| e-texts navigator |
| Wylie |
115b1 བྱ་བ་བྱེད་པའི་རིགས་དང་། ཐམས་ཅད་འབྱུང་བའི་རིགས་དང་། རྡོ་རྗེའི་གདུང་དང་སྡེའི་རིགས་དང་། ནོར་བུའི་གདུང་དང་སྡེའི་རིགས་དང་། པད་མའི་གདུང་དང་སྡེའི་རིགས་དང་། གཞོན་ནུའི་གདུང་དང
115b2 སྡེའི་རིགས་དང་། གླང་པོའི་གདུང་དང་སྡེའི་རིགས་འབའ་ཞིག་གོ། །དེ་བཞིན་དུ་ཐམས་ཅད་ནས་ཐམས་ཅད་དུ་སྣང་བའི་སངས་རྒྱས་དང་བྱང་ཆུབ་སེམས་དཔའ་མཐའ་ཐུག་པ་མེད་པ་རྣམས་ཀྱང་ལས་དང་འཇུག་པའི
115b3 དབང་གི་རིགས་ལྔ་འབའ་ཞིག་གོ། །ཇི་བཞིན་པའི་དབང་གིས་ན་ཐམས་ཅད་ནས་ཐམས་ཅད་དུ་རིགས་ཀྱི་མཚན་མ་མེད་དོ། །ཐ་སྙད་མེད་དོ། །རྣམ་པ་མེད་དོ། །ཡུལ་མེད་དོ། །འཇུག་པ་མེད་དོ། །སངས་རྒྱས་པ་མེད་དོ། །
115b4 ལུང་བསྟན་པ་མེད་དོ། །ངེས་པ་རྙེད་པ་མེད་དོ། །ཐམས་ཅད་ནས་ཐམས་ཅད་དུ་བྱང་ཆུབ་ཉིད་དོ། །སྟོང་བ་ཉིད་དོ། །སྙིང་པོ་ཉིད་དོ། །དེ་ཁོ་ན་ཉིད་དོ། །ཡང་དག་པ་ཉིད་དོ། །ངེས་པ་དམ་པ་ཉིད་དོ། །གཞན་མ་ཡིན་བ་ཉིད་དོ། །སྐྱེ་བ་མེད
115b5 པ་ཉིད་དོ། །འགག་པ་མེད་པ་ཉིད་དོ། །དེ་བཞིན་ཉིད་དོ། །མ་ནོར་བ་ཉིད་དོ། །ཆོས་ཉིད་དོ། །ཆོས་ཀྱི་དབྱིངས་ཉིད་དོ། །བསམ་གྱིས་མི་ཁྱབ་པས་བསམ་དུ་མེད་པ་ཉིད་དོ། །ཡང་དག་པའི་མཐའ་མཉམ་པ་ཉིད་དོ་ཞེས
115b6 ལུང་བསྟན་པ་དང་། དེ་ཁོ་ན་ཉིད་གསང་བ་དམ་པའི་སྒྲ་དཔལ་རྡོ་རྗེ་སེམས་དཔའི་དེ་ཁོ་ན་ཉིད་སྟོང་པ་ཉིད་ལས་གྲགས་པས་སྐྱེས་བུ་དམ་པ་རྣམས་ཐམས་ཅད་ནས་ཐམས་ཅད་དུ་བྱང་ཆུབ་ཀྱི་སྙིང་པོ་ཉིད་དུ་ངེས་པ་རྙེད
115b7 དོ། །ཀྱེ་ལང་ཀའི་བདག་པོ་བྱང་ཆུབ་ཀྱི་སེམས་དེ་ཁོ་ན་ཉིད་གསང་བ་དམ་པ་དེ་འདི་ལྟར་དཀའ་བ། འདི་ལྟར་ཟབ་བ། འདི་ལྟར་རྒྱ་ཆེ་བ། འདི་ལྟར་བསམ་དུ་མེད་པ། བསམ་གྱིས་མི་ཁྱབ་པའི་ཕྱིར་གང་གི་ངེས་པ་རྙེད་པར
115b8 དཀའ་བ་ནི་དེ་ལྟ་བུའོ། །དེ་ནས་ཡང་ལང་ཀའི་བདག་པོས་དྲིས་པ། ཀྱེ་གསང་བ་བའི་བདག་པོ་བྱང་ཆུབ་ཀྱི་སེམས་དེ་ཁོ་ན་ཉིད་གསང་བ་དམ་པ་འདི་རྒྱུན་དང་བཅས་བ་ཞིག་གམ། འོན་ཏེ་རྒྱུན་ཆད་པ་ཞིག་།གལ་ཏེ་རྒྱུན
iiif viewer powered by OpenSeadragon
