| e-texts navigator |
| Wylie |
49a1 འདི་བཟའ་ཡིས་སླང་ཅིག་ཅེས་ཟེར་རོ། །དེས་སྐྲག་པར་མི་བྱའོ་སྟེ། གལ་ཏེ་སྐྲག་པར་གྱུར་ན་ཡི་གེ་ཧཱུ~ཾ་བཟླས་ན་བདེ་བར་གནས་པར་འགྱུར་རོ། །འཇིགས་བྱེད་འཁོར་དང་བཅས་པ་བྲན་དུ་འགྱུར་རོ། །ཁམས
49a2 གསུམ་པའི་རྒྱལ་སྲིད་སྟེར་ཞིང་ཡི་གེ་ཧཱུ~ཾ་བཟླས་པ་ཙམ་གྱིས་འཇིག་རྟེན་པའི་ལྷ་ཐམས་ཅད་འཇོམས་སོ། །གར་གྱི་དབང་ཕྱུག་རྐང་པ་གཡོན་པས་མནན་ཏེ། ཉི་མ་བདུན་དུ་བརྒྱད་སྟོང་བཟླས་ན་སྐད་ཅིག་དེ་ལ་འོང་ཞིང་མངག་གཞུག་པར་འགྱུར
49a3 རོ། །གལ་ཏེ་མ་འོངས་ན་སྐམས་པའམ་འཆི་བར་འགྱུར་རོ། །ནག་པོ་ཆེན་པོ་རྐང་པ་གཡོན་པས་མནན་ཏེ། སྟོང་ཕྲག་བརྒྱད་བཟླས་ན་ཉི་མ་བདུན་ན་འཁོར་གྱི་ཚོགས་དང་བཅས་ཏེ་འོང་ངོ་། །གལ་ཏེ་མ་འོངས་ན་སྐད་ཅིག
49a4 དེ་ཉིད་ལ་འཆི་ཞིང་རང་གི་རིགས་རྒྱུད་ཕུང་བར་འགྱུར་རོ། །ལྷ་ནག་པོ་ཆེན་པོ་འཁོར་གྱི་ཚོགས་དང་བཅས་པ་མངག་གཞུག་པར་འགྱུར་རོ། །གདོང་བཞི་པ་ཕྱུག་པོའི་ཁང་པར་སོང་སྟེ། རྐང་པ་གཡོན་པས་མནན་ནས་ཁྲི
49a5 ཕྲག་བཟླས་ན་ཉི་མ་བདུན་ན་འཁོར་གྱི་ཚོགས་དང་བཅས་ཏེ་འོང་ངོ་། །གལ་ཏེ་མ་འོངས་ན་རིགས་དང་རྒྱུད་བརླག་པར་འགྱུར་རོ། །རྣམ་པ་ཐམས་ཅད་ཀྱིས་གཡོག་འཁོར་དུ་འགྱུར་ལ། རྒྱབ་དུ་ཞོན་ན་མཐོ་རིས་སུ་ཡང་འཁྱེར
49a6 རོ། །པང་པ་ན་གནས་པ་བླངས་ནས་སྟེར་ཞིང་དངུལ་ཆུ་དང་བཅུད་ཀྱིས་ལེན་བཟང་པོ་སྟེར་རོ། །བཅོམ་ལྡན་འདས་དཔལ་རྡོ་རྗེ་འཆང་གིས་དེ་སྐད་ཅེས་གསུངས་སོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན
49a7 པོ་ལས་མངག་གཞུག་བསྒྲུབ་པའི་ཆོ་ག་རྒྱས་པའི་ལེའུ་རྫོགས་སྷོ། ། །། དེ་ནས་སྟོབས་དང་ཕ་རོལ་གནོན་པ་དཔག་ཏུ་མེད་པ་འཇིག་རྟེན་གསུམ་གྱིས་ཕྱག་བྱས་པའི་བྲན་མོ་སྒྲུབ
49a8 པའི་ཐབས་ཁྲོ་བོ་ཉིད་ཀྱིས་མི་རྣམས་ལ་ཕན་པའི་དོན་དུ་གསུངས་པ་དངོས་གྲུབ་ཀྱི་མཆོག་བཤད་པར་བྱ་སྟེ། ལེ་ལོ་ཅན་དང་སྡིག་པ་བྱེད་པ་དང་བརྫུན་དུ་སྨྲ་བས་ཀྱང་འགྲུབ་པར་བྱེད་དོ། །ཚུལ་ཁྲིམས་དང་ལྡན་པ་དང་། ཟང་ཟིང་སྤངས
iiif viewer powered by OpenSeadragon
