| e-texts navigator |
| Wylie |
110b1 ཀྱི་ངོ་བོ་དེ་ཁོ་ན་ཉིད་མངོན་པར་མ་ཐོབ། མངོན་པར་མ་རྟོགས། མངོན་པར་རྫོགས་པར་སངས་མ་རྒྱས་སོ། །དེ་ཅིའི་ཕྱིར་ཞེ་ན། གསང་སྔགས་ཀྱི་ངོ་བོ་དེ་ཁོ་ན་ཉིད་རྣམ་པར་ཡོངས་སུ་དག་པའི་ཕྱིར་སངས་རྒྱས་དང་བྱང
110b2 ཅ་ཧུབ་སེམས་དཔའ་ཞེས་མི་དམིགས་ཤིང་བཙལ་དུ་མེད་པ་ལ་ས་བཅུ་ལ་གནས་པའི་སྐྱེས་བུ་དམ་པ་རྣམས་ཀྱིས་ནི་དེ་བཞིན་གཤེགས་པའི་སྙིང་པོ་གསང་སྔགས་ཀྱི་ངོ་བོ་དེ་ཁོ་ན་ཉིད་དམ་པ་དེ་རང་ལ་ཡོད་པར་མ་ཤེས་ཏེ
110b3 ཆོས་ཉིད་དུ་འཇོག་ཅིང་དཔྱོད་པ་དང་མ་བྲལ། སངས་རྒྱས་རྣམས་ནི་སྙིང་པོ་བྱང་ཆུབ་ལ་མི་རྟོག་པའི་ངང་དུ་མི་གཡོ་བར་གནས་ཏེ་མངོན་པར་འཚང་མི་རྒྱ་བར་གནས་ན་ཁྱེད་ཅིའི་ཕྱིར་ངུ་བར་བྱེད། དེ་སྐད་ཅེས་བཀའ
110b4 སྩལ་པས། སྐྱེས་བུ་དམ་པ་དེ་རྣམས་དགའ་མགུ་རངས་ཏེ་དབུགས་ཕྱིན་ནས་འདི་སྙམ་དུ་སེམས་སོ། །ཇི་ལྟར་སྔོན་དུ་གཤེགས་པའི་སངས་རྒྱས་བཅོམ་ལྡན་འདས་རྣམས་ཀྱིས་ཀྱང་ད་དུང་གསང་སྔགས་ཀྱི་ངོ་བོ་དེ
110b5 ཁོ་ན་ཉིད་མངོན་དུ་མ་གྱུར་ན་བདག་ཅག་ལ་སོགས་པ་ལྟ་ཅི་སྨོས། ཡོང་སྟོན་པ་རྡོ་རྗེ་སེམས་དཔའ་དེ་ཁོ་ན་ཉིད་འདི་ནི་སངས་རྒྱས་ཀུན་གྱི་དགེ་བའི་བཤེས་གཉེན་དམ་པ་ཉིད་ཁོ་ན་བས་བདག་ཅག་གི་བློ་གྲོས་འདི་ལ
110b6 ཆུབ་པར་གོར་མ་ཆག་སྙམ་མོ། །དེ་ནས་སྐྱེས་བུ་དམ་པ་དེ་རྣམས་ཀྱིས་བཅོམ་ལྡན་འདས་དེ་ཁོ་ན་ཉིད་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གསང་སྔགས་དམ་པ་དེ་ཁོ་ན་ཉིད་དེ་ནི་གང་ཡོངས་སུ
110b7 བརྗོད་པ་ལས་འདས་ཏེ་གསུང་བར་མི་མངའ་བས་བསྟན་ཅིང་བརྟག་པར་རབ་ཏུ་དཀའ་བ་ལགས་ཞེ་ན། འོན་ཀྱང་བཅོམ་ལྡན་འདས་ཉིད་ནི་བློ་གྲོས་ཆེན་པོ་རྣམས་ཀྱི་ཡུལ་དུ་ངེས་ཤིང་ཐེ་ཚོམ་ཐམས་ཅད་གཅོད་པ།
110b8 དམ་པ་རྣམས་ཀྱི་དམ་པ་ཉིད་ལགས་པས་ན་བདག་ཅག་གི་བློ་གྲོས་ངེས་པར་ཆུབ་པ་དམ་པའི་ཕྱོགས་དགོངས་པ་དམ་པའི་མཉམ་པ་ཉིད་དུ་བསྟན་དུ་གསོལ་ཞེས་གསོལ་པ་ལས། བཅོམ་ལྡན་འདས་དེ་ཁོ་ན་ཉིད་དེས
iiif viewer powered by OpenSeadragon
