| e-texts navigator |
| Wylie |
47b1 ལྷ་ཐམས་ཅད་ཀྱི་གདན་གྱི་པདྨའི་ཕྱག་རྒྱ་དང་སྔགས་སོ། །པད་མའི་ཕྱག་རྒྱ་འདི་ཉིད་ལས་མཐེ་བོ་གཡོན་པ་བསྒྲུལ་བས་ལྷ་ཐམས་ཅད་སྤྱན་དྲངས་པ་གཤེགས་སུ་གསོལ་བའི་ཕྱག་རྒྱ་སྟེ་སྔགས་ནི་ཨོཾ་ས་ར་ས་ར་བི་ས་ར་བི་ས་ར།
47b2 གཙྪ་གཙྪ་སརྦ་དེ་བ་ཏཱ་ནི། ཤྲཱི་བཛྲ་དྷ་ར། ས་མ་ཨཱ་ཛྙཱ་པ་ཡ་ཏི་སྭཱ་ཧཱ། གཤེགས་སུ་གསོལ་བའི་སྔགས་སོ། །ཁྲོ་ཆེན་ཐམས་ཅད་གྲུབ་མཛད་པ། །མཐུ་ཆེན་དངོས་གྲུབ་བདེ་བར་སྦྱིན་མཛད་པ། །མཐུ་ཆེན་བླ་ན་མེད་པ་ནི། །བདག་ལ
47b3 སྩལ་ཏེ་གཤེགས་སུ་གསོལ། །བསྟོད་པ་འདིས་བསྟོད་པར་བྱའོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས་དངོས་གྲུབ་ཀྱི་ཆོ་ག་དཀྱིལ་འཁོར་གྱི་སྒྲུབ་པ་རྫོགས་སྷོ།། །། དེ་ནས་ཁྲོ་བོའི་བདག་པོ་ཆེན་པོ་ཕྱག་ན་རྡོ་རྗེས་འདི
47b4 སྐད་ཅེས་གསུངས་སོ། །དཀྱིལ་འཁོར་ཆེན་པོ་འདི་མཐོང་བ་ཙམ་གྱིས་ཁམས་གསུམ་པའི་རྒྱལ་སྲིད་འཐོབ་ཅིང་འདིའི་རྡོ་རྗེ་འཆང་བཟླས་པ་ཙམ་གྱིས་རྡོ་རྗེ་འཆང་དང་མཚུངས་པར་འགྱུར་རོ། །གལ་ཏེ་མ་གྲུབ་ན་ཡང་གླིང་བཞི་པའི
47b5 འཁོར་ལོས་བསྒྱུར་བའི་རྒྱལ་པོར་འགྱུར་རོ། །དཔལ་རྡོ་རྗེ་འཆང་ཁྲོ་བོའི་བདག་པོ་བཟླས་པ་ཙམ་གྱིས་འབྱུང་པོ་ཐམས་ཅད་བྲན་དུ་འགྱུར་རོ། །གལ་ཏེ་སྔགས་པ་ཁྲོས་ན་ཁྲོས་པ་ཙམ་གྱིས་འཇིག་རྟེན་པའི་ལྷ་ཐམས་ཅད་དུམ་བུ
47b6 བརྒྱར་ཞིག་པར་འགྱུར་རོ། །ཀླུ་དང་གནོད་སྦྱིན་ཐམས་ཅད་མཐོང་བ་ཙམ་གྱིས་གསོད་ཅིང་འཇིག་རྟེན་པའི་ལྷ་ཐམས་ཅད་ཧཱུ~ཾ་གི་སྒྲ་ཙམ་གྱིས་འབྲོས་པར་བྱེད་དོ། །དེ་ནས་དཔལ་རྡོ་རྗེ་འཆང་ཁྲོ་བོའི་བདག་པོ་ཆེན་པོའི་སྔོན་དུ་བསྙེན་པར
47b7 བྱ་བ་བཤད་པ། བདག་ཉིད་བསྲུང་བའི་སྔགས་འབུམ་བཟླས་ན་མྱུར་དུ་འགྲུབ་པར་བྱེད་པའོ། །དེ་ནས་དཔལ་རྡོ་རྗེ་འཆང་བསྒྲུབ་པར་འདོད་ན་ཟླ་བ་གཅིག་ཏུ་དུས་གསུམ་དུ་སྟོང་ཕྲག་རེ་བཟླས་ནས། དེ་ནས་ཟླ་བ་ཉ་ལ་ཅི་ལྟར
47b8 འབྱོར་པའི་མཆོད་པ་བྱས་ནས། ཁྲོ་བོའི་ཕྱག་རྒྱ་བཅིངས་ཏེ་མཚན་ཐོག་ཐག་བཟླས་སོ། །དེ་ནས་ཐོ་རངས་ས་གཡོ་བ་དང་། ཕྱག་རྒྱ་འབར་བར་འགྱུར་ཏེ་འབར་བ་ཙམ་གྱིས་རྡོ་རྗེ་འཆང་དང་མཚུངས་པར་འགྱུར་ཞིང་རྒ་བ་དང་།
iiif viewer powered by OpenSeadragon
