| e-texts navigator |
| Wylie |
41b1 འབྱུང་མོ་ཐམས་ཅད་མྱུར་དུ་འོངས་ཏེ། འོངས་པ་ལ་ཐོད་པ་ཁྲག་གིས་ཡོངས་སུ་བཀང་སྟེ་མཆོད་ཡོན་བྱིན་ན་དགའ་བར་འགྱུར་ཏེ། སྡུག་པ་ངས་ཅི་བྱ་ཞེས་སྨྲ་སྟེ། སྒྲུབ་པ་པོས་མ་གྱིས་ཤིག་ཅེས་སྨྲས་ན་མ་དང་འདྲ་བར
41b2 ཡོངས་སུ་སྐྱོང་བར་བྱེད་དོ། །རྒྱལ་སྲིད་སྟེར་ཞིང་བསམ་པ་ཐམས་ཅད་ཡོངས་སུ་རྫོགས་པར་བྱེད་ལ་སྒྲུབ་པ་པོ་རྣམས་ཀྱི་བདག་པོར་འགྱུར་རོ། །ལོ་བརྒྱ་ཕྲག་ལྔ་འཚོ་ཞིང་ཤི་ནས་ཀྱང་རྒྱལ་རིགས་སུ་སྐྱེའོ། །
41b3 དེ་ནས་རྡོ་རྗེ་འཆང་གི་ཁྱིམ་དུ་སོང་སྟེ་སྟོང་ཕྲག་བརྒྱད་བཟླས་ན་དེས་སྔོན་དུ་བསྙེན་པ་བྱས་པར་འགྱུར་རོ། །མཚན་མོ་ཡང་དཔལ་རྡོ་རྗེ་འཆང་གི་ཁྱིམ་དུ་སོང་སྟེ་བཟླས་ན་བུད་མེད་བཟང་མོའི་གཟུགས་ཀྱིས་འདུག་ནས་མཆོག་སྟེར་རོ། །
41b4 མཚན་མོ་ལིང་ག་གཅིག་པར་སོང་སྟེ་སྟོང་ཕྲག་གཅིག་བཟླས་ན་ཉི་མ་གཅིག་ན་རྐང་གདུབ་ཀྱི་སྒྲ་ཐོས་སོ། །ཉི་མ་གཉིས་ན་བུད་མེད་བཟང་མོ་མདུན་དུ་འདུག་སྟེ། སེམས་སུན་མི་དབྱུང་ཞིང་སྨྲ་བར་ཡང་མི་བྱའོ། །ཉི་མ
41b5 གསུམ་པ་ལ་ཚིག་སྨྲ་བར་བྱེད་དེ། ཀྱེ་བསྒྲུབ་པ་པོ་བཀའ་ཅི་སྩལ་ཞེས་སྨྲ་སྟེ། སྒྲུབ་པ་པོས་ཀྱེ་ལྷ་མོ་ཆེན་མོ་བསྙེན་བཀུར་གྱིས་ཤིག་ཅེས་སྨྲས་ན་ཇི་སྲིད་འཚོའི་བར་དུ་བསྙེན་བཀུར་མར་འགྱུར་རོ། །རྒྱབ་དུ་ཞོན་ན་རི་རབ་དང
41b6 རྒྱ་མཚོ་ལ་སོགས་པར་འཁྱེར་རོ། །གཞན་ཡང་ངལ་སོ་བའི་ཁྱིམ་དུ་སོང་སྟེ་འདུག་ན་རྫས་བླངས་ནས་སྟེར་བར་བྱེད་དོ། །འཛམ་བུའི་གླིང་གི་ཁོངས་སུ་གཏོགས་པ་ན་གཟུགས་མཆོག་དང་ལྡན་པའི་བུ་མོ་བླངས་ནས
41b7 སྟེར་རོ། །དེ་ནས་འདོད་པར་བྱས་ན་ལོ་ལྔ་བརྒྱ་འཚོ་ཞིང་ཤི་བ་ན་རྒྱལ་ཕྲན་གྱི་རིགས་སུ་སྐྱེའོ། །མཚན་མོ་ཆུ་བོ་འདུས་པའི་འགྲམ་དུ་སོང་སྟེ་སྟོང་ཕྲག་བརྒྱད་བཟླས་ན་འབྱུང་མོ་བུད་མེད་བཟང་མོའི་གཟུགས་ཅན་དུ
41b8 འཁོར་དང་བཅས་ནས་འོང་སྟེ། འོངས་པ་ལ་བོད་པར་མི་བྱ་ཞིང་སུན་འབྱུང་བར་མི་བྱ་སྟེ། མི་སྨྲ་བར་གྱུར་པས་ཆགས་པ་སྤྱད་ན་ཉི་མ་རེ་རེ་ཞིང་རྟག་ཏུ་གནས་པར་འགྱུར་རོ། །དོང་ཙེ་ལྔ་དང་རས་ཕྲུགས་གཅིག
iiif viewer powered by OpenSeadragon
