| e-texts navigator |
| Wylie |
136a1 ད་ཝ་བུ་རྐོག་བུ་འདི་གསོ་བ་བྱར་ཡུལ་གང་སྨེ་བར་འགྱུར་བས་མའི་མཆན་དུ་གཞག་པར་རིགས་སོ་ཞེས་གླེངས་ནས་དུག་ཤིང་ནལ་བྱི་ཞེས་བྱ་བའི་རྩ་ན་དུར་ཕག་གཏི་མུག་གི་ཚང་འཆས་པའི་བར་དུ་དུག་སྦྲུལ་ཞེ་སྡང་གི་འཁྲས
136a2 སར་བྱེད་པ་ཁ་ལ་འདོད་ཆགས་དུག་བྱའི་ཚང་འཆས་པའི་རྩར་ཀུན་གྱིས་མའི་རོ་ཁང་བརྩིགས་ཏེ། རོ་ཁྱོགས་ལ་བླངས་ཏེ་དེར་བཅུག་ནས་བུ་ཡང་མའི་རོ་མཆན་དུ་གཞག་གོ། དྭ་བུ་དེས་མའི་རོ་ལ་འཇུས་ནས་ནུ་མ་ལ་འཇིབས
136a3 པས་ཆུ་སེར་དུ་གྲངས་ཏེ་ཞག་བདུན་གྱི་འཚོ་བ་བྱས་སོ། །དེ་ནས་ཁྲག་ཏུ་འཇིབས་པས་ཞག་བདུན་གྱི་འཚོ་བས་འཚོའོ། །དེ་ནས་ནུ་མ་ཟོས་པས་ཞག་བཅུའི་འཚོ་བས་འཚོའོ། །དེ་ནས་མའི་ནང་གྲོལ་ཟད་པས་ཟོས་པས་འཚོ་བའི་བྱ
136a4 བར་གྱུར་ཏོ། །དེ་ནས་ཤ་ཟད་པར་ཟོས་པས་ཟླ་བ་བདུན་གྱི་འཚོ་བའི་བྱ་བ་བྱས་སོ། །དེ་ནས་གཞོན་ནུ་དེ་རྟས་པར་གྱུར་ནས་དུར་ཁྲོད་ཀྱི་རོ་རྣམས་ཀྱིས་འཚོ་བའི་བྱ་བ་བྱས་སོ། །དེ་ནས་ཤིན་དུ་རྟས་པར་གྱུར་པ་དང་། རོ་རྣམས་ཟས
136a5 སུ་ཟ་ཞིང་རོ་གོས་དང་ལྤགས་པ་རྣམས་གྱོན་ཏེ། དུར་ཁྲོད་ཀྱི་མ་མོ་དང་། ཤ་ཟ་དང་། ཡི་དགས་ཀྱི་ཚོགས་དང་། མི་མ་ལགས་པའི་ཚོགས་མང་པོ་ཡང་མི་རོ་རྣམས་ཀྱི་ཤ་རྗེན་ཟོས་པའི་རང་བཞིན་གྱི་མཐུས་དབང་དུ་འདུས་ཏེ། དུར
136a6 ཁྲོད་ཀྱི་གདུག་པ་ཅན་ཀུན་གྱི་བདག་པོར་གྱུར་ཏེ། གཞན་གྱི་གཟི་བྱིན་འཕྲོག་པ། མི་གང་དང་གང་དག་གསོན་པོར་ཟ་ཞིང་མདངས་འཕྲོག་པ། ཤིན་དུ་འཇིགས་པའི་གཟུགས་ཅན་མ་རུངས་པར་གྱུར་ཏོ། །མའི་ཤ་རྗེན་ཟོས
136a7 པས་ན་མ་ཟན་མ་ཏང་ཀ་ཞེས་མིང་གང་དག་གིས་ཡོངས་སུ་གྲགས་སོ། །ཡི་དགས་ཆེན་པོ་དེའི་ཁ་རླངས་ལས་ནི་ཚ་བའི་ནད་བྱུང་བས་འབྱུང་བས་ཁྱབ་སྟེ་འགྲོ་བ་གང་ལུས་ཅན་རྣམས་ཟུག་རྔུ་དྲག་པོས་གཟིར་བ། སྣ་ནས་གྲང་བའི
136a8 ནད་བྱུང་བས་འབྱུང་བ་ཁྱབ་སྟེ་ཀུན་དུ་གདུང་བར་བྱེད་དོ། །མིག་དུག་གིས་ཕོག་པས་འཆི་བར་ངེས་པ། དྲག་པོའི་སྔགས་གཟེར་བཟླས་པ་བྱས་པས་ཐམས་ཅད་དབང་དུ་འདུ་བར་གྱུར་པ། ལུས་ཆེན་པོ་ལ་མདོག་ཐལ་ཁ་སྔོ་སྐྱར
iiif viewer powered by OpenSeadragon
