| e-texts navigator |
| Wylie |
46b1 བཞག་པ་ནི་ཐིག་ལེ་མཆོག་མའི་ཕྱག་རྒྱའོ། །དེ་ནས་རྩོམ་པ་མོའི་ཕྱག་རྒྱ་བཤད་པ། ལག་པ་སོ་སོར་སོར་མོ་གཅིག་ལ་གཅིག་བསྐོར་བའི་སྦྱོར་བས་སྙིང་གར་བཞག་པ་ནི་རྩོམ་པ་མོའི་ཕྱག་རྒྱའོ། །དེ་ནས་ཕྱིའི
46b2 དཀྱིལ་འཁོར་གྱི་ཆོ་ག་རྒྱས་པར་བཤད་པ། ཨོཾ་ཤ་ཀྲཱ་ཡ་སྭཱ་ཧཱ། ཤར་དུ་བརྒྱ་བྱིན་ནོ། །ོཾ་ཨགྣ་ཡེ་སྭཱ་ཧཱ། མེར་མེའི་ལྷའོ། །ོཾ་ཡ་མཱ་ཡ་སྭཱ་ཧཱ། གཤིན་རྗེའི་ཕྱོགས་སུ་གཤིན་རྗེའོ། །ོཾ་རཱཀྵ་ས་ཨ་དྷི་པ་ཏ་ཡེ
46b3 ཛ་ཡ་ཛ་ཡ་སྭཱ་ཧཱ། བདེན་བྲལ་དུ་སྲིན་པོའི་བདག་པོའོ། །ོཾ་བ་རུ་ཎ་ནཱ་ག་ཨ་དྷི་པ་ཏ་ཡེ་སྭཱ་ཧཱ། ནུབ་ཏུ་ཆུ་ལྷའོ། །ོཾ་བཱ་ཡ་བེ་ཙ་ལ་ཙ་ལ་སྭཱ་ཧཱ། རླུང་དུ་རླུང་གི་ལྷའིའོ། །ོཾ་ཀུ་བཻ་རཱ་ཡ་ཡཀྵ་ཨ་དྷི་པ་ཏ་ཡེ
46b4 སྭཱ་ཧཱ། བྱང་དུ་ལུས་ངན་པོའིའོ། །ོཾ་ཙནྡྲཱ་ཡ་སྭཱ་ཧཱ། དབང་ལྡན་གྱི་ཕྱོགས་སུ་ཟླ་བའོ། །ོཾ་ཨཱི་ཤ་ནཱ་ཡ་སྭཱ་ཧཱ། དབང་ལྡན་གྱི་ཕྱོགས་སུ་དབང་ལྡན་ཉིད་དོ། །དེ་ནས་གནོད་སྦྱིན་མོ་ཐམས་ཅད་ཀྱི་དབང་ཕྱུག་མ་སྡུག
46b5 གུ་མཛེས་མའི་ཕྱག་རྒྱ་བཤད་ཁུ་ཚུར་སོ་སོར་བཅིངས་ཏེ་མཐེའུ་ཆུང་རབ་ཏུ་བརྐྱང་བའོ། །དེ་ནས་འབྱུང་མོའི་ཕྱག་རྒྱ་བཤད་པ་ཁུ་ཚུར་སོ་སོར་བཅངས་ཏེ་མཐེའུ་ཆུང་གཉིས་འཁྱུད་ནས་བསྡིགས་མཛུབ་བྱས་ཏེ་འཛིན་པ་ནི
46b6 འབྱུང་པོའི་དབང་ཕྱུག་འབྱུང་མོ་ཐམས་ཅད་ཀྱི་རྒྱལ་མོའི་ཕྱག་རྒྱའོ། །དེ་ནས་འབྱུང་མོ་སྒོ་སྐྱོང་མ་བརྒྱད་ཀྱི་ཕྱག་རྒྱ་བཤད་པ། ཁུ་ཚུར་སོ་སོར་བཅངས་ཏེ་མཛུབ་མོ་གཉིས་འཁྱུད་པ་ནི་འབྱུང་མོ་བརྒྱད་ཀྱི་ཕྱག་རྒྱའོ། །དེ་ནས་ཕྱིའི
46b7 དཀྱིལ་འཁོར་གྱི་ཆོ་ག་རྒྱས་པར་བཤད་པ་ནི་ལག་པ་གཡས་པའི་ཐལ་མོ་མཉམ་པར་བྱས་ཏེ། མཐེ་བོས་མཐེའུ་ཆུང་གི་སོར་མོ་མནན་ནས་སོར་མོ་ལྷག་མ་བཀྲམ་པ་ནི་བརྒྱ་བྱིན་གྱི་རྡོ་རྗེའི་ཕྱག་རྒྱའོ། །ལག་པ་གཡོན་པའི་ཐལ་མོ
46b8 མཉམ་པར་བྱས་ཏེ། ཅུང་ཟད་བསྐྱོད་པ་ནི་མེའི་ཕྱག་རྒྱའོ། །ལག་པ་གཡས་པ་ཁུ་ཚུར་བཅངས་ཏེ་མཛུབ་མོ་བརྐྱང་བ་ནི་གཤིན་རྗེའི་དབྱུག་ཏོའི་ཕྱག་རྒྱའོ། །ལག་པ་གཡས་པ་ཁུ་ཚུར་བཅངས་ཏེ་མཛུབ་མོ་དང་གུང་མོ་བརྐྱང་བ་ནི་སྲིན
iiif viewer powered by OpenSeadragon
