| e-texts navigator |
| Wylie |
8a1 དེར་ནི་རས་ཀྱི་དྲི་བྱུང་ན། །བུ་མོ་རྣམས་ནི་སྟོང་ཕྲག་དག་།དགུ་དང་བདུན་བརྒྱ་རྣམས་དང་ནི། །བཅུད་ཀྱིས་ལེན་དང་གསེར་དང་ནི། །རིན་ཆེན་རྣམ་པ་སྣ་ཚོགས་གནས། །གང་དུ་བཞུགས་པའི་འབྱུང
8a2 འགྱུར་བ། །ཀ་ར་བཱི་རའི་མེ་ཏོག་རྒྱས། །དེ་ན་དངུལ་ཆུ་གནས་པ་ན། །མཁས་པ་ཡིས་ནི་བླང་བར་བྱ། །བུ་ག་གང་ན་སྒྲེ་མོ་ནི། །གནས་པར་མཐོང་ན་བུ་ག་དེ། །འཁྲུལ་འཁོར་མེད་པར་ཤེས་བྱས་ལ། །དེར་ནི
8a3 བརྟག་དཔྱད་མི་བྱའོ། །བུད་མེད་དག་ནི་ཚིག་སྟོང་དང་། །བརྒྱ་ཕྲག་དག་ནི་བཅུ་གཉིས་ནི། །པད་མའི་སྙིང་པོ་ལྟར་འཇམ་ཞིང་། །རྟག་ཏུ་རོལ་པས་སྤྱོད་པར་བྱེད། །ཐམས་ཅད་ཀྱང་ནི་ཚུལ་གཅིག་ཅིང་། །ཀུན
8a4 གྱིས་མཐོང་ན་དགའ་བའོ། །དེ་ལ་རིན་ཆེན་དུ་མ་དང་། །གོས་དག་དང་ནི་རྒྱན་དག་དང་། །བཅུད་ཀྱིས་ལེན་གྱི་གཙོ་བོ་དང་། །རྣམ་པ་སྣ་ཚོགས་མཛེས་པའོ། །དེ་ནས་ལྡོང་རོས་དག་དང་ནི། །མིག་སྨན་དང་ནི་དངུལ་ཆུ་དང་། །
8a5 མཛེས་པའི་མཚོན་ཆ་སྣ་ཚོགས་རྣམས། །བུ་གའི་གྲོང་གི་མཆོག་ནའོ། །བུ་ག་དེ་ཡི་ནང་འགྲམ་ན། །དུ་བ་འཐུལ་བ་མཐོང་གྱུར་ན། །གསེར་ནི་རྣམ་པ་མང་པོ་དང་། །དེར་ནི་དངུལ་ཆུར་ཤེས་པར་བྱ། །བུ་ག་དེ་ཡི
8a6 ལོགས་ལ་ནི། །ཚངས་པ་ཁ་དོག་སྣ་ཚོགས་པའམ། །རང་བཞིན་དཀར་པོ་བརྟེན་གྱུར་ན། །བུ་ག་དེ་ཡང་ལས་ཀུན་བྱེད། །དབུས་ནས་མཆི་མ་འཛག་པ་ཡི། །བྱ་རོག་འཐོན་པ་གང་ཡིན་པ། །དེ་ནི་བཟའ་བ་སྣ
8a7 ཚོགས་པའི། །བུ་ག་རུ་ནི་རྣམ་པར་བསྟན། །གང་ན་མ་ཧེ་མཐོང་བ་ན། །ཁྱད་པར་དུ་ནི་སྤྲིན་གྱི་མདོག་།བུ་ག་དེར་ནི་འབད་པ་ཡིས། །མཁས་པ་ཡིས་ནི་འཇུག་པར་བྱ། །མ་མྱོས་པ་དང་ལྷན་ཅིག་ཏུ། །ལག་ན
8a8 རལ་གྲིས་རྒྱུན་ཏུ་ནི། །བུ་ག་དེར་ནི་དོར་བར་བྱ། །ཐམས་ཅད་དུ་ནི་བྱང་གི་ཆར། །ཟབ་མོ་སྤྲིན་གྱི་མདོག་འདྲ་བའི། །དངུལ་ཆུ་དེར་ནི་ཤེས་པར་བྱ། །གང་ན་མེ་ཏོག་དྲི་ཡོད་ཅིང་། །ཁྱད་པར་དུ་ནི་སྤང་སྤོས་དྲི། །བུ་ག
iiif viewer powered by OpenSeadragon
