| e-texts navigator |
| Wylie |
125b1 དང་། གང་གི་དཔུང་གིས་མི་བསྙེངས་པའི་རྟགས་དང་། ཡུན་གྱི་དོན་སྲིད་བསྙེངས་པའི་རྟགས་དང་། སྟོབས་ཀྱིས་གཞན་གང་གནོན་པའི་རྟགས་དང་། རྫུ་འཕྲུལ་གྱིས་མི་གནས་པར་སྐྱོད་པའི་རྟགས་དང་། མི་ཟད་པའི་མཛོད
125b2 མངའ་བའི་རྟགས་ཏེ། ལང་ཀའི་བདག་པོ་དེ་ལ་མངའ་དབང་ཆེན་པོ་བརྙེས་པའི་རྟགས་ནི་འདི་ལྟ་སྟེ། གང་དབང་བཅུ་ཡོངས་སུ་རྫོགས་པའོ། །བཅུ་གང་ཞེ་ན། སྐྱེ་བ་དང་། ཡོ་བྱད་དང་། མོས་པ་དང་། རྫུ་འཕྲུལ་དང་། ཆོས་དང་།
125b3 ཡེ་ཤེས་དང་། སེམས་དང་། ཚེ་དང་། ལས་དང་། སྨོན་ལམ་ལ་དབང་བའོ། །ལང་ཀའི་བདག་པོ་ཉམ་བག་ཆེན་པོར་རོལ་པའི་རྟགས་གང་ཞེ་ན། འདི་ལྟ་སྟེ། ཕྱག་བརྒྱ་བཞི་ལ་རོལ་པ་སྟེ། སྐུའི་མཉམ་པ་ཉིད་དང་། ཐུགས་ཀྱི་ཐིགས
125b4 པ་དང་། གསུང་གི་འགྲེལ་པ་དང་། ཕྲིན་ལས་ཀྱི་རླབས་ལ་རོལ་པའོ། །ལང་ཀའི་བདག་པོ་གང་གི་དཔུང་གིས་མི་བརྙེས་པའི་རྟགས་ནི་འདི་ལྟ་སྟེ། སྒེག་པའི་ཚུལ་དང་། དཔའ་བོའི་ཚུལ་དང་། འཇིགས་པའི་ཚུལ་དང་། གཤེ་བའི
125b5 ཚུལ་དང་། བཞད་པའི་ཚུལ་དང་། སྙིང་རྗེའི་ཚུལ་དང་། རྔམ་པའི་ཚུལ་དང་། ངོ་མཚར་བའི་ཚུལ་དང་། ཞི་བའི་ཚུལ་ལོ། །ལང་ཀའི་བདག་པོ་ཡུན་གྱི་དོན་སྲིད་བརྙེས་པའི་རྟགས་ནི་འདི་ལྟ་སྟེ། བྱམས་པའི་བློ་དང་། སྙིང་རྗེའི་གྲོས
125b6 དང་། དགའ་བའི་ཐབས་དང་། བཏང་སྙོམས་ཀྱི་མདོའོ། །ལང་ཀའི་བདག་པོ་སྟོབས་ཀྱིས་གཞན་གང་གནོན་པའི་རྟགས་ནི་འདི་ལྟ་སྟེ། སྙིང་རྗེའི་སྟོབས་དང་། ཆོས་ཉིད་ཀྱི་སྟོབས་དང་། མི་འབྱེད་པའི་སྟོབས་དང་། གྲུབ་པའི
125b7 སྟོབས་དང་། མ་སྤངས་པའི་སྟོབས་དང་། མ་གཡོས་པའི་སྟོབས་དང་། སྨོན་ལམ་གྱི་སྟོབས་དང་། སྤྲུལ་པའི་སྟོབས་དང་། མི་གཏོང་བའི་སྟོབས་དང་། ཆགས་པའི་སྟོབས་སོ། །ལང་ཀའི་བདག་པོ་རྫུ་འཕྲུལ་གྱིས་མི་གནས
125b8 པར་སྐྱོད་པའི་རྟགས་གང་ཞེ་ན། འདི་ལྟ་སྟེ། ཆོས་ཉིད་ཀྱི་རྫུ་འཕྲུལ་དང་། ཡེ་ཤེས་ཀྱི་རྫུ་འཕྲུལ་དང་། ཐུགས་རྗེའི་རྫུ་འཕྲུལ་དང་། སྤྲུལ་པའི་རྫུ་འཕྲུལ་ལོ། །ལང་ཀའི་བདག་པོ་མི་ཟད་པའི་མཛོད་མངའ་བའི་རྟགས་གང
iiif viewer powered by OpenSeadragon
