| e-texts navigator |
| Wylie |
114a1 བུའི་དབང་གིས་དབང་བྱིན་ལ་ལས་ནི་ཉི་ཟླ་རྡོ་རྗེ་འབར་བའི་དབང་གིས་དབང་བྱིན། ལ་ལས་ནི་རིགས་ཀྱི་ཕྱག་རྒྱ་ལྟ་བུའི་དབང་གིས་དབང་བྱིན། ལ་ལས་ནི་རྡོ་རྗེ་ཕ་ལམ་ལྟ་བུའི་དབང་གིས་དབང་བྱིན། ལ་ལས་ནི་དགའ
114a2 ལྡན་ལྟ་བུ་ཤ་དག་ཏུ་དབང་བྱིན། ལ་ལས་ནི་འོག་མིན་ལྟ་བུ་ཤ་དག་ཏུ་དབང་བྱིན། ལ་ལས་ནི་སྙིང་པོ་བྱང་ཆུབ་ཀྱི་གནས་ག་ན་བར་དབང་བྱིན། ལ་ལས་ནི་དབང་སྒྱུར་གྱི་ཁང་བཟང་ལ་སོགས་པ་ལྟ་བུར་དབང
114a3 བྱིན། །ལ་ལས་ནི་ཆོས་ཀྱི་རྒྱལ་ཚབ་ལྟ་བུར་བྱིན། །ལ་ལས་ནི་རྫོགས་པའི་ལོངས་སྤྱོད་ལྟ་བུ་བྱིན། །ལ་ལས་ནི་ཆོས་ཀྱི་མངའ་བདག་ཉིད་ལྟ་བུ་བྱིན། །ལ་ལས་ནི་གསང་བའི་བདག་པོ་ལྟ་བུ་བྱིན། །ལང་ཀའི་བདག
114a4 པོ་དབང་གི་དོན། །རྒྱུ་དང་འཐོབ་དང་མི་འཐོབ་དང་། །ཡུལ་དང་སྣོད་དང་ཁྱད་པར་རྟགས། །བདུན་གྱིས་འདིའི་དོན་བསྡུས་པའོ། །ལང་ཀའི་བདག་པོ་དེ་ལ་རྒྱུ་ནི་རྣལ་འབྱོར་ཆེན་པོ་ལྔ་སྟེ། །འདུན་པའི་རྣལ་འབྱོར་དང་།
114a5 རིགས་ཆེན་འབྱེད་པའི་རྣལ་འབྱོར་དང་། དབུགས་ཆེན་འབྱིན་པའི་རྣལ་འབྱོར་དང་། ལུང་ཆེན་ཐོབ་པའི་རྣལ་འབྱོར་དང་། རྩལ་ཆེན་རྫོགས་པའི་རྣལ་འབྱོར་རྣམས་སུ་རིག་པར་བྱའོ། །ལང་ཀའི་བདག་པོ་ཐོབ
114a6 པའི་ཚད་ནི་འདི་ལྟ་སྟེ། བསླབ་པ་ཡོངས་སུ་ཆུབ་པ་དང་། དེ་ཁོ་ན་ཉིད་མཐོང་བ་དང་། ཤེས་བྱ་གང་ཉམས་མིང་བ་དང་། གང་གི་འཇིགས་པ་དང་བྲལ་བའོ། །གང་མི་འཐོབ་པ་ནི་གང་རློམ་པ་དང་། གང་དག
114a7 མ་ངེས་པ་དང་། གང་ལ་དམ་པར་དམིགས་པ་དང་། གང་དུ་མི་འབྱུང་བའོ། །ལང་ཀའི་བདག་པོ་ཡུལ་ནི་མཆོད་རྟེན་དང་། སྒྲ་བརྙན་དང་། ཚད་མ་དང་། ངེས་པའོ། །ལང་ཀའི་བདག་པོ་གང་སྣོད་དུ་གྱུར་པ་ནི་རྒྱུད་དུ
114a8 བྱུང་བ་དང་། རྩལ་ཆེན་རྫོགས་པ་དང་། ཐུགས་རྗེ་བྱུང་བ་དང་། གཞན་པ་དབང་དུ་གྱུར་པའོ། །ལང་ཀའི་བདག་པོ་ཁྱད་པར་ནི་འདི་ལྟ་སྟེ། རྩལ་གྱིས་ཐོབ་པ་དང་། བསྐུར་བས་ཐོབ་པའོ། །ལང་ཀའི་བདག་པོ
iiif viewer powered by OpenSeadragon
