| e-texts navigator |
| Wylie |
43a1 དང་། གནོད་སྦྱིན་དང་། ཀླུ་དང་མི་འམ་ཅི་དང་། ལྟོ་འཕྱེ་ཆེན་པོ་ཁྲི་ཕྲག་བརྒྱ་སྟོང་དུ་མ་དང་ལྷན་ཅིག་ཏུ་འཁོར་གྱི་དཀྱིལ་འཁོར་ཆེན་པོ་དེར་དཔལ་རྡོ་རྗེ་འཆང་ཁྲོ་བོའི་བདག་པོ་ཆེན་པོ་ལ་ལན་གསུམ་བསྐོར་བ
43a2 བྱས་ཏེ། ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་མི་ཕྱེད་པར་བསྟན་པ། ཁམས་གསུམ་པའི་རྒྱལ་པོ་ཆེན་པོ
43a3 འབྱུང་པོ་དང་། ཀླུ་དང་གནོད་སྦྱིན་དང་། རིག་འཛིན་རྣམས་འཇིག་པར་བྱེད་པ། བགེགས་ཐམས་ཅད་འཇོམས་པ། སྡུག་བསྔལ་བ་དང་། ཉོན་མོངས་པ་ཐམས་ཅད་སེལ་བ། གདོན་ཐམས་ཅད་དང་།
43a4 རོ་ལངས་དང་ལུས་སྲུལ་པོ་རྣམས་གསོད་པ། དཀྱིལ་འཁོར་གསང་ཆེན་ཐམས་ཅད་གྲུབ་པར་བྱེད་པ་བཤད་དུ་གསོལ། དེ་ནས་འཁོར་གྱི་དཀྱིལ་འཁོར་དེར་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ
43a5 འཇམ་དཔལ་གཞོན་ནུར་གྱུར་པས་འབྱུང་པོའི་དབང་ཕྱུག་ལྷ་ཆེན་པོ་ལ་ལེགས་སོ་ཞེས་བྱ་བ་བྱིན་ཏེ་ལེགས་སོ་ལེགས་སོ། །ལྷ་ཆེན་པོ་མ་འོངས་པའི་དུས་ན་འཛམ་བུའི་གླིང་གི་མི་རྣམས་ལ་ཕན་པའི་དོན་དུ་འབྱུང་པོ
43a6 ཐམས་ཅད་དང་། ཀླུ་དང་གནོད་སྦྱིན་དང་། མི་འམ་ཅི་རྣམས་བྲན་མོར་སྒྲུབ་པའི་ཐབས་ཁྲོ་བོའི་བདག་པོ་ཆེན་པོས་གསུངས་ཤིག་།དེ་ནས་འདིར་ནི་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །གྲུ་བཞི་པ་ལ་སྒོ་བཞི་པ། །
43a7 རྟ་བབས་དག་ནི་བཞིས་བརྒྱན་ཅིང་། །ཆ་རྣམས་བཅུ་དྲུག་དག་དང་ལྡན། །རྡོ་རྗེ་ར་བས་མཛེས་བྱས་པ། །དེའི་དབུས་དགོད་བྱ་དྲག་པོ་སྟེ། །འབར་བའི་ཕྲེང་བ་ཡང་དག་འཁྲུག་།ཁྲོ་བོ་ཆེན་པོ་ཕྱག་བཞི་པ། །
43a8 མིག་སྨན་སྦྱངས་པའི་འོད་འདྲ་ཞིང་། །ཕྱག་གཡས་ཀྱིས་ནི་རྡོ་རྗེ་གསོར། །གཡོན་པའི་ཕྱག་གིས་བསྡིགས་མཛུབ་མཛད། །ཞལ་གྱི་མཆེ་བ་གཙིགས་པ་སྟེ། །སྦྲུལ་བརྒྱད་ཀྱིས་ནི་རྣམ་པར་བརྒྱན། །
iiif viewer powered by OpenSeadragon
