| e-texts navigator |
| Wylie |
42a1 སྟེར་རོ། །མཚན་མོ་བསྐྱེད་མོས་ཚལ་དུ་སོང་སྟེ་བརྒྱད་སྟོང་བཟླས་ན་ཉི་མ་གསུམ་ན་རྐང་གདུབ་ཀྱི་སྒྲ་ཐོས་སོ། །ཉི་མ་བཞི་ན་འབྱུང་མོ་འོང་བ་མཐོང་ངོ་། །ཉི་མ་ལྔ་ན་མདུན་ན་འདུག་གོ། ཉི་མ་དྲུག་ན་དོང་ཚེ་ལྔ་སྟེར་རོ། །
42a2 ཉི་མ་བདུན་ན་ཡང་འོང་སྟེ་ཁྱིམ་དང་བཅས་ནས་འོངས་པ་ལ་ཆགས་པ་བྱས་ན་ཆུང་མར་འགྱུར་རོ། །དེ་བཞིན་དུ་ཉི་མ་བརྒྱད་པ་ལ་སྔས་སུ་མཎྜལ་བྱས་ལ་གུ་གུལ་གྱི་བདུག་པ་བྱིན་ཏེ། སྟོང་ཕྲག་བརྒྱད་བཟླས་ན་འབྱུང་མོའི་གཟུགས
42a3 ཀྱིས་ཁྱིམ་དང་བཅས་ནས་འོངས་པ་ལ་ཆགས་པ་བྱས་ན་ཆུང་མར་འགྱུར་རོ། །ལྷའི་མུ་ཏིག་གི་དོ་ཤལ་མལ་དུ་བོར་ནས་ཐོ་རངས་ཀྱིས་འགྲོ་སྟེ་དེས་ཀྱང་མུ་ཏིག་གི་དོ་ཤལ་བླང་བར་བྱའོ། །བླངས་པ་ཙམ་གྱིས་དོང་ཙེ་ཉི་ཤུ་རྩ་ལྔ་དང
42a4 རས་ཟུང་གཅིག་སྟེར་རོ། །དགྲ་ཐམས་ཅད་འཇོམས་པར་བྱེད་ཅིང་ཚེ་ལོ་སྟོང་ཐུབ་པར་འགྱུར་ཏེ། ཤི་ནས་རྒྱལ་རིགས་སུ་སྐྱེའོ། །ལྷ་ཁང་སྟོང་པར་སོང་ནས་མཚན་མོ་བརྒྱད་སྟོང་བཟླས་ན་ཉི་མ་གསུམ་ན་འབྱུང་མོ་རང་ཉིད་སྣང་བ
42a5 ཆེན་པོ་བྱས་ནས་འཁོར་བརྒྱད་བརྒྱས་ཡོངས་སུ་བསྐོར་ཏེ་ངེས་པར་འོང་ངོ་། །འོངས་པ་ལ་ཙན་དན་གྱི་ཆུའི་མཆོད་ཡོན་བྱིན་ན་དགའ་བར་འགྱུར་ཏེ་ཆུང་མར་འགྱུར་ལ་དངུལ་ཆུ་དང་བཅུད་ཀྱིས་ལེན་དང་། རྫས་ཀྱི་གྲུབ་པ་སྟེར་རོ། །
42a6 འཁོར་བརྒྱད་བརྒྱས་གོས་དང་རྒྱན་དང་བཟའ་བ་ལ་སོགས་པ་སྟེར་རོ། །ལོ་ལྔ་སྟོང་འཚོ་ཞིང་གང་གི་ཚེ་འཆི་བ་ན་རྒྱལ་རིགས་སུ་སྐྱེའོ། །མཚན་མོ་རྒྱལ་པོའི་ཁབ་དུ་སོང་སྟེ། སྟོང་ཕྲག་བརྒྱད་བཟླས་ན་སྔོན་དུ
42a7 བསྙེན་པ་བྱས་པར་འགྱུར་རོ། །ནུབ་ལྔར་ཀ་ར་བཱི་རའི་ཤིང་གིས་མེ་རབ་ཏུ་སྦར་ཏེ། མ་ལ་ཏིའི་མེ་ཏོག་ཞོ་དང་མར་གྱིས་བྱུགས་ཏེ། བརྒྱད་བརྒྱ་བསྲེགས་ན་འབྱུང་མོའི་རྒྱལ་མོ་དབང་ཕྱུག་ཆེན་མོ་འཁོར་ལྔ་བརྒྱའི་རྐང
42a8 གདུབ་ཀྱི་སྒྲ་ཆེན་པོས་མྱུར་དུ་འོང་ངོ་། །འོངས་པ་ལ་མེ་ཏོག་གི་མཆོད་ཡོན་བྱིན་ན་མ་དང་སྲིང་མོ་དང་ཆུང་མར་འགྱུར་རོ། །གལ་ཏེ་མར་གྱུར་ན་སེམས་སུན་དབྱུང་བར་མི་བྱ་སྟེ། ལྟས་འདོད་པའི་བཟའ
iiif viewer powered by OpenSeadragon
