| e-texts navigator |
| Wylie |
50a1 འགྱུར་རོ། །གལ་ཏེ་མ་འོངས་ན་སྤྱི་བོ་འགས་ཤིང་སྐམས་ཏེ་འཆི་ལ། རིགས་དང་རང་གི་རིགས་རྒྱུད་བརླག་པར་འགྱུར་རོ། །འབྱུང་མོའི་གཟུགས་བ་ལང་གི་གིའུ་ཝང་གིས་བྲིས་ཏེ། རྐང་པ་གཡོན་པས
50a2 མནན་ནས་སྟོང་ཕྲག་བརྒྱད་བཟླས་ན་སྐད་ཅིག་དེ་ལ་ཀྱེ་མ་ཀྱེ་མ་ཞེས་ཟེར་ཞིང་འོང་སྟེ། འགུམ་མོ་འགུམ་མོ། །ཀྱེ་སྒྲུབ་པ་པོ་བཀའ་ཅི་སྩོལ་ཞེས་ཟེར་རོ། །སྒྲུབ་པ་པོས་ཀྱེ་འབྱུང་མོ་བདག་གི་ཁོལ་མོ་གྱིས་ཤིག་ཅེས་སྨྲས་ན་དེ
50a3 ཁོལ་མོའི་ལས་ཐམས་ཅད་བྱེད་དོ། །གྲོ་བའི་ཤུན་པ་ལ་བ་ལང་གི་གིའུ་ཝང་གིས་གཟུགས་བརྙན་བྲིས་ཏེ་རྐང་པ་གཡོན་པས་མནན་ནས་སྟོང་ཕྲག་བརྒྱད་བཟླས་ན་དེའི་མོད་ལ་འོང་ངོ་། །གལ་ཏེ་དེའི་མོད་ལ་མ་འོངས་ན་ཡུངས
50a4 ཀར་གྱིས་ཁ་ལ་བསྣུན་ཅིང་སྒྲ་ཆེན་པོས་བསྐུལ་ན་འབྱུང་མོ་དེ་རིམས་དྲག་པོས་འཆིའོ། །ཕྱིར་གསོ་བ་ནི་མར་དང་། སྦྲང་རྩི་ཁར་བཅུག་ན་སླར་འཚོའོ། །འབྱུང་མོ་འདིས་བྲན་མོའི་ལས་བྱེད་ཅིང་སྒྲུབ་པ་པོ་བདག་ཉིད་དང
50a5 གསུམ་ལ་གོས་དང་། རྒྱན་དང་བཟའ་བ་ཉི་མ་རེ་རེ་སྟེར་རོ། །གཙུག་ལག་ཁང་གི་སྒོར་སོང་སྟེ། སྟོང་ཕྲག་བརྒྱད་བཟླས་ན་འདིས་བ་ལང་མོའི་བློ་གྲོས་ཞེས་བྱ་བའི་འབྱུང་མོ་འོང་སྟེ། འོངས་པ་ལ་གཏོར་མ་བྱིན་ན་སྡུག་པ
50a6 ངས་ཅི་བྱ་ཞེས་སྨྲའོ། །མ་གྱིས་ཤིག་ཅེས་བསྒོ་ན་མ་དང་འདྲ་བར་ཡོངས་སུ་སྐྱོང་ཞིང་བདག་ཉིད་དང་ལྔ་ལ་གོས་དང་། རྒྱན་དང་བཟའ་བ་ལ་སོགས་པ་སྟེར་རོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས་བྲན་མོ་བསྒྲུབ
50a7 པའི་ཆོ་ག་རྒྱས་པའི་ལེའུ་རྫོགས་སྷོ། ། །། དེ་ནས་མཆོག་ཏུ་གསང་བ་ཤིན་ཏུ་གསང་བ་ཆེན་པོ་འབྱུང་པོ་འདུལ་བའི་རྒྱུད་ཆེན་པོ་ལས་འབྱུང་མོ་སྒྲུབ་པའི་ཐབས་ཀྱི་ཆོ་ག་རྒྱས་པར་བཤད་པར་བྱ་སྟེ།
50a8 དབུལ་པོ་རྣམས་ལ་ཕན་པའི་དོན་དུ་དངོས་གྲུབ་ཀྱི་སྒྲུབ་པའི་ཐབས། ཁྲོ་བོ་ཉིད་ཀྱི་གསུངས་པའོ། །དེ་ལ་འབྱུང་མོ་རྣམས་ཀྱི་མིང་བཤད་པ། རྒྱན་ཅན་མ་དང་རྣ་ཅན་མ་དང་། དོ་ཤལ་ཅན་མ་དང་།
iiif viewer powered by OpenSeadragon
