྡེའི་ཚོགས་ཀྱིས་བཀའ་བཅད་པའི་མདོ་གསུངས་པ། །ཤིན་དུ་གཏི་མུག་རྨོངས་པ་ལ། །བསྟན
146a5 པས་གོ་བར་མི་འགྱུར་ཏེ། །ཁྱད་པར་ཅིར་ཡང་མཚུངས་པ་ལས། །ཐམས་ཅད་གཏི་མུག་ཆེན་པོར་མཛོད། །གཏི་མུག་ཚུལ་ཅན་རྨོངས་པས་ཀྱང་། །ཐམས་ཅད་མུན་པར་བྱེད་ནུས་ན། །མི་འབྱེད་བླང་དོར་མེད་པ་ཡིས། །
146a6 ཁམས་གསུམ་རྨོངས་པ་སྨོས་ཅི་དགོས། །མུན་པའི་སྐྱེ་མཆེད་གཞོམ་པ་དང་། །རྨོངས་པ་ནམ་མཁར་བྱ་བའི་ཕྱིར། །གཏི་མུག་རྣམ་དག་ཡེ་ཤེས་ལས། །མ་འདྲེས་ཡོངས་རྫོགས་ཕྱག་རྒྱར་མཛོད་ཅེས་ངེས་པ་དམ་པར
146a7 བཅད་དོ། །དེ་ནས་དེ་བཞིན་གཤེགས་པ་པད་མོའི་གདུང་དང་སྡེའི་ཚོགས་ཀྱིས་བཀའ་བཅད་པའི་མདོ་གསུངས་པ། ཤིན་དུ་ཆགས་ཤིང་ཞེན་པ་ལ། །གཉེན་པོས་ཕན་པར་མི་འགྱུར་ཏེ། །ཆགས་རབ་ཆེན་པོའི
146a8 ཡེ་ཤེས་ལས། །ཐམས་ཅད་ཆགས་པ་ཆེན་པོར་མཛོད། །ཆགས་པའི་ཚུལ་ཅན་སྤྱད་པས་ཀྱང་། །ཁམས་གསུམ་ཁྲག་ཏུ་བྱེད་ནུས་ན། །འདོད་ཆགས་རྣམ་དག་ཆགས་སྤང་པས། །ཁམས་གསུམ་ཞེན་ཆགས་སྨོས་ཅི་དགོས། །
iiif viewer powered by OpenSeadragon
