| e-texts navigator |
| Wylie |
58a1 མོ་བདག་གི་ཆུང་མ་གྱིས་ཤིག་ཅེས་སྨྲས་ནས་རྒྱབ་ཏུ་ཞོན་ན་ལྷའི་འཇིག་རྟེན་དུ་འཁྱེར་བར་བྱེད་ཅིང་བཟའ་བ་བཟང་པོ་སྟེར་བར་བྱེད་དོ། །དེ་ནས་སྒྲུབ་པའི་ཐབས་ཕྱི་མ་བཤད་པ་རིའི་དྲུང་ངམ་གཙུག་ལག་ཁང་དུ
58a2 ཁྲི་བཟླས་ན་བཟླས་པའི་མཐའ་ལ་རང་ཉིད་འོང་ཞིང་ལྷ་མོའི་ལག་པ་འཇམ་པོས་རྐང་པ་ལ་ཉུག་པར་བྱེད་ཅིང་མྱུར་དུ་ཆགས་པ་བྱས་ན་ཆུང་མར་འགྱུར་ཞིང་དོང་ཚེ་བརྒྱད་དང་གོས་ཟུང་གཅིག་སྟེར་བར་བྱེད་དོ། །ཆུ་བོའི
58a3 འགྲམ་དུ་སོང་ནས་ཁྲི་བཟླས་ནས། ཡང་མཚན་ཐོག་ཐག་བཟླས་ན་ཐོ་རངས་ངེས་པར་འོང་ངོ་། །འོངས་ནས་ཆུང་མར་འགྱུར་ཞིང་ཉི་མ་རེ་རེ་ཞིང་དོང་ཚེ་ལྔ་ལྔ་སྟེར་བར་བྱེད་དོ། །མཚན་མོ་ཆུ་བོ་འདུས་པའི་འགྲམ་དུ
58a4 སྟོང་ཕྲག་བརྒྱད་བཟླས་ན་བཟླས་པའི་མཐའ་ལ་ངེས་པར་འོང་ཞིང་བལྟ་བར་བྱེད་དོ། །ཉི་མ་གཉིས་པ་ལ་མདུན་དུ་འདུག་ཅིང་གཏམ་སྨྲ་བར་བྱེད་དོ། །ཉི་མ་གསུམ་པ་ལ་ཆགས་པ་སྤྱད་ན་ངེས་པར་འགྲུབ་ཅིང་ཆུང
58a5 མའི་ལས་ཐམས་ཅད་བྱེད་ལ། དོང་ཚེ་བརྒྱད་དང་རས་ཕྲུགས་གཅིག་སྟེར་བར་བྱེད་དོ། །ཉིན་གཅིག་བཞིན་དུ་རིའི་རྩེ་མོར་ཤ་ཟ་ཞིང་ཁྲི་ཁྲི་བཟླས་ན། ལྷ་མོའི་གཟུགས་ཀྱིས་མྱུར་དུ་འོངས་ཤིང་མདུན་དུ་སྡོད་དོ། །
58a6 འཁྱུད་ཅིང་འོ་བྱས་ཏེ་མི་སྨྲ་བས་ཆགས་པ་བྱས་ན་ཆུང་མར་འགྱུར་ཏེ། དོང་ཚེ་བརྒྱད་སྟོང་སྟེར་ཞིང་ལྷས་མངོན་བར་འདོད་པའི་བཟའ་བ་སྟེར་བར་བྱེད་དོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས་མི་འམ
58a7 ཅིའི་བུ་མོ་བསྒྲུབ་པའི་ཐབས་ཀྱི་ཆོ་ག་རྒྱས་པའི་ལེའུའོ། ། །། དེ་ནས་གསང་བའི་བདག་པོ་ཕྱག་ན་རྡོ་རྗེས་འདི་སྐད་ཅེས་བཀའ་སྩལ་ཏོ། །དབང་ཕྱུག་ཆེན་པོ་ལྷ་ཆེན་པོ་ཁྱོད་ཉོན་ཅིག་འཇིག་རྟེན
58a8 གསུམ་གྱི་བདག་པོ་ལྷ་རྣམས་ཀྱིས་འདའ་བར་བྱ་བ་མ་ཡིན་པ་མངག་གཞུག་མ་ལུས་པ་སྒྲུབ་པར་བྱེད་པ་མ་རུངས་པ་རྣམས་དང་ལྷ་རྣམས་ལ་བསྟན་པར་བྱའོ། །དེ་ནས་དབང་ཕྱུག་ཆེན་པོ་ལྷ་ཆེན་པོས་འདི་སྐད
iiif viewer powered by OpenSeadragon
