| e-texts navigator |
| Wylie |
112a1 དགའ་བ་ཆེན་པོ་ལས་ཡེ་ཤེས་ཀྱི་འོད་ཉི་མ་འབུམ་ལྟ་བུར་བྱུང་བས་གང་ས་པ་རྣམས་ནི་རིག་པའི་རྩལ་སྦྱངས། དོན་གྱི་ཆེ་བ་ཕྱུང་། ས་རྣམས་ཀུན་དུ་གཡོས་པས་སྤྱོད་པའི་རྣལ་འབྱོར་པ་དག་ངོ་མཚར་བར་གྱུར་ཏེ
112a2 རང་རང་གི་སྟོན་པ་ལ་གསོལ་པ། འདི་ལྟ་བུའི་ལྟས་ཡ་མཚན་ཅན་འདི་ཇི་ལྟ་བུ་ཞིག་ལགས་ཞེས་ཞུས་པ་ལས་སོ་སོའི་སྟོན་པ་དཔག་ཏུ་མེད་པས་སོ་སོའི་འཁོར་དཔག་ཏུ་མེད་པ་ལ་བཀའ་སྩལ་པ། རིགས་ཀྱི
112a3 བ་ཨུ་དག་ལྟས་ཆེན་པོ་འདི་ནི་གདལ་ཁྱབ་ཆེན་པོ་ཞེས་བྱ་བའི་ཞིང་ཁམས་ན་སངས་རྒྱས་ཀུན་གྱི་དགེ་བའི་བཤེས་གཉེན་རྡོ་རྗེ་སེམས་དཔའ་དེ་ཁོ་ན་ཉིད་ཅེས་བྱ་བ་ཐེག་པ་ཆེན་པོ་གསང་སྔགས་ཀྱི་དེ་ཁོ་ན་ཉིད་ངེས
112a4 པ་ཞེས་བྱ་བའི་ཆོས་སྟོན་ཏེ། སངས་རྒྱས་དེ་ནི་ཐེ་ཚོམ་ཐམས་ཅད་གཅོད་ཅིང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ངེས་པར་སངས་རྒྱས་པར་ལུང་སྟོན་པའི་དགེ་བའི་བཤེས་གཉེན་དམ་པར་གྱུར
112a5 པས་སྐྱེས་བུ་དམ་པ་ལྔ་གསང་སྔགས་ཀྱི་ངེས་པ་མ་རྙེད་པས་ཡོངས་སུ་མངོན་པར་རྫོགས་པར་སངས་རྒྱས་པས་དེ་དག་ངེས་པའི་ཐེ་ཚོམ་བཅད་དེ་ལུང་སྟོན་པས་དེ་དག་གི་ལྟས་ཡིན་ནོ། །ཞེས་སྟོན་པར
112a6 གྱུར་ཏོ། །ལང་ཀའི་བདག་པོ་དེ་ལྟར་ན་སྐྱེས་བུ་དམ་པ་དེ་དག་ནི་དེ་ཁོ་ན་ཉིད་ཀྱི་ཉམས་རྙེད་མ་ཐག་ཆོས་ཀྱི་རྒྱལ་པོ་རྒྱལ་འཚབ་སྐྱེས་བུ་དམ་པ་ཞེས་བྱ་བར་ངེས་པར་གྱུར་ཏོ། །སངས་རྒྱས་ཀུན་གྱི་དགོངས་པ
112a7 འདུས་པའི་མདོ་ཆེན་པོ་ལས་དབུགས་ཆེན་པོ་ཡོངས་སུ་ཕྱིན་པའི་ལེའུ་ཞེས་བྱ་སྟེ། བཅུ་གཉིས་པའོ།། །། དེ་ནས་ལང་ཀའི་བདག་པོ་བྱང་ཆུབ་སེམས་དཔའ་སེམས་དཔའ་ཆེན་པོ་དེས་འདི་སྐད་ཅེས་དྲི་བ་ཡོངས
112a8 སུ་དྲིས་པ། གསང་བ་པའི་བདག་པོ་སྐྱེས་བུ་དམ་པ་དེ་དག་དམ་པ་རྣམས་ཀྱི་ཞིང་དུ་ཇི་ལྟར་གྲགས་པ་ལགས། གསང་བའི་བདག་པོས་སྨྲས་པ། ལང་ཀའི་བདག་པོ་སྐྱེས་བུ་དམ་པ་དེ་དག་ནི་དམ་པ་རྣམས་ཀྱི
iiif viewer powered by OpenSeadragon
