| e-texts navigator |
| Wylie |
114b1 རྩལ་གྱིས་ཐོབ་པ་ནི་འདི་ལྟ་སྟེ། རྒྱལ་བ་རྣམས་ཀྱི་གསང་བའི་ཐུགས། །རྟོགས་ནས་གང་ལ་གསལ་བྱེད་པ། །དབང་རྣམས་ཀུན་གྱི་མཆོག་ཡིན་ཏེ། །སྲིད་པ་གསུམ་གྱིས་དེ་དབང་བསྐུར། ལང་ཀའི་བདག
114b2 པོ་གང་བསྐུར་བས་ཐོབ་པ་ནི་གང་ལ་ཕན་པ་དང་གང་གིས་ནུས་པ་ཙམ་དུ་ཤེས་པར་བྱའོ། །ལང་ཀའི་བདག་པོ་རྟགས་ནི་འདི་ལྟ་སྟེ། གཙུག་ཏོར་དམ་པ་འབྱུང་བ་དང་། །གང་ལ་མ་བཞག་ལྷ་ནེ་པ། །ལྷུན་གྱིས་ཡོངས
114b3 སུ་གྲུབ་པ་དང་། །འོད་ཟེར་མཐའ་ཡས་རྒྱས་པའོ། །ལང་ཀའི་བདག་པོ་དེ་ལྟར་ན་དེའི་ཕྱིར་སྐྱེས་བུ་དམ་པ་དེ་དག་ནི་ཆོས་ཀྱི་རྒྱལ་བོ་དམ་པ་ཞེས་བྱ་བར་དམ་པ་རྣམས་ཀྱི་ཞིང་དུ་ཡོངས་སུ་གྲགས་སོ། །ལང་ཀའི་བདག་པོ
114b4 དབང་གི་ཡང་། །ཡིད་གཅིག་བསྡུས་ཏེ་ཤེས་པར་གྱིས། །ཁུངས་དང་གྲགས་པའི་ཆུ་བོ་དང་། །ཡུལ་དང་དབང་པོ་དགོས་པ་དང་། །ཐབས་དང་གནས་དང་རྟགས་དང་དོན། །བསྡུས་པ་འདི་ཡིས་རྫོགས་པ་ཡིན། །སངས
114b5 རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་སྐྱེས་བུ་དམ་པ་དབང་ཐོབ་པའི་ལེའུ་སྟེ་བཅུ་གསུམ་པའོ། ། །། དེ་ནས་རྡོ་རྗེ་སེམས་དཔའ་དེ་ཁོ་ན་ཉིད་དེས་སྐྱེས་བུ་དམ་པ་དེ་དག་ཡོངས་སུ་རྫོགས་པར་ལུང་བསྟན་པ་ནི་འདི་ལྟ
114b6 སྟེ། སྐྱེས་བུ་དམ་པ་དེ་དང་ཁྱེད་ནི་ཐོག་མ་དང་ཐ་མ་མེད་པའི་དུས་ནས་མངོན་པར་རྫོགས་པར་སངས་རྒྱས་པ་འབའ་ཞིག་ཏུ་གྱུར་ཏེ། སྐྱེས་བུ་དམ་པ་སེམས་དཔའ་རྡོ་རྗེ་ཞེས་བྱ་བ་དེ་ནི་འཇིག་རྟེན་གྱི་ཁམས་མངོན
114b7 པར་དགའ་བ་ཞེས་བྱ་བར་སངས་རྒྱས་མི་འཁྲུགས་པ་བྱ་བར་འགྱུར་རོ། །སྐྱེས་བུ་དམ་པ་རྡོ་རྗེ་རིན་ཆེན་ཞེས་བྱ་བ་དེ་ནི་འཇིག་རྟེན་གྱི་ཁམས་དཔལ་དང་ལྡན་པ་ཞེས་བྱ་བར་སངས་རྒྱས་རིན་ཆེན་འབྱུང་བ་ཞེས་བྱ
114b8 བར་འབྱུང་བར་འགྱུར་རོ། །སྐྱེས་བུ་དམ་པ་རྡོ་རྗེ་ཆོས་ཞེས་བྱ་བ་དེ་ནི་འཇིག་རྟེན་གྱི་ཁམས་བདེ་བ་ཅན་ཞེས་བྱ་བར་སངས་རྒྱས་འོད་མཐའ་ཡས་ཞེས་བྱ་བར་འབྱུང་བར་འགྱུར་རོ། །སྐྱེས་བུ་དམ་པ་རྡོ་རྗེ་དབྱིངས
iiif viewer powered by OpenSeadragon
