| e-texts navigator |
| Wylie |
101b1 གཏམ་རྒྱུད་བརྗོད་པ་ཆོས་ཀྱི་ཕྱག་རྒྱའི་ཡེ་ཤེས་རྣམ་པར་བགྲོས་པ་སྟེ་བྱུང་ཚུལ་བསྟན་པ་གཉིས་པའོ། ། །། བམ་པོ་གཉིས་པར་ཟུག་པ། དེ་ནས་ལང་ཀའི་བདག་པོས་ཡང་གསང་བ་པའི་བདག་པོ་ལ་སྔོན་བྱུང་བའི་ཚིག་བཅུ་གཉིས་པའི
101b2 གསུམ་པའི་གང་གིས་ངེས་པ་རྙེད་པ་ན་ཡང་བྱུང་ཞེས་བསྟན་པ་དྲིས་པ། ཀྱེ་གསང་བ་པའི་བདག་པོ་ཉིད་ཀྱིས་ཐེག་པ་ཆེན་པོ་གསང་བ་དམ་པ་བྱུང་བའི་ཚུལ་སྟོན་པས་ལུང་བསྟན་པ་གཏམ་དུ་བརྗོད་པའི་སྐབས་སུ་གང་གིས་ངེས་པ་རྙེད
101b3 པ་ན་ཡང་བྱུང་ཞེས་བཀོད་པ་དེ་ཇི་ལྟ་བ་ཞིག་དུ་རྙེད་དེ་གྲགས་པ་ལགས། སྨྲས་པ། ལང་ཀའི་བདག་པོ་གང་གིས་གསང་སྔགས་ཀྱི་ངོ་བོ་རྡོ་རྗེ་སེམས་དཔའ་དེ་ཁོ་ན་ཉིད་ཀྱི་ངེས་པ་ཕྱིན་ཅི་མ་ལོག་པ་རྙེད་པ་དེ་ཁོ་ན་ཉིད་ལ་བྱའོ། །སྨྲས་པ།
101b4 གསང་བ་པའི་བདག་པོ་གསང་སྔགས་ཀྱི་ངོ་བོ་རྡོ་རྗེ་སེམས་དཔའ་དེ་གང་ནས་བྱུང་། གང་ན་གནས་གང་དུ་སྣང་། ཇི་ལྟར་བྱུང་དེ་སྐད་ཅེས་དྲིས་པ་ལས། གསང་བ་པའི་བདག་པོས་སྨྲས་པ། ཀྱེ་ལང་ཀའི་བདག་པོ་གསང་སྔགས་ཀྱི་ངོ
101b5 བོ་ཉིད་རྡོ་རྗེ་སེམས་དཔའ་དེ་ནི་འཁོར་བ་དང་བཅས་མྱ་ངན་ལས་འདས་པ་གཉིས་ཀྱི་ཁམས་ནས་བྱུང་ངོ་། །སངས་རྒྱས་ཀུན་གྱི་ཐུགས་དང་སེམས་ཅན་ཀུན་གྱི་སེམས་ལ་གནས་སོ། །ཞིང་ཁམས་མཐའ་ཡས་པར་སྣང་ངོ་། །ཡེ་ཇི་བཞིན
101b6 པ་དང་། རྒྱུད་དག་པར་རང་བྱུང་ངོ་། །ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་རྡོ་རྗེ་སེམས་དཔའ་ཉིད་དུ་ངེས་པ་གང་ལ་གཞག་པར་བགྱི། གསང་བ་པའི་བདག་པོས་སྨྲས་པ། ལང་ཀའི་བདག་པོ་རྡོ་རྗེ་སེམས་དཔའ་ནི
101b7 གཅིག་དང་ཐ་དད་པའི་ངོ་བོ་ཉིད་ལས་གྲོལ་ཏེ་ཆོས་རྣམས་ཀྱི་ཆོས་ཉིད་མ་བཅོས་མ་སླད་པ། སྙིང་པོ་བྱང་ཆུབ་ཏུ་ཡེ་ནས་གནས་པ་དེ་ལ་ཡེ་ཇི་བཞིན་པའི་རྡོ་རྗེ་སེམས་དཔའ་ཞེས་གདགས་སོ། །སེམས་ཅན་ཀུན་གྱི་སེམས་ཀྱི་ཆོས་ཉིད་གང
101b8 མཐོང་བའི་གནས་སྐབས་ལ་ནི་རྒྱུད་དག་པའི་རྡོ་རྗེ་སེམས་དཔའ་ཞེས་གདགས་སོ། །དེ་བཞིན་དུ་སངས་རྒྱས་ཐམས་ཅད་ཀྱང་ཡེ་ཇི་བཞིན་པ་དང་། རྒྱུད་དག་པའི་སངས་རྒྱས་སུ་རྣམ་པར་སྣང་ངོ་། །དེ་བས་ན་རྡོ་རྗེ་སེམས་དཔའི་ངེས
iiif viewer powered by OpenSeadragon
