| e-texts navigator |
| Wylie |
52a1 དེ་ནས་འདི་བཤད་པ་ཙམ་གྱིས་ཚངས་པ་དང་། ཁྱབ་འཇུག་དང་དབང་ཕྱུག་ཆེན་པོ་ལ་སོགས་པ་འཇིག་རྟེན་པའྀ་ལྷ་ཐམས་ཅད་དང་རིག་འཛིན་དུ་མ་དང་། ཀླུ་དང་གནོད་སྦྱིན་དང་། འབྱུང་པོ་དང་ཡི་དགས་དང་ལྷའི
52a2 བུ་མོ་དང་། ཤ་ཟ་དང་དྲི་ཟ་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། ནམ་མཁའ་ལྡིང་རྣམས་དུམ་བུ་བརྒྱར་བྱས་ཏེ་དགུག་པར་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་ལ
52a3 སོགས་པ་བྱང་ཆུབ་སེམས་དཔའ་དཔག་ཏུ་མེད་པ་ཡང་འཁོར་དེར་འདུས་པ་རྣམས་ངོ་མཚར་དུ་གྱུར་ཏེ། འདི་སྐད་ཅེས་སྨྲས་སོ། །དཔལ་རྡོ་རྗེ་འཆང་ཁྲོ་བོའི་བདག་པོ་ཆེན་པོ་མ་འོངས་པའི་ཚེ་མ་འོངས་པའི་དུས་ན་གདུག་པ
52a4 དང་། ལྷ་ཐམས་ཅད་ཚར་གཅོད་པ་ནི་ལེགས་སོ་ལེགས་སོ། །དེ་ནས་ལྷའི་བུ་མོ་རྣམས་ལངས་ཏེ། འཁོར་གྱི་དཀྱིལ་འཁོར་དེར་དཔལ་རྡོ་རྗེ་འཆང་གི་ཞབས་ལ་མགོ་བོས་ཕྱག་འཚལ་ཏེ་རང་གི་སྙིང་པོ་ཕུལ་བ།
52a5 ཨོཾ་ཤྲཱི་ཟླ་བའི་ལྷ་མོའིའོ། །ོཾ་ཤྲཱི་ཐིག་ལེ་མཆོག་མའིའོ། ཨོཾ་ཤྲཱི་གསེར་གྱི་ཕྲེང་བ་མའིའོ། །ོཾ་ཤྲཱི་འཁྱིལ་པའི་ཕྲེང་བ་མའིའོ། །ོཾ་ཧཱུ~ཾ་རིན་ཆེན་ཕྲེང་བ་མའིའོ། །ོཾ་ས། རྩོམ་པ་མོའིའོ། །ོཾ་སྲུ། བྲང
52a6 ན་གནས་པ་མའིའོ། །ོཾ་བ~ཾ་དཔལ་རྒྱན་ཅན་མའིའོ། །དེ་ནས་ལྷའི་བུ་མོ་བརྒྱད་ཀྱི་དངོས་གྲུབ་ཀྱི་བསྒྲུབ་པ་ཐམས་ཅད་ཀྱི་ཆོ་ག་བཤད་པ། རིའི་རྩེ་མོ་ལ་སོང་སྟེ་འབུམ་བཟླས་ན་འགྲུབ་པར་འགྱུར་རོ། །
52a7 དེ་ནས་ཟླ་བ་ཉ་ལ་ཅི་ལྟར་འབྱོར་པའི་མཆོད་པ་བྱས་ནས་མར་གྱི་མར་མེ་རབ་ཏུ་སྤར་ནས་མཚན་ཐོག་ཐག་བཟླས་ན་ཐོ་རངས་ལྷ་མོ་རང་ཉིད་འོང་ངོ་། །འོངས་པ་ལ་ཙན་དན་གྱི་ཆུའི་མཆོད་ཡོན་བྱིན་ན་དགའ་ཚིག་སྨྲ་བར
52a8 བྱེད་དོ། །སྒྲུབ་པ་པོས་བདག་གི་ཆུང་མ་གྱིས་ཤིག་ཅེས་སྨྲས་ན་དངོས་གྲུབ་ཀྱི་རྫས་དང་། དངུལ་ཆུ་དང་བཅུད་ཀྱིས་ལེན་ལ་སོགས་པ་སྟེར་རོ། །དེའི་བཅུད་ཀྱིས་ལེན་གྱིས་ནི་ལོ་སྟོང་འཚོའོ། །དེ་ནས་ཐིག་ལེ
iiif viewer powered by OpenSeadragon
