| e-texts navigator |
| Wylie |
117a1 དེ་སྐད་ཅེས་དྲིས་པ་ལས། གསང་བ་པའི་བདག་པོས་སྨྲས་པ། ཀྱེ་ལང་ཀའི་བདག་པོ་དེ་ནི་འདི་ལྟ་སྟེ། སྙིང་པོ་བྱང་ཆུབ་ཇི་ལྟ་བ་ལ་སྐྱེས་བུ་དམ་པ་དེ་བཞིན་པ་ཉིད་དེ། སྙིང་པོ་བྱང་ཆུབ་གང་ཡིན་པ་དེ་ནི་སྐྱེས་བུ་དམ་པ་དེ་ཉིད་ལ
117a2 སྐྱེས་བུ་དམ་པ་གང་ཡིན་པ་དེ་ནི་སྙིང་པོ་བྱང་ཆུབ་ཉིད་དེ་སྐྱེས་བུ་དམ་པ་ཞེས་ནི་མ་མཐོང་བ་སྙིང་པོ་བྱང་ཆུབ་ཅེས་ནི་མ་དམིགས་སོ། །དྲིས་པ། གང་མ་མཐོང་མ་དམིགས་ན་ནི་དམ་པ་རྣམས་ཀྱིས་གསུངས་པ་ལྟར་ན་གང་དེ་ཉིད
117a3 མཐོང་བ་དེས་ཆོས་ཐམས་ཅད་མཐོང་ངོ་། །ཆོས་ཐམས་ཅད་མཐོང་བ་དེས་སྙིང་པོ་བྱང་ཆུབ་མཐོང་ངོ་ཞེས་གསུངས་པ་དང་། གང་དེ་ཁོ་ན་ཉིད་ངེས་པ་རྙེད་པ་དེས་ངེས་པ་རྙེད་དོ་ཞེས་གསུངས་པ་ལས་འགལ་བར་གྱུར་ན་འདི་ཇི
117a4 ལྟར་ཡོངས་སུ་ཤེས་པར་བགྱི། དེ་སྐད་ཅེས་དྲིས་པ་ལས། སྨྲས་པ། ཀྱེ་ལང་ཀའི་བདག་པོ་འདི་ལྟ་སྟེ། གཟུགས་སྣང་གང་མཐོང་རྫས་རྙེད་མིན། །མ་མཐོང་དེ་མཐོང་ཉིད་ངེས་པ། །བརྗོད་མེད་གང་རིག་ཉམས་རྙེད་ལ། །མཐོང
117a5 སྙེད་ཐ་སྙད་ཙམ་དུ་བརྗོད། །རྣམ་དག་ལམ་ཆེན་དེ་ཉིད་དུ། །བྱུང་བའི་སྐྱེས་བུ་དམ་པ་དག་།དོན་ཆེན་རབ་ཏུ་ངེས་རྙེད་དེ། །མི་དམིགས་པའི་ངང་ཉིད་ལ། །མི་གཡོ་མི་རྟོག་པ་ཡི་ཚེ། །མི་གནས་ཆོས་སྐུའི་ངོ་བོ་ཉིད། །རང་འབྱུང
117a6 ཡེ་ཤེས་ནམ་མཁའ་ཆེ། །མ་འདྲེས་ཡོངས་སུ་རྫོགས་པའི་ངང་། །མི་སྐྱེ་མི་འགག་དེ་བཞིན་ཉིད། །སྨྲ་བསམ་བརྗོད་མེད་རྟོག་ལས་འདས། །སོ་སོ་རང་གི་སྤྱོད་ཡུལ་ཏེ། །དབུས་མཐར་མི་དམིགས་ཇི་བཞིན་ཉིད། །སྙིང་པོ་བྱང་ཆུབ
117a7 ཀུན་ཡུམ་ལ། །མ་སྤྲོས་བདེ་བཞིན་ལྷན་ནེ་བའོ། །ཡང་ལང་ཀའི་བདག་པོས་དྲིས་པ། །གསང་བ་པའི་བདག་པོ་བྱང་ཆུབ་ཀྱི་སྙིང་པོ་དེ་ཁོ་ན་ཉིད་དེ་ཇི་ཙམ་ཞིག་ན་གནས་པར་འགྱུར། མཚན་དང་རང་བཞིན་ཅི་ལགས། །སྨྲས
117a8 པ། ལང་ཀའི་བདག་པོ་ཀུན་དུ་མ་ངེས་ཏེ། དུས་ཚིགས་དང་། ཟླ་བ་དང་། ཟླ་བ་ཕྱེད་དང་། ཞག་དང་། ཉི་མ་དང་། ཐུན་དང་། ཐུན་ཕྱེད་དང་། སྐད་ཅིག་དང་། ཐང་ཅིག་དང་། ཡུད་ཙམ་དང་། དེ་མ་ཐག་པ་དང་། དེ་ཁོ་ན་ཉིད་དུ་པ་དང་། བསྐལ་པ
iiif viewer powered by OpenSeadragon
