| e-texts navigator |
| Wylie |
57a1 དེ་ནས་བཟླས་པའི་ཐ་མ་ལ་ཀླུའི་བུ་མོ་འོང་ངོ་། །འོངས་པ་ལ་སྤྱི་བོར་མེ་ཏོག་བྱིན་ཏེ་ལེགས་པར་འོངས་སོ་ཞེས་བརྗོད་ཅིང་ཆུང་མ་གྱིས་ཤིག་ཅེས་བསྒོ་ན་དོང་ཚེ་བརྒྱད་དང་ལྷའི་ཟས་བཟང་པོ་སྟེར་བར་བྱེད་དོ། །
57a2 མཚན་མོ་ཀླུའི་ཁང་པར་སོང་སྟེ་མཚན་ཐོག་ཐག་བཟླས་ན་དེའི་ཐོ་རངས་རྒྱན་ཐམས་ཅད་ཀྱིས་བརྒྱན་ཏེ་ཀླུའི་བུ་མོ་སྐད་ཅིག་དེ་ལ་འོང་ངོ་། །འོངས་པ་ལ་མེ་ཏོག་དང་ཙན་དན་གྱི་མཆོད་ཡོན་བྱིན་ཏེ་ལེགས་པར་འོངས་སོ
57a3 ཞེས་བརྗོད་ཅིང་ཆུང་མ་གྱིས་ཤིག་ཅེས་བསྒོ་ན་ལྷའི་དངུལ་ཆུ་དང་བཅུད་ཀྱིས་ལེན་དང་། གྲུབ་པའི་རྫས་སྟེར་ཞིང་བསམ་པ་ཐམས་ཅད་ཡོངས་སུ་རྫོགས་པར་བྱེད་ལ་རྒྱལ་སྲིད་སྟེར་བར་བྱེད་དོ། །མཚན་མོ་ཀླུའི
57a4 གནས་སུ་སོང་སྟེ་ཁྲི་བཟླས་ན་ཀླུའི་བུ་མོ་ངེས་པར་འོང་ངོ་། །ཀླུ་འོངས་པ་ལ་མྱུར་དུ་ཆགས་པར་བྱས་ནས་ཆུང་མ་གྱིས་ཤིག་ཅེས་བསྒོ་ན་ཉི་མ་རེ་རེ་དོང་ཚེ་བརྒྱད་དང་། ལྷའི་བཟའ་བ་བཟང་པོ་དང་གོས་རྣམས་སྟེར་བར
57a5 བྱེད་དོ། །མཚན་མོ་ཀླུའི་ཁང་པར་སོང་ལ་སྟོང་ཕྲག་བརྒྱད་བཟླས་ན། དེ་ནས་བཟླས་པའི་ཐ་མ་ལ་ཀླུའི་བུ་མོ་རིངས་པར་འོང་ངོ་། །འོངས་པ་ལ་ཀླུའི་མེ་ཏོག་སྤྱི་བོར་བྱིན་ན་ཆུང་མར་འགྱུར་ཞིང་ལྷའི་རས་དང་རྒྱན་དང་།
57a6 བཟའ་བ་ལ་སོགས་པ་སྟེར་རོ། །དེ་ནས་ཀླུ་མོའི་དམ་ཚིག་གི་སྔགས་བཤད་པ། ཨོཾ་ཕུཿཱ་གཙྪ་ནཱ་ག་ནི་ཕུ(རྒྱུད་འབུམ
57a7 གྱི་སྔགས་སོ། ། ཕུཿི་ཕུཿཧ~ཾ་ཕུཿབ~ཾ་ཕུཿཀླུ་མོ་ཐམས་ཅད་ཀྱི་དམ་ཚིག་གི་སྔགས་སོ། །ཕུཿཱ་གཙྪ་ཨཱ་གཙྪ། ཤཱི་གྷྲ~ཾ་པུ་ནཱ་ན་ར་ག་མ་ན་ཡ་སྭཱ་ཧཱ། སླར་གཏང་བའི་སྔགས་སོ། །དེ་ནས་ཀླུ་མོ་རྣམས
57a8 ཀྱི་ཕྱག་རྒྱའི་མཚན་ཉིད་བཤད་པ་ཐལ་མོ་མཉམ་པར་བྱས་ཏེ། སོར་མོ་རྣམས་མགོ་བོའི་ཚུལ་དུ་སྦྱར་ལ་མཛུབ་མོ་ཁ་བསྒྱུར་བས་མཐེ་བོའི་སོར་མོ་བརྐྱང་བ་ནི་ཀླུ་མོ་ཐམས་ཅད་ཀྱི་དམ་ཚིག་གི་ཕྱག་རྒྱའོ། །ལས
iiif viewer powered by OpenSeadragon
