| e-texts navigator |
| Wylie |
52b1 མཆོག་མའི་སྒྲུབ་ཐབས་བཤད་པ་ཙན་དན་དང་། འོ་མའི་ཟས་ལ་ཁྲི་བཟླས་ནས་ཉི་མ་བདུན་ན་མཆོད་པ་རྒྱས་པར་བྱས་ཏེ། ཡར་གྱི་ངོའི་ཚེས་བརྒྱད་ལ་རིའི་རྩེ་མོར་སོང་ལ་མཚན་ཐོག་ཐག་བཟླས་ན་ཐོ་རངས་ངེས་པར
52b2 འོང་སྟེ། ཅུང་ཟད་རྒོད་པས་ཆགས་པ་བྱས་ནས་མདུན་དུ་སྡོད་དོ། །འཁྱུད་པ་དང་འོ་བྱས་ཤིང་དགའ་བས་ཆགས་པར་བྱས་ནས་འདི་ལྟར་འགྲུབ་པར་འགྱུར་ཏེ། གང་འདོད་པ་དེ་སྟེར་ཞིང་རྒྱབ་དུ་ཞོན་ན་མཐོ་རིས་སུ་ཡང
52b3 འཁྱེར་བར་བྱེད་དོ། །གཞན་ཡང་རྒྱལ་སྲིད་སྟེར་བར་བྱེད་དོ། །དེ་ནས་གསེར་གྱི་ཕྲེང་བ་མའི་སྒྲུབ་ཐབས་བཤད་པ། ཆུ་བོ་འདུས་པའི་འགྲམ་དུ་སོང་སྟེ། ཉི་མ་བདུན་དུ་སྟོང་ཕྲག་བརྒྱད་བརྒྱད་བཟླས་ན་ཉི་མ་བདུན་པ
52b4 ལ་མཆོད་པ་རྒྱས་པར་བྱས་ཏེ། གུ་གུལ་གྱི་བདུག་པ་བྱིན་ནས་མཚན་ཐོག་ཐག་བཟླས་ན་དེའི་ཐོ་རངས་ངེས་པར་འོང་སྟེ། འདོད་པ་ཐམས་ཅད་སྦྱིན་པར་བྱེད་དོ། །དེ་ནས་འཁྱིལ་བའི་ཕྲེང་བ་མའི་སྒྲུབ་པའི་ཐབས
52b5 ཀྱི་ཆོ་ག་རྒྱས་པར་བཤད་པ། ཚེས་གྲངས་མི་དགོས་ཤིང་རྒྱུ་སྐར་ཡང་མི་དགོས་ལ། སྨྱུང་བ་ཡང་མི་དགོས་པར་འགྲུབ་པར་བྱེད་པ་སྟེ། རིའི་རྩེ་མོར་སོང་སྟེ་ཁྲི་བཟླས་ན་དེ་ནམ་ཕྱེད་ན་ངེས་པར་འོང་ངོ་། །ཆུང
52b6 མར་འགྱུར་ལ་དོང་ཙེ་སྟོང་སྟེར་ཞིང་། དངུལ་ཆུ་དང་བཅུད་ཀྱིས་ལེན་དང་། གྲུབ་པའི་རྫས་སྟེར་རོ། །དེ་ནས་རིན་ཆེན་ཕྲེང་བ་མའི་སྒྲུབ་ཐབས་བཤད་པ། ལྷའི་ཁང་པར་སོང་སྟེ་ཟླ་བ་གཅིག་ཏུ་སྟོང་ཕྲག་བརྒྱད་བརྒྱད
52b7 བཟླས་ནས་ཟླ་བ་དེའི་ཐ་མ་ལ་ཟླ་བ་ཉའི་བར་དུ་བཟླས་ན་ནམ་ཕྱེད་ན་རྐང་གདུབ་ཀྱི་སྒྲ་ཆེན་པོས་འོང་ངོ་། །འོངས་པ་ལ་མེ་ཏོག་གི་མཆོད་ཡོན་བྱིན་ནས་ལྷ་མོ་ལེགས་པར་འོངས་སམ་ཞེས་སྨྲས་ན་བདག་པོ་བདག
52b8 གིས་ཅི་བྱ་ཞེས་ཟེར་ཏེ་སྒྲུབ་པ་པོས་ཆུང་མ་གྱིས་ཤིག་ཅེས་བསྒོ་ན་ཆུང་མའི་ལས་བྱེད་ཅིང་ལྷ་མོས་འདོད་པ་སྦྱིན་པར་བྱེད་དོ། །ལོ་སྟོང་འཚོ་བར་བྱེད་དོ། །དེ་ནས་རྩོམ་པ་མོའི་སྒྲུབ་པའི་ཐབས་བཤད་པ། ཚེས
iiif viewer powered by OpenSeadragon
