| e-texts navigator |
| Wylie |
7a1 འཇིགས་བྱེད་དང་། ཀླུ་དང་གླང་པོ་ཆེ་ཆེན་པོ་དང་། སེང་གེ་དང་། སྟག་དང་མ་ཧེ་དང་། དགྲའི་དབུས་སུ་ཕྱིན་ཡང་བལྟ་དཀའ་བར་འགྱུར་བ་དང་། དེ་དག་ཐམས་ཅད་བྱམས་པའི་སེམས་སུ་གྱུར་ན་དེ་ནས་འཇུག་པར་བྱའོ། །
7a2 ལྷ་ཐམས་ཅད་མངག་གཞུག་དུ་འགྱུར་རོ། །འདི་ནི་ཁྲོ་བོའི་རྒྱལ་པོ་རྡོ་རྗེ་ས་འོག་གི་སྔོན་དུ་བསྙེན་པའི་ཆོ་གའི་ལེའུ་སྟེ་གསུམ་པའོ།། |་།། བུ་གའི་མཚན་ཉིད་ཤེས་བྱ་བ། །
7a3 ཆུ་འབབ་གང་དག་རྩེ་མོ་མེད། །ས་ཡི་སྒྲ་ནི་སྒྲོགས་པ་དང་། །ལྟོས་འཕྱེའི་གནས་ཁང་ཇི་ལྟ་བར། །རྡོ་རྗེ་ས་འོག་མཚན་ཉིད་ནི། །མཁས་པ་ཡིས་ནི་མཚོན་པར་བྱ། །རྣམ་པ་གང་གི་ཚུལ་གྱིས་ནི། །བུ་ག་རྣམས
7a4 སུ་བརྗོད་པ་ཡི། །འཇུག་པ་ན་ནི་དོག་གྱུར་ལ། །བུ་ག་དེར་ནི་ཕྱིན་པ་ན། །ཀུན་ནས་ས་གཞི་མཉམ་པ་ནི། །དཔལ་གྱི་སྒོར་ནི་རྣམ་པར་བསྟན། །གླ་རྩི་མཆོག་གི་དྲི་ལྡན་ཞིང་། །འཁྲིལ་ཤིང་ལྕུག་མས་ཁྱབ་པ
7a5 དང་། །དྲི་སྣུམ་ལྡན་པའི་ཁ་དོག་ཅན། །དཔལ་གྱི་སྒོར་ནི་དེ་བཤད་དོ། །དྲི་དང་ལྡན་ཞིང་ངོས་བརླན་པ། །དྲོ་བ་ཡིས་ནི་འཁྲུགས་འགྱུར་བ། །ཞུགས་པ་ཙམ་གྱིས་ཡང་དང་ཡང་། །འཁྲུག་པ་ཉིད་དུ་འགྱུར་བ་ནི། །དཔལ་གྱི
7a6 སྒོར་ནི་དེ་ཤེས་བྱ། །དེ་ན་དངུལ་ཆུ་ཡོད་པར་བསྟན། །བུ་ག་ཡི་ནི་སྒོར་ཞུགས་པས། །དེ་ཡི་སེམས་ནི་འདོད་ལྡན་འགྱུར། །ཁྲོ་བོའི་སེམས་སུ་གྱུར་པ་ན། །བུ་གར་མཛེས་མ་གནས་པ་ཡིན། །འཇིགས་པ་མེད
7a7 ཅིང་ང་རྒྱལ་དང་། །རློམ་པའི་སེམས་དང་ལྡན་པ་ཡིས། །དེར་ནི་ཞུགས་པས་ཚིམ་འགྱུར་ན། །བུ་གར་དཀར་རྫས་ལྡན་པས་ཁྱབ། །བུ་ག་དག་ནི་གང་དག་ཏུ། །ཚུལ་མེད་ང་རྒྱལ་ཅན་ཁྲོ་བ། །བརྩེ་མེད་སེར་སྣ་དང་ལྡན
7a8 ཞིང་། །ཕན་ཚུན་དུ་ནི་སྨོད་བྱེད་པ། །ཡང་ན་བུ་གའི་སྒོ་ན་ནི། །སྲིན་བུ་རྣམས་ནི་བརྟེན་གྱུར་པ། །དེར་ནི་ལྟོས་འཕྱེ་ཤེས་བྱ་སྟེ། །བུ་ག་དེར་ནི་རྙེད་དཀའོ། །གང་དག་དཀར་པོའི་བྱ་བ་ནི། །བུག་སྒོར་ཡང་དག་གནས་མཐོང་ན། །
iiif viewer powered by OpenSeadragon
