| e-texts navigator |
| Wylie |
124b1 གདུལ་བྱའི་གཟིགས་པར་མཛད་པ་དང་། སྤྲུལ་པ་འགྱེད་པར་མཛད་པ་དང་། ཅི་གསོལ་གསན་པར་མཛད་པ་དང་། མགོན་སྐྱབས་དམ་པར་མཛད་པ་དང་། དུག་ཆེན་ཟད་པར་མཛད་པ་དང་། ཐེག་མཆོག་སྟོན་པར་མཛད་པ་དང་། སྐྱེ་བཞི
124b2 བཅོད་པར་མཛད་པ་དང་། རྒྱུད་དྲུག་འདོན་པར་མཛད་པ་དང་། མཐའ་དྲུག་རྫོགས་པར་མཛད་པ་དང་། ལས་བཞིས་སྒྲོལ་བར་མཛད་པའོ། །ལང་ཀའི་བདག་པོ་ཆེ་བ་གང་ཞེ་ན། འདི་ལྟ་སྟེ། གཉེན་པོ་མེད་པའི་ཆེ་བ་དང་། འགྲན་ཟླ
124b3 མེད་པའི་ཆེ་བ་དང་། ཁྱད་པར་དུ་འཕགས་པའི་ཆེ་བ་དང་། ཆེ་བཙན་གཅིག་པུའི་ཆེ་བ་དང་། ཚམ་ངམ་རླབས་ཀྱི་ཆེ་བ་དང་། རྨད་དུ་བྱུང་བའི་ཆེ་བ་དང་། ཐམས་ཅད་དུ་མ་ཕམ་པའི་ཆེ་བ་དང་། མངའ་དབང་རྫོགས་པའི་ཆེ་བ་དང་།
124b4 ཀུན་ལས་རྒྱལ་བའི་ཆེ་བ་དང་། ཡོངས་སུ་མི་ནུབ་པའི་ཆེ་བའོ། །ལང་ཀའི་བདག་པོ་མངོན་པའི་རྟོག་པ་གང་ཞེ་ན། འདི་ལྟ་སྟེ། སྐུའི་རྔོམ་སྤྱོམ་གྱིས་བྱེ་བ་ས་ཡར་མངོན་པ་དང་། གསུང་གི་རྔོམ་སྤྱོམ་བསྟན་པ་རྒྱ་མཚོར་མངོན་པ
124b5 དང་། ཐུགས་ཀྱི་རྔོམ་སྤྱོམ་ཆོས་ཉིད་ནམ་མཁའ་མངོན་པ་དང་། མཐུའི་རྔོམ་སྤྱོམ་ནམ་མཁའི་དབྱིངས་ལྟར་མངོན་པའོ། །ལང་ཀའི་བདག་པོ་དེ་དག་ཀྱང་ཚུལ་བཅུ་དང་དྲུག་གིས་རྫོགས་པར་འགྱུར་ཏེ། དེ་ཡང་གང་ཞེ་ན། འདི་ལྟ་སྟེ།
124b6 ཇི་ལྟར་སྣང་བའི་རི་བོ་ལྟ་བུའི་ཚུལ་དང་། ཅིར་ཡང་འགྱུར་བ་གར་ཐབས་ལྟ་བུའི་ཚུལ་དང་། ཟིལ་གྱིས་ནོན་པ་ཁྱད་པར་དུ་བྱུང་བའི་ཚུལ་དང་། ཚམ་རྔམ་ཆེན་པོའི་སྟབས་རྔམས་སུ་འགྱིང་པའི་ཚུལ་དང་། གང་དུ་རྡུབ་པ་ཞལ་གྱི
124b7 ཚུལ་དང་། ཅིར་ཡང་འགྱུར་བ་ལྗགས་ཀྱི་ཚུལ་དང་། ཡོངས་སུ་གཅོད་པ་ཚེམས་ཀྱི་ཚུལ་དང་། གོ་བར་སྒྲོགས་པ་འབྲུག་སྒྲ་སྒྲོགས་པའི་ཚུལ་དང་། དགོངས་པ་ནམ་མཁའི་སྐར་ཚོགས་ལྟ་བུའི་ཚུལ་དང་། ཕྲིན་ལས་རྒྱ
124b8 མཚོ་དཔའ་རླབས་ལྟ་བུའི་ཚུལ་དང་། ཡོན་ཏན་ས་གཞི་རྩི་ཤིང་ལྟ་བུའི་ཚུལ་དང་། ཐུགས་རྗེ་གར་གྱི་ཕྲེང་བ་ལྟ་བུའི་ཚུལ་དང་། གནས་ཀྱི་ཁྱད་པར་འབྱུང་ཞིང་སྡུད་པ་དུར་ཁྲོད་ཀྱི་ཚུལ་དང་། གནོན་པའི་ཁྱད་པར་སྤ
iiif viewer powered by OpenSeadragon
