| e-texts navigator |
| Wylie |
69a1 གྱུར་ཏོ། །གང་གཱའི་ཀླུང་གི་བྱེ་མ་ཇི་སྙེད་པ་དང་མཉམ་པའི་སངས་རྒྱས་ཀྱི་ཞིང་དེ་དག་ཐམས་ཅད་ཀྱང་སྣང་བ་དེས་གསལ་བར་སྣང་བར་གྱུར་ཏོ། །སངས་རྒྱས་ཀྱི་ཞིང་དེ་དག་ན་སངས་རྒྱས་བཅོམ་ལྡན་འདས
69a2 གང་དག་བཞུགས་པ་དེ་དག་ཀྱང་སེང་གེའི་ཁྲི་དུ་མ་བཀོད་པའི་ཁང་པ་བརྩེགས་པའི་གཞལ་མེད་ཁང་རྣམས་ན་ཆོས་སྟོན་ཏོ། །ཉན་ཐོས་ཆེན་པོ་དེ་དག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དག་དང་ཐབས
69a3 གཅིག་གོ། །དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་རྣམས་དང་ཡང་ཐབས་གཅིག
69a4 གོ། དེ་དག་ཐམས་ཅད་ཀྱང་རྡོ་རྗེའི་ལྷུན་པོ་ཆེན་པོའི་རྩེ་མོའི་ཁང་པ་བརྩེགས་པའི་གཟུངས་ཡང་དག་པར་རབ་ཏུ་སྟོན་ཏོ། །དེ་དག་ཐམས་ཅད་ཀྱང་ཀུན་དུ་སྣང་ངོ་། །སྐད་ཅིག་དེ་ལ་སེམས་ཅན་དེ་དག་ཐམས་ཅད་བདེ་བ་ཐམས་ཅད་ཀྱིས
69a5 ཚིམ་པར་གྱུར་ཏོ། །འོན་པ་རྣམས་ནི་སྒྲ་ཐོས་སོ། །ལོང་བ་རྣམས་ནི་མིག་ཐོབ་བོ། །སྨྱོན་པ་རྣམས་ནི་དྲན་པ་རྙེད་དོ། །ནད་པ་རྣམས་ནི་སོས་པར་གྱུར་ཏོ། །སྦྲུམ་མ་རྣམས་ནི་བདེ་བར་བཙས་སོ། །སེམས་ཅན་དམྱལ་བ་ཐམས་ཅད
69a6 ཀྱི་སྡུག་བསྔལ་རྣམས་ནི་མེད་པར་གྱུར་ཏོ། །ཡུད་ཙམ་དེ་ལ་དུད་འགྲོའི་སྐྱེ་གནས་དང་། ཡི་དགས་ཀྱི་སྐྱེ་གནས་དང་། གཤིན་རྗེའི་འཇིག་རྟེན་རྣམས་ཀྱི་མིང་ཡང་མི་གྲག་པར་གྱུར་ཏོ། །འཇིག་རྟེན་གྱི་བར་གང་དག་མུན་པ་མུན་ནག་དང་།
69a7 མུན་པ་མུན་ནག་ཆེན་པོར་འདུག་པ་དེ་དག་ཐམས་ཅད་ཀྱང་གསལ་བར་སྣང་བར་གྱུར་ཏོ། །དེར་སེམས་ཅན་གང་དག་སྐྱེས་པ་དེ་དག་ཐམས་ཅད་དང་། སེམས་ཅན་གཞན་འདིར་སྐྱེས་པ་རྣམས་ཀྱང་གཅིག་གིས་གཅིག་ཤེས་སོ། །དེ་ནས
69a8 སེམས་ཅན་དེ་དག་ཐམས་ཅད་ཀྱི་ངོ་མཚར་རྨད་དུ་བྱུང་བའི་ཆོས་ཀྱི་དགའ་བ་ཐོབ་སྟེ་བདེ་བ་མཆོག་གིས་ཚིམ་པར་གྱུར་ནས་ཀུན་དུ་བལྟས་པ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཐོང་སྟེ།
iiif viewer powered by OpenSeadragon
