| e-texts navigator |
| Wylie |
60b1 བཟླས་ན་བཟླས་པའི་མཐའ་ལ་ངེས་པར་འོང་སྟེ། ཀྱེ་སྒྲུབ་པ་པོས་བཀའ་ཅི་སྩལ་ཞེས་སྨྲ་བར་བྱེད་དོ། །སྒྲུབ་པ་པོས་མངག་གཞུག་གྱིས་ཤིག་ཅེས་བསྒོ་ནས་རྒྱབ་དུ་ཞོན་ན་གླིང་བཞི་པ་རྣམས་སུ་ཡང་ཁྱེར
60b2 བར་བྱེད་ཅིང་གཞན་ཡང་རྒྱལ་སྲིད་སྟེར་ལ་ལོ་ལྔ་སྟོང་འཚོའོ། །དེ་ནས་རྫོགས་བྱེད་ཀྱི་སྒྲུབ་པའི་ཐབས་བཤད་པ། རྡོ་རྗེ་འཆང་གི་ཕོ་བྲང་དུ་སོང་སྟེ་ཉི་མ་བདུན་དུ་སྟོང་ཕྲག་བརྒྱད་བརྒྱད་བཟླས་ནས་ཉི་མ་བདུན་པ
60b3 ལ་མཆོད་པ་རྒྱས་པར་བྱས་ཏེ། འབྲས་ཆེན་དཀར་པོ་དང་། ཞོས་ཅི་ལྟར་གསུངས་པ་ལྟར་བྱིན་ནས་ཅི་སྲིད་ནམ་ཕྱེད་ཀྱི་བར་དུ་བཟླས་ན་ནམ་ཕྱེད་ན་རང་ཉིད་འོང་ངོ་། །འོངས་པ་ལ་མེ་ཏོག་གི་མཆོད་ཡོན་བྱིན་ན་དགའ
60b4 བར་འགྱུར་ཏེ། རྒྱལ་སྲིད་སྟེར་བར་བྱེད་དོ། །བསམ་པ་ཐམས་ཅད་ཡོངས་སུ་རྫོགས་པར་བྱེད་ཅིང་ལོ་སྟོང་འཚོའོ། །ཇི་སྲིད་འཚོ་བ་དེ་སྲིད་དུ་མངག་གཞུག་གི་ལས་བྱེད་དོ། །ཆེ་གེ་མོ་འཚོ་བར་གྱིས་ཤིག་།
60b5 ཆེ་གེ་མོ་སོད་ཅིག་ཅེས་སྨྲས་ན་དེ་དག་ཐམས་ཅད་བྱེད་དོ། །ཀུན་ཏུ་རྫོགས་བྱེད་ཀྱི་སྒྲུབ་པའི་ཐབས་བཤད་པ་སྐུ་གདུང་དང་བཅས་པའི་མཆོད་རྟེན་གྱི་དྲུང་དུ་ཁྲི་བཟླས་ན་སྔོན་དུ་བསྙེན་པ་བྱས་པར་འགྱུར་རོ། །
60b6 དེ་ནས་ཟླ་བ་ཉ་ལ་ཅི་ལྟར་འབྱོར་པའི་མཆོད་པ་ཆེན་པོ་བྱས་ཏེ། ཅི་སྲིད་ནམ་ཕྱེད་ཀྱི་བར་དུ་བཟླས་ན་ནམ་ཕྱེད་ན་རིངས་པར་འོངས་ནས་མདུན་དུ་སྡོད་དོ། །ཀྱེ་སྡུག་པ་ངས་ཅི་བྱ་ཞེས་སྨྲ་བར་བྱེད་དོ། །སྒྲུབ་པ་པོས
60b7 མངག་གཞུག་གྱིས་ཤིག་ཅེས་བསྒོ་ན་དེ་ཕན་ཆད་མངག་གཞུག་གི་ལས་ཐམས་ཅད་བྱེད་དོ། །གནོད་སྦྱིན་གྱི་བུ་མོ་བཟང་མོ་བླངས་ནས་སྟེར་ཞིང་གཏེར་ཐམས་ཅད་སྟེར་ལ་ལྷས་འདོད་པའི་བཟའ་བ་སྟེར་རོ། །
60b8 ཉིན་གཅིག་བཞིན་དུ་རས་དམར་པོ་ཟུང་རེ་སྟེར་ཞིང་དོང་ཚེ་ལྔ་ལྔ་སྟེར་ལ་ལོ་ལྔ་བརྒྱ་འཚོའོ། །དེ་ནས་དུར་ཁྲོད་ཀྱི་བདག་པོའི་སྒྲུབ་པའི་ཐབས་ཀྱི་ཆོ་ག་རྒྱས་པར་བཤད་པ། མཚན་མོ་དུར་ཁྲོད་དུ་སོང་སྟེ་ཉི་མ་བདུན་དུ
iiif viewer powered by OpenSeadragon
