| e-texts navigator |
| Wylie |
57b1 ཐམས་ཅད་བྱེད་ཅིང་གྲུབ་པའོ། །དགུག་པའི་ཕྱག་རྒྱ་དང་། སླར་བཏང་བ་དང་། མཆོད་པའི་ཕྱག་རྒྱ་ནི་ཁུ་ཚུར་སོ་སོར་བཅངས་ཏེ། མཐེའུ་ཆུང་གི་སེན་མོ་མཐེ་བོས་མནན་ནས་སོར་མོ་ལྷག་མ་བརྐྱང་བ་ནི་ཀླུ་མོ་ཐམས
57b2 ཅད་ཀྱི་ཕྱག་རྒྱའོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས་ཀླུ་མོ་རྣམས་ཀྱི་སྒྲུབ་པའི་ཐབས་ཀྱི་ཆོ་ག་རྒྱས་པའི་ལེའུའོ།། །། དེ་ནས་གསང་བའི་བདག་པོ་ལག་ན་རྡོ་རྗེས་ཁྲོ་ཞིང
57b3 གསོར་ཏེ། ཁྲོ་བོ་འདི་དང་བཅས་ནས་གསུངས་པ། ཨོཾ་བྷ་ན་ཎ་བཛྲ་ཧཱུ~ཾ་ཆེ་གེ་མོ་ནཱ་གི་ནི་ཨཱ་ཀཪྵ་ཡ་ཧཱུ~ཾ་ཧཱུ~ཾ་ཕཊ་ཕཊ་དེ་ནས་འདི་བཤད་པ་ཙམ་གྱིས་ཀླུ་ཐམས་ཅད་བརྒྱལ་ཞིང་འགྱེལ་ཏེ་སྤྱི་བོའི་ནད་ཆེན་པོས་ཤིའོ། །
57b4 གལ་ཏེ་དམ་ཚིག་ལས་འདས་ན་ཁྲོ་བོ་འདི་དང་བཅས་ཏེ། བཟླས་པས་མྱུར་དུ་འཆི་ཞིང་དམྱལ་བ་ཆེན་པོ་བརྒྱད་དུ་ལྟུང་བར་འགྱུར་རོ་ཞེས་དཔལ་རྡོ་རྗེ་འཆང་གིས་གསུངས་སོ། །འབྱུང་པོ་འདུལ་བའི་རྒྱུད་ཀྱི་རྒྱལ
57b5 པོ་ཆེན་པོ་ལས་ཀླུ་མོ་རྣམས་སྒྲུབ་པར་བྱེད་པའི་ཆོ་ག་རྒྱས་པའི་ལེའུའོ། ། །། དེ་ནས་འཁོར་གྱི་དཀྱིལ་འཁོར་དེར་མི་འམ་ཅི་མོ་དྲུག་ལངས་ཏེ། བཅོམ་ལྡན་འདས་དཔལ་རྡོ་རྗེ་འཆང་གི་ཞབས་ལ་སྤྱི
57b6 བོས་བཏུད་ནས་རང་གི་སྙིང་པོ་ཕུལ་བ། ཨོཾ་མ་ནོ་ཧ་རི་སྭཱ་ཧཱ་ཨོཾ་སུ་བ་གེ་སྭཱ་ཧཱ། ཨོཾ་བི་ཤཱ་ལ་ནེ་ཏྲི་སྭཱ་ཧཱ། ཨོཾ་སུ་ར་བི་ཕྲེ་ཡེ་སྭཱ་ཧཱ། ཨོཾ་ཨ་ཤ་མུ་ཁི་སྭཱ་ཧཱ། ཨོཾ་བི་ཐ་ཀ་ར་མུ་ཁི་སྭཱ་ཧཱ། དེ་ནས་མི་འམ་ཅི
57b7 མོ་དྲུག་གི་སྒྲུབ་པའི་ཐབས་ཀྱི་ཆོ་ག་རྒྱས་པར་བཤད་པ། རིའི་རྩེ་མོ་ལ་སོང་སྟེ་སྟོང་ཕྲག་བརྒྱད་བཟླས་ན་མི་འམ་ཅི་མོ་དྲུག་གི་བཟླས་པ་རྫོགས་པ་དང་། མཆོད་པ་ཤིན་ཏུ་ཆེན་པོ་བྱས་ཏེ། བ་གླང་གི་ཤ་དང་།
57b8 གུ་གུལ་དང་ལྡན་པའི་བདུག་པས་བདུག་ཅིང་ཇི་སྲིད་ནམ་ཕྱེད་ཀྱི་བར་དུ་བཟླས་ན་ནམ་ཕྱེད་ན་ངེས་པར་འོང་སྟེ། དེ་ལ་འཇིགས་པར་མ་བྱས་ན། ཀྱེ་སྒྲུབ་པ་པོ་ཅི་བཀའ་སྩལ་ཅེས་སྨྲ་བར་བྱེད་དོ། །སྒྲུབ་པ་པོས་ཀྱང་ཀྱེ་བཟང
iiif viewer powered by OpenSeadragon
