| e-texts navigator |
| Wylie |
6b1 ལག་པ་གཡས་པ་རྡོ་རྗེ་སྟེང་དུ་ཕྱར་ནས་རྐང་པ་བརྐྱང་བསྐུམ་དུ་གནས་པ་ནི་རྡོ་རྗེ་སྨོད་པའི་ཕྱག་རྒྱའོ། །ལག་པ་གཡོན་པ་རྡོ་རྗེ་རྩེ་གཅིག་པ་སྙིང་གའི་ཕྱོགས་སུ་བཞག་ལ། ལག་པ་གཡས་པའི་སོར་མོ་གསུམ་གྱིས་རྒྱས
6b2 བཏབ་ནས་བརྐྱང་བསྐུམ་དུ་གནས་པ་འདི་ནི་རྡོ་རྗེ་གཞན་ལ་སྨོད་པའི་ཕྱག་རྒྱའོ། །སྔགས་ནི་ཨོཾ་བི་བིནྡྷ་བི་བིནྡྷ་ཧཱུ~ཾ་ཕཊ། འཕགས་པ་རྡོ་རྗེ་ས་འོག་གི་རྒྱུད་ཅི་སྙེད་པ་ལས་སྔགས་དང་ཕྱག་རྒྱའི་ལེའུ་སྟེ་གཉིས་པའོ།། །།
6b3 གང་གི་ཚེ་སྐྱེས་བུ་དཔའ་བོ་དཔལ་གྱི་སྒོར་འཇུག་པར་འདོད་པར་གྱུར་ན། དེས་རྡོ་རྗེ་ཁྲོ་བོའི་བསྙེན་པ་སྔོན་དུ་བྱས་ལ་ཕྱིས་འཇུག་པར་བྱའོ། །དེ་ལ་སྔོན་དུ་བསྙེན་པ་ནི་འབུམ་ཕྲག་བརྒྱད་སློངས་མོ་ཟ་ཞིང་སྨྲ་བ་བཅད་ལ།
6b4 སེམས་ཅན་ཐམས་ཅད་ལ་བྱམས་པའི་སེམས་དང་དེ་བཞིན་གཤེགས་པ་མཆོད་པ་ལ་དགའ་བས་རྟེན་ཅིང་འབྲེལ་པར་འབྱུང་བའི་སྙིང་པོའི་མཆོད་རྟེན་བྱས་ལ། དེའི་མདུན་དུ་རི་བོའམ་ཆུ་བོ་འདུས་པའམ། ཤིང་གཅིག
6b5 པའམ། བ་གླང་གི་ལྷས་སམ། བས་མཐའ་འམ། མཆོད་རྟེན་གང་ཡང་རུང་བའི་གནས་སུ་བྱང་ཆུབ་ཀྱི་སེམས་རྗེས་སུ་དྲན་པས་དེ་བཞིན་གཤེགས་པ་ཐམས་ཅད་ལ་གསོལ་བ་བཏབ་ནས། སྡིག་པ་བཤགས་ཏེ། བླ་ན་མེད་པར་བསྔོས
6b6 ལ་དམ་པའི་ཆོས་སྟོན་ཏེ་རྗེས་སུ་དྲན་པར་བྱས་ལ། མཆོད་རྟེན་གྱི་ལས་ལ་རྗེས་སུ་གནས་ནས་ལུས་དང་སྲོག་ལ་དགའ་བ་དོར་ཏེ། དུས་གསུམ་དུ་ཕྱག་རྒྱ་དང་། དབང་བསྐུར་ཞིང་དུས་གསུམ་དུ་ཁྲུས་བྱས་ལ། དེ་ལྟ་བུའི་ཚུལ་གྱིས་བསྙེན
6b7 པ་བྱའོ། །གང་དག་རྨི་ལམ་འམ། མངོན་སུམ་མཚན་མ་མཐོང་ན་རེ་ཤིག་མི་འཇུག་སྟེ། དེ་ཡང་རྨི་ལམ་ནི་གླང་པོ་ཆེ་ཆེན་པོ་ཟིལ་གྱིས་མནན་པའམ། གཟིར་བའམ། བྲོས་པའམ། འགྱེལ་བའམ། གང་དག
6b8 ཤི་བ་དེ་ལྟ་བུ་མཐོང་ན་དེ་ནས་འཇུག་པར་བྱའོ། །ཡང་ན་མངོན་སུམ་སྟེ་སྒོ་འཕར་གྱི་མཚམས་བཅོམ་པའམ། རྡོ་ཆེན་པོ་ལྟུང་བའམ། ཁྲོས་ནས་གཟའ་ཆེན་པོ་འགུགས་པའམ། གདུག་པ་རྣམས་དང་། གཏུམ་པོ་དང་།
iiif viewer powered by OpenSeadragon
