| e-texts navigator |
| Wylie |
138b1 དང་རྩལ་རྨད་དུ་བྱུང་ཞིང་ངོ་མཚར་ཆེ་བ། །བློ་གྲོས་ཡོངས་སུ་ཆུབ་པ། ཐབས་རྒྱ་མཚོ་འདྲ་བ་སྤྲིན་ལྟ་བུ་འབྱུང་བ་ཞིག་འཇིག་རྟེན་ན་ཆེའོ་ཞེས་གྲགས་པ་ལས། ཡི་དགས་བྱའི་གཤོག་པ་ཅན་དེ་རབ་ཏུ་འཁྲུགས་ཁམས
138b2 ནས་རུ་དྲའི་མེ་དཔུང་དུ་འབར་ནས་རང་གི་རྫུ་འཕྲུལ་དང་འཕུར་རྩལ་གྱིས་བྱན་ལག་མཆོངས་པའི་རིའི་རྩེ་མོ་ལ་བབས་ནས་ང་རྒྱལ་གྱི་གཏུམ་སྐད་དུ་རུ་ཏྲ་མ་ཏྲ་མ་ར་ཏྲ་ཞེས་བསྒྲགས་པས། ལང་ཀའི་ཡུལ་གྱི་གྲོང
138b3 རྡལ་ཤིག་ཤིག་། རབ་ཏུ་ཤིག་ཤིག་།ཡམ་ཡོམ་དུ་གྱུར་པས་ལང་ཀའི་སྲིན་པོ་ཀུན་དང་སྲིན་མོ་ཀུན་ཀྱང་སྐྲག་ཅིང་དངངས་ནས། ཨེ་མའོ་འདི་ཇི་ལྟར་ཞིག་མིག་རྩ་རིག་རིག་དངངས་ཡེད་ཡེད་གནས་པ་དང་། གནོད
138b4 སྦྱིན་བྱའི་གཤོག་པ་ཅན་གཏུམ་རྔམ་འཁྲུགས་པ་ཞིག་བདག་ཅག་གི་འཁྲས་ས་ན་གནས་པ་མཐོང་ཞིང་ཐོས་པར་གྱུར་ཏོ། །དེ་ནས་ལང་ཀའི་མངའ་བདག་ཆེན་པོ་ལ་སོགས་པ་སྲིན་པོའི་ཚོགས་ཀྱིས་དམག
138b5 གི་ཚོགས་ཀྱི་བསྡུ་བ་བྱས་ཏེ་གཞོམ་པར་འབད་ཅིང་འབད་པ་ལས། ཡང་སྲིན་པོ་བྱའི་གཤོག་པ་ཅན་དེས་སྲིན་པོའི་ཚོགས་བག་འཁུམ་པ་ཞེས་བྱ་བའི་རྫུ་འཕྲུལ་གྱི་བྱ་བ་མངོན་དུ་བྱས་ནས། ང་ནི་དབང་ཕྱུག
138b6 ཆེན་པོ་སྟེ། །རྒྱལ་ཆེན་རིས་བཞི་ངའི་གཡོག་།ལྷ་སྲིན་སྡེ་བརྒྱད་ངའི་བྲན། །གསང་བ་མཆོག་གི་བདག་ཡིན་པས། །སུ་ཞིག་ང་ལ་འགྲན་ཟླ་ཡོད། །རུ་ཏྲ་མ་ཏྲ་མ་ར་ཏྲ་ཞེས་ང་རྒྱལ་གྱི་གཏུམ་སྐད་བསྒྲགས
138b7 པ་ལས་སྲིན་པོ་ཟིན་གྱིས་ནོན་ཞིང་བག་འཁུམས་ནས། ལ་ལ་ནི་འདི་ནི་སྲིན་པོའི་ཁམས་རྒྱལ་བར་བྱེད་བ་ཞིག་སྟེ་བདག་ཅག་གི་གཙོ་བོར་འོས་སོ་ཞེས་སྒྲོགས་ལ་ལ་ནི་འདི་ནི་འཇིག་རྟེན་འཇིག་པར་བྱེད་པ
138b8 ཞིག་སྟེ་བདག་ཅག་གི་གཉེན་པོར་འགྱུར་བ་ཞིག་གོ་ཞེས་སྒྲོགས། ལ་ལ་དག་འདི་ནི་འཇིག་རྟེན་པའི་དབང་ཕྱུག་ཆེན་པོ་ཞིག་གོ་ཞེས་སྒྲོགས། ལ་ལ་དག་འདི་ནི་མཁའ་འགྲོ་ཚོགས་ཀྱི་ཚོགས་བདག་གོ
iiif viewer powered by OpenSeadragon
