| e-texts navigator |
| Wylie |
55a1 ལ་སྟོང་ཕྲག་བརྒྱད་བརྒྱད་བཟླས་ཏེ། ཟླ་བ་ཐ་མ་ལ་ཅྀ་ལྟར་འབྱོར་པའི་མཆོད་པ་བྱས་ནས་མར་གྱི་མར་མེ་རབ་ཏུ་སྤར་ཏེ་ཅི་སྲིད་ནམ་ཕྱེད་ཀྱི་བར་དུ་བཟླས་ན་ནམ་ཕྱེད་ན་ངེས་པར་འོང་ངོ་། །འོངས་པ་ལ་དགའ
55a2 བས་ཆགས་པ་བྱས་ན་ཆུང་མར་འགྱུར་རོ། །སྒྲུབ་པ་པོ་འཁོར་དང་བཅས་པ་ཡོངས་སུ་སྐྱོང་བར་བྱེད་ཅིང་ལྷས་འདོད་པར་བྱ་བའི་ཟས་དང་། དངུལ་ཆུ་དང་། བཅུད་ཀྱིས་ལེན་སྟེར་ཞིང་དོང་ཚེ་ཉི་ཤུ་རྩ་ལྔ་སྟེར་བར་བྱེད་དོ། །
55a3 དེ་ནས་པདྨ་མའི་སྒྲུབ་ཐབས་བཤད་པ། རང་གི་ཁྱིམ་དུ་མགོའི་གནས་སུ་ཙན་དན་གྱི་དཀྱིལ་འཁོར་བྱས་ཏེ་གུ་གུལ་གྱི་བདུག་པ་སྦྱིན་ཞིང་ཟླ་བ་ཕྱེད་དུ་བཟླས་པ་བྱའོ། །དེ་ནས་ཟླ་བ་ཉ་ལ་ཅི་འབྱོར་པའི་མཆོད་པ
55a4 བྱས་ཏེ། ཅི་སྲིད་ནམ་ཕྱེད་ཀྱི་བར་དུ་བཟླས་ན་ནམ་ཕྱེད་ན་ངེས་པར་འོང་ངོ་། །འོངས་པ་ལ་ཆགས་པ་བྱས་ན་ཆུང་མར་འགྱུར་ཏེ། ལྷ་མོས་འདོད་པ་སྟེར་ཞིང་དངུལ་ཆུ་དང་བཅུད་ཀྱིས་ལེན་སྟེར་བར་བྱེད་དོ། །དེ་ནས
55a5 གར་བྱེད་མའི་སྒྲུབ་པའི་ཐབས་བཤད་པ་ཨ་ཤོ་ཀའི་ཤིང་གི་རྩར་སོང་སྟེ་བསྒྲུབ་པར་བྱའོ། །ཤའི་བཟའ་བ་དང་སྤོས་དང་དྲི་དང་། མེ་ཏོག་སྦྱིན་ཞིང་སྟོང་ཕྲག་བརྒྱད་བཟླས་ན། ཟླ་བ་གཅིག་གི་ནང་དུ་ངེས་པར
55a6 འོང་ངོ་། །མདོར་བསྡུས་ན་འོངས་ན་མ་དང་། སྲིང་མོ་དང་ཆུང་མར་འགྱུར་རོ། །གལ་ཏེ་ཆུང་མར་གྱུར་ན་བཟའ་བ་དང་། རས་ཟུང་རེ་དང་། དངུལ་ཆུ་དང་བཅུད་ཀྱིས་ལེན་སྟེར་ཞིང་དོང་ཚེ་བརྒྱད་སྟེར་བར་བྱེད་དོ། །གལ
55a7 ཏེ་མར་གྱུར་ན་བཟའ་བ་བཟང་པོ་དང་། །རས་ཟུང་རེ་སྟེར་ཞིང་གསེར་སྲང་བརྒྱ་སྟེར་རོ། །གལ་ཏེ་སྲིང་མོར་གྱུར་ན་དཔག་ཚད་སྟོང་ནས་བུད་མེད་བཟང་མོ་བླངས་ནས་སྟེར་ཞིང་གོས་དང་རྒྱན་དང་། བཟའ་བ་བཟང་པོ་སྟེར
55a8 རོ། །དངུལ་ཆུ་དང་བཅུད་ཀྱིས་ལེན་ཡང་སྟེར་བར་བྱེད་དོ། །དེ་ནས་སྲིང་མོ་སྒྲུབ་པའི་ཐབས་བཤད་པ། གུར་གུམ་གྱིས་གྲོ་བའི་འདབ་མ་ལ་གནོད་སྦྱིན་མོའི་གཟུགས་བྲིས་ཏེ། དེ་ནས་ཚེས་གཅིག་ནས་བརྩམས་ནས།
iiif viewer powered by OpenSeadragon
