| e-texts navigator |
| Wylie |
47a1 པོ་རལ་གྲིའི་ཕྱག་རྒྱའོ། །ལག་པ་གཡོན་པའི་ཁུ་ཚུར་བཅངས་ཏེ། མཛུབ་མོ་བརྐྱང་ནས་བསྐྱིལ་བ་ནི་ཆུ་ལྷའི་ཞགས་པའི་ཕྱག་རྒྱའོ། །ལག་པ་གཡོན་པའི་ཁུ་ཚུར་བཅངས་ལ་མཛུབ་མོ་དང་། གུང་མོ་བརྐྱང་བ་ནི
47a2 རླུང་ལྷའི་བ་དན་གྱི་ཕྱག་རྒྱའོ། །ལག་པ་གཡས་པ་ཁུ་ཚུར་བཅངས་ཏེ། མཐེ་བོ་བརྐྱང་བ་ནི་རྣམ་ཐོས་ཀྱི་གླང་པོ་ཆེའི་ཕྱག་རྒྱའོ། །ལག་པ་གཡོན་པ་ཁུ་ཚུར་བཅངས་ཏེ། མཐེའུ་ཆུང་གིས་སོར་མོ་མནན་ནས་སོར་མོ་ལྷག་མ་བརྐྱང
47a3 བ་ནི་དབང་ལྡན་གྱི་ཏྲི་ཤཱུ་ལའི་ཕྱག་རྒྱའོ། །དེ་ནས་རྫོགས་པར་བྱེད་པའི་ཕྱག་རྒྱ་བཤད་པ། ཐལ་མོ་སྦྱར་བ་ནི་རྫོགས་པར་བྱེད་པའི་ཕྱག་རྒྱའོ། །སྔགས་བཤད་པ། ཨོཾ་སིདྡྷི་བཛྲ། ཨ་སུ་རཱ་ཡ་ཨཱ་ཨ་སུ་རཱ་ཡ་ཧཱུ~ཾ། རྫོགས
47a4 པར་བྱེད་པའི་སྔགས་དང་ཕྱག་རྒྱའོ། །དེ་ནས་དངོས་གྲུབ་དགུག་པའི་སྔགས་དང་ཕྱག་རྒྱ་བཤད་པ་ཁུ་ཚུར་སོ་སོར་བཅངས་ནས་མཐེའུ་ཆུང་གཉིས་འཁྱུད་དེ་མཛུབ་མོ་གཉིས་བརྐྱང་ནས་བསྐྱིལ་བ་ནི་དངོས་གྲུབ་དགུག་པའི་ཕྱག་རྒྱའོ། །
47a5 སྔགས་ནི་ཨོཾ་བཛྲ་རོ་ཥ་མ་ཧཱ་ཀྲོ་དྷ་སིདྡྷ་ཨཱ་ཀཪྵ་ཡེ་ཧཱུ~ཾ་ཛ་དངོས་གྲུབ་དགུག་པའི་སྔགས་སོ། །རྒྱལ་པོ་ཆེན་པོའི་དངོས་གྲུབ་ནི། །ཁྲོ་བོའི་བསྟན་པའི་དངོས་གྲུབ་སྟེ། །ལྷ་རྣམས་ཀུན་གྱི་དངོས་གྲུབ་མཆོག་།བདག་ལ་མྱུར་དུ་བསྒྲུབ་དུ
47a6 གསོལ། །རྡོ་རྗེ་གསོར་ཞིང་སྔགས་དེ་དང་འདི་བརྗོད་པར་བྱའོ། །དེ་ནས་འབྱུང་མོའི་གདོན་གྱི་ཕྱག་རྒྱ་བཤད་པ་ལག་པ་གཡོན་པའི་ཐལ་མོ་མཉམ་པར་བྱས་ནས། མཐེ་བོ་བསྒྲེང་ཏེ་ལག་པ་གཡས་པའི་ཁུ་ཚུར་གྱིས་ལག་པ
47a7 གཡོན་པའི་གཞན་གྱིས་མི་ཐུབ་པའི་ཕྱག་རྒྱ་བཅིངས་ཏེ་གཡས་པའི་མཐེ་བོང་བསྒྲེང་བ་ནི་རྡོ་རྗེ་འཆང་གི་འབྱུང་པོ་གདོན་གྱི་ཕྱག་རྒྱའོ། །ོཾ་ཛ་ཡ་ཛ་ཡ་མ་ཧཱ་ཀྲོ་དྷ། ཨ་དྷི་པ་ཏི་ཀྲོ་དྷ་རཱ་ཛ། ཨི་མ~ཾ་བྷཱུ་ཏ་ཨཱ་ས་ན~ཾ། དཪྴ་ཡ་རཀྵ་སྭཱ་ཧཱ།
47a8 གདན་གྱི་སྔགས་སོ། །དེ་ནས་ལྷའི་གདན་གྱི་ཕྱག་རྒྱ་བཤད་པ། ཐལ་མོ་སྦྱར་བ་བྱས་ཏེ་སོར་མོ་ཐམས་ཅད་བཀྲམ་པ་ནི་པདྨའི་ཕྱག་རྒྱར་བརྗོད་པ་སྟེ། འདི་ནི་ཕྱག་རྒྱའོ། །སྔགས་ནི་ཨོཾ་པདྨོ་བྷ་པ་ནི་ཥ་ཎ་ཎ་སརྦ་དེ་བ་ཏཱ~ཾ་སྭཱ་ཧཱ།
iiif viewer powered by OpenSeadragon
