| e-texts navigator |
| Wylie |
68b1 རབ་དང་། ཐབས་དང་། སྟོབས་དང་། སྨོན་ལམ་དང་། ཡེ་ཤེས་ཀྱི་ཕ་རོལ་ཏུ་ཕྱིན་པ་དང་། དཀའ་བ་སྤྱད་པས་མངོན་བར་གྲུབ་པའི་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་དང་། དཔེ་བྱད་བཟང་པོ་བརྒྱད་བཅུས་སྐུ་བརྒྱན་པས་ནི
68b2 མཛེས་ཤིང་རིན་པོ་ཆེ་རྡོ་རྗེའི་པད་མའི་སྙིང་པོའི་སེང་གེའི་ཁྲི་ལ་ནི་བཞུགས་ཏེ། གདན་རིན་པོ་ཆེ་དང་། རྡོ་རྗེའི་པད་མའི་སེང་གེའི་ཁྲི་རི་རབ་ཙམ་རྡོ་རྗེ་དང་། རིན་པོ་ཆེ་དང་། མུ་ཏིག་དང་ལྡན་པའི་དྲིལ་བུ་གཡེར་ཀའི་དྲ་བ་དུ་མ་སིལ་སིལ
68b3 སྒྲ་འབྱུང་བ། རྡོ་རྗེ་དང་རིན་པོ་ཆེ་དུ་མའི་སྟེགས་བུ་ལ་རྩ་བ་ལེགས་པར་བརྟེན་པ། རྡོ་རྗེ་དང་རིན་པོ་ཆེ་དུ་མའི་ཆུ་སྲིན་གྱི་ཁ་ནས་བྱུང་བའི་མུ་ཏིག་དམར་པོའི་ཕྲེང་བ་དང་ལྡན་པའི་སྣམ་བརྟེན་དང་བཅས་པ། རིན་པོ་ཆེ་དུ་མའི་པད་མའི
68b4 སྙིང་པོ་ལ་ཆགས་པའི་རིན་པོ་ཆེ་ཀེ་ཀེ་རུ་དང་། ཀེ་ཀེ་རུ་ཆེན་པོ་དང་། ཨན་ད་རྙིལ་དང་། མཐོན་ཀ་ཆེན་པོ་དང་། དུན་ལས་དུ་མའི་འོད་ཟེར་འབར་བས་སྣང་བར་གྱུར་པས་ཀུན་དུ་མཛེས་པ། རིན་པོ་ཆེ་དང་། རྡོ་རྗེའི་ཐུར་མས་བརྒྱན་པའི་གདུགས
68b5 ཡུ་བས་བསྟོད་པ་བྱེ་བ་ཁྲག་ཁྲིག་འབུམ་ཕྲག་དུ་མས་གྲིབ་མར་བསྒྲིབས་ཤིང་བསྐྱབས་པ། དཔག་བསམས་གྱི་ཤིང་དུ་མས་མཛེས་པར་བྱས་པ་རྒྱ་ཆེ་བ་ལ་བཞུགས་ཏེ། གསེར་གྱི་རི་བོ་ལྟར་དཔལ་གྱིས་འབར་བ། ཉི་མ་སྟོང་བས་ལྷག
68b6 པའི་འོད་ཀྱི་དཀྱིལ་འཁོར་འབྱོར་པས་ས་ཕྱོགས་མཛེས་པར་གྱུར་པ། ཟླ་བ་ཉ་ལྟར་འཇིག་རྟེན་ཀུན་གྱིས་མཐོང་ན་དགའ་བ། དཔག་བསམ་གྱི་ཤིང་ལྗོན་པ་ཆེན་པོ་ལྟར་སངས་རྒྱས་ཀྱི་ཆོས་རྣམས་ཀྱིས་ཡང་དག་པར་རྒྱས་པ་ཆོས་སྟོན་ཏེ།
68b7 ཚངས་པར་སྤྱོད་པ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ་དང་། ཡོངས་སུ་དཀར་བ་ཡང་དག་པར་སྟོན་ཏོ། །དེ་ནས་བཅོམ་ལྡན་འདས་ཀྱི་སྤྱི
68b8 གཙུག་གི་མཚམས་ཀྱི་མཛོད་སྤུ་ནས་སངས་རྒྱས་ཀྱི་ཞིང་ཐམས་ཅད་ཀུན་དུ་སྟོན་པ་ཞེས་བྱ་བའི་འོད་ཟེར་གྱི་དྲ་བ་ཆེན་པོ་བྱུང་སྟེ། འོད་ཟེར་གྱི་དྲ་བ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་སྣང་བས་གསལ་བར་བྱས་པར
iiif viewer powered by OpenSeadragon
