| e-texts navigator |
| Wylie |
51b1 བྱེད་དོ། །དེ་ནས་འདོད་པའི་དབང་ཕྱུག་མའི་སྒྲུབས་པའི་ཐབས་བཤད་པ། ཤའི་ཟས་ཁྱེར་ཏེ་མ་མོའི་གནས་སུ་སོང་ནས་མཚན་མོ་ཉ་དང་ཤས་བྱ་བ་བྱས་ཏེ། ལན་སྟོང་བཟླས་ན་ཉི་མ་བདུན་ན་ངེས་པར་འོང་ངོ་། །འོངས་པ་ལ
51b2 ཁྲག་གི་མཆོད་ཡོན་བྱིན་ན་བདག་པོ་བཀའ་ཅི་སྩལ་ཞེས་སྨྲ་བར་བྱེད་དོ། །སྒྲུབ་པ་པོས་ལྷ་མོ་ཆུང་མར་གྱུར་ཅིག་ཅེས་སྨྲས་ན་ཆུང་མར་འགྱུར་ཞིང་རེ་བ་ཐམས་ཅད་སྐོང་ལ་རྒྱལ་སྲིད་སྟེར་བར་བྱེད་དོ། །དེ་ནས་ལྷ་མོའི
51b3 སྒྲུབ་པའི་ཐབས་བཤད་པ། མཚན་མོ་ལྷ་མོའི་ཁང་པར་སོང་སྟེ། སྟན་བཤམས་ལ་ཙན་དན་དཀར་པོ་དང་སྣ་མའི་མེ་ཏོག་གིས་མཆོད་ཅིང་གུ་གུལ་གྱི་བདུག་པ་བྱིན་ནས་སྟོང་ཕྲག་བརྒྱད་བཟླས་ན་བཟླས་པའི་མཐར་ངེས་པར
51b4 འོང་ངོ་། །འོངས་པ་ལ་འཁྱུད་པ་དང་། འོ་བྱས་པ་དང་། ཇི་ལྟར་དགའ་བ་འདོད་པ་བྱས་ན་ལྷ་མོ་གསེར་གྱི་མདོག་ཅན་གཞོན་ནུ་མ་རྒྱན་ཐམས་ཅད་ཀྱིས་བརྒྱན་པ་ཆུང་མར་འགྱུར་རོ། །དོང་ཙེ་བརྒྱད་དང་། རས
51b5 ཟུང་གཅིག་དང་། གནས་རྣམས་དང་། བཟའ་བ་མང་པོ་རྣམས་འཁོར་དང་བཅས་པ་ལ་སྟེར་རོ། །འདི་ཉིད་ཀྱིས་རྣམ་ཐོས་སྲས་ཀྱི་ཁང་པར་འདུག་ན་གསང་བའི་མཐའ་དང་བཟླས་པའི་མཐའ་ལ་ཤིན་དུ་མྱུར་བར་རྫས
51b6 བླངས་ནས་སྟེར་བར་བྱེད་དོ། །བཅོམ་ལྡན་འདས་རྡོ་རྗེ་འཆང་གིས་དེ་སྐད་ཅེས་གསུངས་སོ། །འབྱུང་པོ་འདུལ་བའི་རྒྱུད་ཆེན་པོ་ལས་འབྱུང་མོ་བརྒྱད་ཀྱི་སྒྲུབ་པའི་ཐབས་ཀྱི་ཆོ་ག་རྒྱས་པའི་ལེའུའོ།། །།
51b7 དཔལ་རྡོ་རྗེ་འཆང་ལ་ཕྱག་འཚལ་ལོ། །དེ་ནས་ཤིན་ཏུ་འདའ་བར་དཀའ་བའི་སྒྲུབ་པའི་ཐབས་ལྷ་ཆེན་པོ་ཐམས་ཅད་གསོད་པར་བྱེད་པའི་སྔགས་ཀྱི་ཚིག་གསུངས་པ། ཨོཾ་ཧ་ན་ཧ་ན་སརྦ
51b8 མཱ་ར་ཡ་བཛྲ་ཛྭ་ལེ་ཧཱུ~ཾ་ཕཊ། དེ་ནས་འདི་བཤད་པ་ཙམ་གྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྡོ་རྗེ་རྣོན་པོ་འབར་བའི་ཕྲེང་བ་འཁྲུགས་པས་གང་བར་གྱུར་ཏོ། །ཧཱུ~ཾ་ཧ་ན་ཕཊ།
iiif viewer powered by OpenSeadragon
