| e-texts navigator |
| Wylie |
43b1 ཐོད་པའི་ཕྲེང་བའི་ཅོད་པན་ཅན། །འཇིག་རྟེན་གསུམ་ཡང་འཇིགས་བྱེད་ཅིང་། །སྒྲ་ཆེར་དྲག་ཏུ་བཞད་མཛད་ལ། །འཇིག་རྟེན་གསུམ་པོའི་བདག་པོ་སྟེ། །གཡོན་བརྐྱང་བ་ཡིས་ལེགས་པར་བཞུགས། །
43b2 ཉི་མ་བྱེ་བའི་གཟི་ལྡན་ལ། །གཞན་གྱིས་མི་ཐུབ་ཞབས་ཀྱིས་མནན། །ཕྱག་རྒྱ་འཆིང་བས་བཞུགས་པ་སྟེ། །སྲིན་ལག་གཉིས་ནི་འཁྱུད་ནས་སུ། །མཛུབ་མོ་གཉིས་ནི་བཀུག་བྱས་ཏེ། །མཐེའུ
43b3 ཆུང་དང་ནི་གུང་མོ་དག་། མཐེ་བོ་ཡིས་ནི་མནན་བྱས་པ། །དཔལ་ལྡན་འདི་འདྲའི་རྒྱ་འཛིན་ཅིང་། །འཇིག་རྟེན་གསུམ་གྱི་འབྱོར་འགྲུབ་པའོ། །ཁྲོ་བོའི་མདུན་དུ་ཨུ་མ་ཡི། །བདག་པོ་ཡང་དག་བྲི་བར་བྱ། །
43b4 ལྷོ་རུ་ཁྱབ་འཇུག་བྲི་བྱ་སྟེ། །ནུབ་དུ་ཚངས་པ་ལྷ་ཉིད་དོ། །བྱང་དུ་བདག་པོ་སྨིན་དྲུག་གོ། །དབང་ལྡན་དུ་ནི་ཚོགས་བདག་པོ། །འོད་ཟེར་སྟོང་གིས་མཛེས་པ་ནི། །མེའི་གྲཝར་ནི་བྲི་བར་བྱ། །སྒྲ་གཅན་བདེན
43b5 བྲལ་གྲཝ་རུ་བྲི། །དགའ་བའི་དབང་ཕྱུག་རླུང་གི་གྲཝར། །གསེར་གྱི་ཁ་དོག་ལྟ་བུའི་ལུས། །རྒྱན་རྣམས་ཀུན་གྱིས་རྣམ་པར་བརྒྱན། །ཅུང་ཟད་རྒོད་ཅིང་ཆགས་པ་ཡིས། །བཅོམ་ལྡན་འདས་ལ་བལྟ་བ་ཡི། །
43b6 མཆོད་པའི་ལྷ་མོ་གནས་པ་རྣམས། །དཀྱིལ་འཁོར་ཕྱི་རོལ་བྲི་བྱ་སྟེ། །ཁྲོ་བོ་ཡི་ནི་གཡོན་ལོགས་སུ། །ལྷ་མོ་ཨུ་མ་བྲི་བར་བྱ། །ཁྲོ་བོ་ཡི་ནི་མདུན་ཉིད་དུ། །དཔལ་གྱི་ལྷ་མོ་བྲི་བར་བྱ། །
43b7 ལག་པ་མེ་ཏོག་ཐོགས་པའོ། །ཁྲོ་བོ་ཡི་ནི་གཡས་ལོགས་སུ། །རྒྱན་ཀུན་གྱིས་ནི་བརྒྱན་བྱས་ཤིང་། །ལག་པ་ན་ནི་སྤོས་ཐོགས་པའི། །ཐིག་ལེ་མཆོག་ནི་ལེགས་པར་བྲི། །ཁྲོ་བོ་ཡི་ནི་རྒྱབ་ཀྱི་ཆར། །
43b8 ལྷ་ཡི་རྣ་ཆས་བརྒྱན་པ་ཡི། །ལག་ན་མར་མེ་ཐོགས་པར་ནི། །ཟླ་བའི་ལྷ་མོ་བྲི་བར་བྱ། །ལྷ་ཡི་རྣ་ཆས་བརྒྱན་པ་ཡི། །ལག་ན་དྲི་ཡི་སྣོད་ཐོགས་པ། །རིན་ཆེན་རྒྱན་གྱིས་བརྒྱན་པ་ཡི། །ལྷ་མོ་མེ་ཡི་གྲཝ་རུ་བྲི། །
iiif viewer powered by OpenSeadragon
