| e-texts navigator |
| Wylie |
50b1 སེང་གེ་མ་དང་། རྒོད་བྱེད་མ་དང་གར་བྱེད་མ་དང་། དགའ་བ་མ་དང་འདོད་པའི་དབང་ཕྱུག་མ་དང་། ལྷ་མོ་རྣམས་སོ། །འབྱུང་མོ་བརྒྱད་པོ་རྣམས་ཆུང་མར་དོན་དུ་གཉེར་རམ། མར་གཉེར་རམ། ཡང་ན་སྲིང་མོར་གཉེར
50b2 ན་སྒྲུབ་པ་པོ་ཤིང་གཅིག་པར་སོང་སྟེ། མཚན་མོ་དང་ཉིན་མོ་དུས་གསུམ་དུ་སྟོང་ཕྲག་བརྒྱད་བཟླས་ནས་བཟླས་པའི་མཐར་མཆོད་པ་ཆེན་པོ་བྱས་ནས། གུ་གུལ་གྱི་བདུག་པ་བྱིན་ཏེ་བཟླས་ན། དེ་ནས་ནམ
50b3 ཕྱེད་ཀྱི་དུས་སུ་རྒྱན་ཅན་མ་ངེས་པར་འོང་ངོ་། །འོངས་པ་ལ་ཙན་དན་གྱི་ཆུའི་ཡོན་ཆབ་བྱིན་ན་དགའ་བར་འགྱུར་རོ། །མ་དང་སྲིང་མོ་དང་ཆུང་མར་འགྱུར་ཏེ། གང་མངོན་པར་འདོད་པ་དེ་སྨྲ་བར་བྱའོ། །གལ་ཏེ
50b4 མར་གྱུར་ན་ནི་འཁོར་བརྒྱད་བརྒྱའི་གོས་དང་། རྒྱན་དང་བཟའ་བ་ལ་སོགས་པ་སྟེར་རོ། །གལ་ཏེ་ཆུང་མར་གྱུར་ན་ནི་དོང་ཚེ་སྟོང་སྟོང་སྟེར་ཞིང་དངུལ་ཆུ་དང་བཅུད་ཀྱིས་ལེན་སྟེར་རོ། །གལ་ཏེ་སྲིང་མོར་གྱུར་ན་ནི
50b5 དཔག་ཚད་སྟོང་ནས་བུད་མེད་བཟང་མོ་བླངས་ནས་སྟེར་ཞིང་དངུལ་ཆུ་དང་བཅུད་ཀྱིས་ལེན་སྟེར་ལ་ལྷའི་གཏེར་སྟེར་རོ། །མཚན་མོ་དུར་ཁྲོད་དུ་སོང་སྟེ་ཁྲི་བཟླས་ན། བཟླས་པའི་མཐར་རྣ་ཆ་དང་། དོ་ཤལ་ཅན
50b6 གྱི་འབྱུང་མོ་ངེས་པར་འོང་ངོ་། །འོངས་པ་ལ་ཁྲག་གི་མཆོད་ཡོན་བྱིན་ན་དགའ་བར་འགྱུར་རོ། །མ་གྱིས་ཤིག་ཅེས་སྒོ་ན་མ་དང་འདྲ་བར་ཡོངས་སུ་སྐྱོང་བར་བྱེད་དོ། །མཚན་མོ་ལྷ་ཁང་སྟོང་པར་སོང
50b7 སྟེ་ཁྲི་བཟླས་ན་འབྱུང་མོ་དོ་ཤལ་ཅན་མྱུར་དུ་འོངས་སོ། །འོངས་པ་ལ་ཆགས་པ་སྤྱད་ན་ཆུང་མར་འགྱུར་རོ། །འགྲོ་བ་བཅུ་གཉིས་ཡོངས་སུ་སྐྱོང་བར་བྱེད་ཅིང་དོང་ཙེ་ཉི་ཤུ་རྩ་ལྔ་དང་རས་ཟུང་གཅིག
50b8 སྟེར་རོ། །དེ་ནས་སེང་གེ་མའི་སྒྲུབ་ཐབས་བཤད་པ་མཚན་མོ་ལིང་ཀ་གཅིག་པར་སོང་སྟེ་ཁྲི་བཟླས་ན་རང་ཉིད་འོངས་ཤིང་ཀྱེ་སྒྲུབ་པ་པོ་བཀའ་ཅི་སྩལ་ཞེས་སྨྲ་ཞིང་སྒྲུབ་པ་པོས་ཆུང་མ་གྱིས་ཤིག་ཅེས་བསྒོ་ན
iiif viewer powered by OpenSeadragon
