| e-texts navigator |
| Wylie |
44a1 གླུ་དང་སྙན་དངགས་མང་སྨྲ་བའི། །ཚིག་དབང་ལྷ་མོ་སྲིན་པོར་བྲི། །གནོད་སྦྱིན་ཀུན་གྱི་དབང་ཕྱུག་མ། །སྡུ་གུ་མཛེས་མ་ཞེས་གྲགས་པ། །ལག་ན་རིན་ཆེན་ཕྲེང་ཐོགས་པ། །རླུང་གི་གྲཝར་ནི་བྲི་བར་བྱ། །
44a2 འབྱུང་པོ་ཀུན་གྱི་དབང་ཕྱུག་རྒྱལ། །མི་འབྱུང་ཞེས་བྱའི་འབྱུང་མོ་ནི། །རྒྱན་རྣམས་ཀུན་གྱིས་བརྒྱན་པ་རུ། །དབང་ལྡན་གྲཝ་རུ་བྲི་བར་བྱ། །བཞིན་བཟངས་མིག་གིས་དཀྱུས་རིང་ཞིང་། །གཟུགས་དང་ལང
44a3 ཚོས་བརྒྱན་པ་ལ། །མདོག་ནི་གསེར་དང་འདྲ་བ་སྟེ། །སྐྲ་ནི་མཐོན་མཐིང་འཁྱིལ་བ་ལ། །ཡན་ལག་ཀུན་མཛེས་ལྷ་མོ་ནི། །སྒྲུབ་པའི་རིགས་ལ་དགའ་རྣམས་སོ། །བརྒྱ་བྱིན་ཤར་དུ་བྲི་བྱ་སྟེ། །མེ་ནི་མེ་རུ
44a4 ལེགས་པར་བྲིས། །ལྷོར་ནི་གཤིན་རྗེའི་རྒྱལ་པོ་སྟེ། །སྲིན་པོའི་བདག་པོ་བདེན་བྲལ་དུ། །ནུབ་དུ་ཆུ་ཡི་རྒྱལ་པོའོ། །རླུང་དུ་རླུང་གི་ལྷ་ཉིད་དོ། །བྱང་དུ་ལུས་ངན་རྒྱལ་པོ་བདག་།དབང་ལྡན་ཟླ་བ་བྲི་བྱ་སྟེ། །རང
44a5 རང་གནས་སུ་དགོད་པར་བྱ། །དེ་ནས་དཀྱིལ་འཁོར་དུ་འཇུག་པའི་ཆོ་ག་བཤད་པར་བྱ་སྟེ། རྡོ་རྗེ་སློབ་དཔོན་བདག་ཉིད་གཙུག་ཏོར་སྔོན་པོ་བཅིངས་ཏེ། རས་སྔོན་པོ་ཟུང་ཅིག་བགོས་ནས། རྡོ་རྗེ་གསོར་ཞིང་འདི་སྐད་ཅེས་བརྗོད་དོ། །
44a6 སེམས་ཅན་ཀུན་ལ་ཕན་དོན་དུ། །མྱུར་དུ་དངོས་གྲུབ་སྦྱིན་མཛད་པ། །གྲུབ་པའི་རྡོ་རྗེ་ཁྲོ་བོ་ཆེ། །ལྷ་ཉིད་དམ་ཚིག་ལ་བཞུགས་ཤིག་།དེ་ནས་དཔལ་ཁྲོ་བོ་ཆེན་པོ་ལྷ་ཉིད་དམ་ཚིག་ལ་བཞུགས་ཤིག་ཅེས་བརྗོད་དོ། །
44a7 དེའི་འོག་ཏུ་དཔལ་ཁྲོ་བོ་ཆེན་པོའི་ཕྱག་རྒྱ་བཅིངས་ཏེ་གཞུག་ཅིང་འདི་སྐད་ཅེས་བརྗོད་དོ། །ཧཱུ~ཾ་བཛྲ་ཕཊ། འདི་སྐད་བརྗོད་པ་ཙམ་གྱིས་བདག་ཉིད་ཁྲོ་བོ་འཇུག་གོ། །དེ་ནས་སློབ་མ་གཞུག་པར་བྱ་སྟེ། རས་སྔོན་པོས་གདོང་གཡོགས
44a8 ནས་ཁྲོ་བོའི་ཕྱག་རྒྱ་སྤྱི་བོར་བཞག་སྟེ། རྡོ་རྗེའི་ཆུ་ཁར་སྦྱིན་པར་བྱའོ། །ོཾ་ཏིཥྛ་ཏིཥྛ་སིདྡྷི་ཧཱུ~ཾ་འདིས་སྦྱིན་པར་བྱའོ། །ོཾ་པྲ་བེ་ཤ་ཀྲོ་དྷ་ཧཱུ~ཾ་ཧཱུ~ཾ་ཧཱུ~ཾ་ཨ། འདི་དང་ཁྲོ་བོ་དབབ་པའི་ཕྱག་རྒྱས་དབབ་པར་བྱ་སྟེ། ཡི་གེ་ཧཱུ~ཾ་གིས་རི་རབ་ཀྱི་སྟེང་ན
iiif viewer powered by OpenSeadragon
