| e-texts navigator |
| Wylie |
59a1 རྒྱན་ཀུན་གྱིས་ནི་རྣམ་སྤྲས་ཤིང་། །རྔ་ཡབ་ཐོགས་པར་ཁྱབ་འཇུག་བྲི། །དེ་བཞིན་ཁྱུ་མཆོག་ལ་ཞོན་པར། །ལྷ་ཆེན་པོ་ནི་བྲི་བྱ་སྟེ། །ཀུན་བགེད་ལག་ན་འཁོར་ལོ་ཅན། །ངང་པ་ལ་ཞོན་བྲི་བར
59a2 བྱ། །བརྒྱ་བྱིན་གླང་ཆེན་ཞོན་པ་སྟེ། །སྨིན་དྲུག་རྨ་བྱ་ལ་ཞོན་པའོ། །ཕྱི་རོལ་དང་ནི་གྲཝ་རྣམས་སུ། །འབྱུང་མོ་བརྒྱད་ནི་བྲི་བར་བྱ། །པད་མ་ཅན་དང་པད་ཆེན་དང་། །རྣམ་འབྱུང་མ་དང་ལྷ་འཇོམས་མ། །འཕྲོག
59a3 མ་མཆོག་དང་རིན་པོ་ཆེ། །བརྒྱན་མ་འགྲོ་བ་སྐྱོང་མ་རྣམས། །དཔལ་གྱི་སྒྲ་ཡིས་རབ་གྲགས་པའི། །འབྱུང་མོ་ཆེན་མོ་བརྒྱད་པོ་སྟེ། །པད་མ་ཅན་དང་པད་ཆེན་མ། །པད་མ་དཀར་པོ་ལྟ་བུར་བྲི། །རྣམ་འབྱུང་མ་དང་ལྷ
59a4 འཇོམས་མ། །ཁ་དོག་དམར་པོ་བྲི་བར་བྱ། །འབྱུང་མོ་བཞི་རྣམས་མཚུངས་པར་ནི། །གསེར་གྱི་མདོག་དུ་བྲི་བར་བྱ། །རྫུ་འཕྲུལ་ཆེ་ལྡན་འབྱུང་མོ་བརྒྱད། །ཇི་ལྟར་བསྟན་བཞིན་དེ་ལེགས་བྲི། །དེ་ནས་འདིར་དཀྱིལ
59a5 འཁོར་གྱི་ཆོ་ག་བཤད་པ། རྡོ་རྗེ་སློབ་དཔོན་བདག་ཉིད་མེ་ཏོག་སྔོན་པོའི་ཕྲེང་བས་བརྒྱན་ཅིང་གཙུག་ཏོར་སྔོན་པོ་བཅིངས་ནས་རས་སྔོན་པོ་ཟུང་གཅིག་བགོས་ཏེ་སྔོན་བཞིན་དུ་ཁྲོ་བོའི་སྙིང་པོ་འདི་བརྗོད་པར་བྱ་སྟེ། སེམས་ཅན་ཀུན
59a6 ལ་ཕན་དོན་དུ། །མྱུར་དུ་དངོས་གྲུབ་སྦྱིན་མཛད་པ། །གྲུབ་པའི་རྡོ་རྗེ་ཁྲོ་བོ་སྟེ། །ལྷ་ཉིད་དམ་ཚིག་ལ་བཞུགས་ཤིག་།ོཾ་ཧཱུཾ་བཛྲ་ཕཊ་ས། འདི་བརྗོད་པ་ཙམ་གྱིས་ལྷ་ཐམས་ཅད་གྲུབ་པར་བྱེད་དོ། །དེ་ནས་འདིར
59a7 རྡོ་རྗེ་གསོར་བ་བཤད་པ། །འདི་ལྟར་ཡི་གེ་ཧཱུ~ཾ་ཟློས་ཤིང་ཕྱག་ན་རྡོ་རྗེས་གསུངས་པ་ལྟར། ལྷ་ཐམས་ཅད་གཞོམ་ཞིང་ལྷའི་བུ་མོ་ཐམས་ཅད་དང་། གནོད་སྦྱིན་མོ་དང་། ཀླུ་མོ་དང་འབྱུང་མོ་རྫུ་འཕྲུལ་ཆེན་མོ་ཅན་རྣམས
59a8 སྐད་ཅིག་དེ་ཉིད་ལ་གཞོམ་པར་བྱ་སྟེ། རྡོ་རྗེ་གསོར་བའི་སྦྱོར་བ་དང་ལྡན་པས། ཨོཾ་བཛྲ་དཱིཔྟ་མ་ཧཱ་ཀྲོ་དྷ་ཧ་ན་ད་ཧ་པ་ཙ་མཱ་ར་ཡ་ཧཱུ~ཾ་ཧཱུ~ཾ་ཕཊ་ཕཊ་བརྒྱ་རྩ་བརྒྱད་བཟླས་ཏེ། སྐད་ཅིག་དེ་ཉིད་ལ་ལྷ་ཐམས་ཅད་གསོད་ཅིང
iiif viewer powered by OpenSeadragon
