| e-texts navigator |
| Wylie |
145a1 པའི་མདོ་ཡོངས་སུ་གསུང་བ་ནི་འདི་ལྟ་སྟེ། དེ་བཞིན་གཤེགས་པ་རྣམ་གྲོལ་སྤྱོད་པའི་ཚོགས་ཀྱིས་བཀའ་བཅད་པའི་མདོ་གསུངས་པ། ཤིན་དུ་འགོག་པས་ཞི་བ་ལ། །ཁྲོས་པས་ཕན་བར་མི་འགྱུར་ཏེ། །
145a2 རྣལ་འབྱོར་མ་བཅོས་དེ་ཉིད་ལས། །ཞི་བར་དེ་བཞིན་གཤེགས་ཀུན་མཛོད། །རྣལ་འབྱོར་ཚུལ་ཅན་ཞི་བས་ཀྱང་། །སྲིད་པའི་མྱུ་གུ་འགག་ནུས་ན། །རྣལ་འབྱོར་ཡོད་མེད་སྟོང་པའི་མཐུས། །འགོག་པ་བསླད་པ་སྨོས
145a3 ཅི་དགོས། །ཤིན་དུ་རྡོ་སྐམས་རླན་པ་ལ། །གང་དུ་འགོག་རྣམས་བསླང་བའི་ཕྱིར། །འགག་མེད་སྟོང་པའི་ཆོས་ཉིད་ལས། །སྣ་ཚོགས་མི་འགོག་ཇི་བཞིན་མཛོད་ཅེས་ངེས་པ་དམ་པར་བཅད་དོ། །དེ་ནས་དེ་བཞིན་གཤེགས
145a4 པ་ངོ་བོ་ཉིད་མེད་པའི་ཚོགས་ཀྱིས་བཀའ་བཅད་པའི་མདོ་གསུངས་པ། །ཤིན་ཏུ་སྟོང་པ་རྒྱུན་ཆད་ལ། །དངོས་པོས་ཕན་པར་མི་འགྱུར་ཏེ། །རྒྱུན་གྱི་བྱང་ཆུབ་སྟོང་ཉིད་ལས། །མེད་འགྱུར་དེ་བཞིན་གཤེགས་ཀུན་མཛོད།
145a5 སྟོང་ཉིད་ཚུལ་ཅན་སྟོང་པས་ཀྱང་། །ཅི་ཡང་མེད་པར་གནས་འགྱུར་ན། །མེད་པ་ལས་བྱུང་རྣལ་འབྱོར་མཐུས། །མཐར་ཟད་མུ་ཟློག་སྨོས་ཅི་དགོས། །ཤིན་དུ་རྒྱུན་ཆད་བཟློག་པ་དང་། །གང་དུ་མེད་ལས་སྐྱེས་པའི
145a6 ཕྱིར། །རྒྱུན་དང་བཅས་པའི་སྟོང་ཉིད་ལ། །ཆེ་ཡོན་རྒྱུན་གྱི་འཆད་པར་མཛོད་ཅེས་ངེས་པ་དམ་པར་བཅད་དོ། །དེ་ནས་དེ་བཞིན་གཤེགས་པའི་ངོ་བོ་ཉིད་མི་འགྱུར་བའི་ཚོགས་ཀྱིས་བཀའ་བཅད་པའི་མདོ་གསུངས་པ། །
145a7 ཤིན་དུ་ཐེར་ཟུག་རྟག་པ་ལ། །མེད་པས་ཕན་པར་མི་འགྱུར་ཏེ། །སྙིང་པོ་བྱང་ཆུབ་དེ་ཉིད་ལས། །བདག་ཉིད་ཆེན་པོར་ཐམས་ཅད་མཛོད། །མི་འགྱུར་ཚུལ་ཅན་རྟག་པས་ཀྱང་། །དངོས་པོ་བརྟན་གཡོར་བྱེད་ནུས་ན། །
145a8 བདག་ཉིད་ཆེན་པོར་ལྷུན་གྲུབ་མཐུས། །ཐེར་ཟུག་ཟློག་པ་སྨོས་ཅི་དགོས། །བདག་ཏུ་ཞེན་པ་ཟློག་པ་དང་། །དངོས་འཛིན་བཀའ་མགོ་བསྒྱུར་བའི་ཕྱིར། །བདག་མེད་རྟག་པ་ཆོས་ཉིད་ལས། །བྱེད་མེད་རང་བཞིན་ཉིད་དུ
iiif viewer powered by OpenSeadragon
